kum puan 2014 -15 booklet

8/12/2019 Kum puan 2014 -15 Booklet

1/39

K.T.P KUM PUAN KAIHHRUAINA 2014-2015 1.

MIZORAM PRESBYTERIAN CHURCH

KRISTIAN THALAI PAWL (Christian Youth Fellowship)

.

PATHIAN TAWK TURA INPEIH

2014-2015

KUM PUAN THUPUI KAIHHRUAINA


2/39

PATHIAN TAWK TURA INPEIH2

KRISTIAN |HALAI PAWL

PATHIAN TAWK TURA INPEIH

2014-2015 KUM PUAN THUPUI KAIHHRUAINA

Published byCentral Kristian |halai Pawl

Aizawl, Mizoram

No. of copies - 15,000


3/39


THUHMAHRUAI

Kum 1987 a\ang khan Kristian |halai Pawl (K|P)chuan Kum Puan kan nei \an a. Kum 1999 chauh kha kum

puan neih loh kum a ni a. Kum 26 chhungin thupui chihrang hrang 18 kan zir tawh a. Tuna kan kum puan thupuiPathian tawk tura inpeih tih hi kum 2013 KTP RorelInkhawm vawi 5-na, Lunglei Chanmari Biak In-a neih \umathlan kha a ni a, thupui 19-na tur a ni.

Central KTP Committee 649:VIII chuan kum puanthupui zir tur ruahmanna siam turin mi pali - Pu SaizamlianaSailo (Convener), Pu Samuel Laldingliana, Tv. R.Lalramnghaka leh Tv. R. Lalruatkima leh te a ruat a. Anruahmanna chu Central Committee-in a pawmpui hnuahhma lak zui a ni a, a kaihhruaina bu ziak turin Rev.Zosangliana Colney, Mission Vengthlang sawm a ni a. Aninkan sawmna chu lawm taka lo pawmin hma min laksak a, ahun taka buatsaih theih turin min peihsak a, a chungah kanlawm em em a ni.

Hei bakah hian kum puan behchhan bawk hian HlaInphuahsiak buatsaih a ni a. Thu leh hla lama tui-mi engemaw zatin an hla phuah an rawn theh lut a, a endiktuten anendik mek a, 55 th. K|P General Conference 2014/ DiamondJubilee Lawmna, Khawzawl-ah hian a results puan turaruahman a ni.

Kum dang ang bawkin Thupui hi vawi 6 zir turaruahman a ni a, a tawpah Sawiho tur dah zel a ni bawk a.Branch hruaitute chuan thupui hi lo zir lawkin a kaihhruaina


4/39


zir hunah a sawi zauna lamah pawh \hahnemngai tlang ila,member naupang zawkte cho chhuak zawnga inzirtir turin\an la ila kan hlawkpui ngeiin a rinawm.

Kum kaltaa kan kum puan thupui Midang tanamalsawmna tih kha vawng nung zelin Kristian |halai Pawlmember zawng zawngte chuan englai pawha Pathian tawk tura inpeih rengin inpeih ve tura midangte sawmtu ni theiila, mahni hma zawnah \heuh kan kum puan hi i bawhzuinghal ang u.

Kan kum puan hi a zirtu tan malsawmna leh Pathianram zauna lo ni mawlh rawh se.

Dated Aizawl (UPA ZONUNMAWIA )

The 28th.

January, 2014 General SecretaryCentral KTP


5/39


A CHHUNGA THU AWMTE

Phek1. Khawiah nge i Pathian chu? ....................... 6

(April & May)

2. Kan tawh tur Pathian ................................ 12(June & July)

3. Pathian tawk tura inpeih - I ........................ 18(August & September)

4. Pathian tawk tura inpeih - II ...................... 24

(October & November)

5. Zanlai Dar ...................................................... 29(December & January)

6. A lo kal leh dawn .......................................... 34(February & March)


6/39


THUPUI 1-NA

KHAWIAH NGE I PATHIAN CHU?Chhiar tur : Sam 79:10; Sam 14:1; Rom 1:18-25

Camping leh Retreat \henkhatah hian, lo kalte dinhmun hriatnan a \annaah ban kan phartir \hin a. Hetiangin: Pathian awmring tlat; Pathian awm ring lo; A changa Pathian awm ringa, achanga ring lo \hin. A hnuhnung ber group hi an buk deuh ber \hin! Pathian tawk tura kan inpeih dawn chuan Pathian hi aawm ngei a ni tih kan rin, kan hriat chian a ngai hmasa ang.

Tunlai hian Mizo \halaite zingah Pathian awm ring lo (Atheist)inti an lo awm ta a, he thupui hi a pawimawh zual hlein ka hria.Pathiana innghata Amah ringtute hnena chona, deuna \awngkam,Khawiah nge i Pathian chu? tih hi kan chhan hmasak a ngai a ni.

Pathian kan hriat fiah theih dan tawk hian chin a nei a, azawng zawng kan hre thei lo tih hi pawm phawt a ngai. Thilsiam mai kan nih avangin thil siamin a siamtu a hre fai vek thei

lo tih hi a rinawm. Kan siam pawh ni lo ran leh ramsate mai pawh hian mihring ngaihtuahna leh theihnate hi an hriat zawhloh hmel khawp mai. Chutih rualin Pathian hre turin A inpuannaerawh kan ngaihven a ngai. Nang thil siam mai khan i siamtu hihriat famkim tum sateh mah la, i tlin reng reng lo. Kan hriatthiam tur tawka a inpuanna erawh chu kan hre thiam thei. Pathianinpuanna hetiangin lo sawi dawn ila:

1. Mihring thinlungah : Rom 1:19-ah chuan mihringinPathian a hriat theih nan mihring thinlungah a inhriattir thuPaulan a sawi a. Mihring hian a chunga roreltu awma hriatna anei a. Mizovin khaw rel kan tih mai, kan hmuh theih loh lehhriat theih loh, mihring aia chungnung, min hmua kan chungaroreltu awma hriatna nghet tak kan nei a ni. Thil \ha kan tihamin hriatpuitu leh lawmman min petu leh, thil \ha lo kan tihamin hmua min hriatsaktu, kan tihsual avanga kan chunga


7/39


thungrulhna thlentu awma hriatna kan nei \hin. Thil \ha kan tihalawmna leh ngaih\hatna, thil \ha lo kan tiha hlauhthawnna lehngaih\hat lohna, tu ma hriatpui loh pawhin mihringah a awm a

ni. Nunphung pangngaia kan awm lai chuan he zia hi lang nasalo mah se, harsatna tawpah, thih leh dam thu-ah ngat phei chuanmihring piah lamah hian belh tur leh dilna thlenna tur awmahriatna a lian hle \hin. Sipai bang pakhatin a sawi ka hre reng\hin: Pathian awm hi ka ring ngai lem lo va. Ral ramainkahnaah kan chan a han chhe tak tak mai chuhka hriat lohhlanin ka lo \awng\ai mawlh mawlh mai nia maw le! a ti.

Chutiang bawkin malsawmna leh ham\hatna dawnga kan lawmvawrtawpah pawh, mihring tih piah lama malsawmtu chungalawmna eng emaw tak kan nei tel \hin. Mihring rilruah hianmihring theih bak ti theitu a awm a ni tih hriatna ril tak hiPathianin a dah a ni tih loh rual a ni lo.

2. Thil siamah : Ni tina kan hmuh thil tinreng hian awm \anni leh bul an nei vekin a lang. Mi naranin a pangngai renga awmnia kan hriat, entir nan, ni leh arsite pawh hi science hriatnaa\ang chuan an lo pangngai reng hauh lo. Ni ngei pawh khi mitkhap kar tin hian quintal vaibelchhe tam tak a kang ral reng a,chatuan daih tur a ni lo tih hi scientist-te ngaih dan a ni a. Chutia nih chuan bul leh awm \an hun a nei ngei ang le! Scientist te,historian te leh archaeologist-ten puk pakhata lung hriamhreileh ruh ro an hmuhin engati nge an lawm em em kan tih chuan,lung hriamhreite chu amaha insiam a ni lo va, ruh ro te pawhleilung che velin a siam mai a ni lo tih an hriat vang a ni. Ruh rote chuan thil nung eng emaw a lo awm tawh tih a tichiang a,lung hriamhreite chuan a siamtu awmzia a pho chhuak a; a siamtuchu hmu lo mah se, a siamtu ziarang eng emaw chen an hre theia ni. Chutiang zelin khawvel thil ropui - Great Wall of China te,Washington khawpuia US Capitol building te, Sydney khawpuiaOpera House te kan hmuh chuan thil puak nasa takin a nghawr


8/39


chhuah mai a ni lo va, Rushmore tlanga President-te lu lim kanen pawhin kum maktaduai tam tak chhunga leilung che velin aher chhuahpui maiah kan ngai hek lo. Ruahmana siamtu an awm

tih hnial rual lohvin kan hre nghal mai a, a siamtute kan fak mawlh mawlh mai \hin chu a nih hi maw! Mihring thil siamdang - car te, thlawhtheihna te, computer te pawh hi kan siamve thiam loh avang ngawtin hun leh remchannain a rawn her chhuahpui maiah chuan kan ngai lo va, a siamtu chu hmu lomah ila, siam thiam an awm tih chu hnial rual lohvin kan hre si.Mihring siam theih loh leh siam thiam loh, khawvel leh a

chhunga awm tinreng hi a siamtu kan hmuh theih loh avangasiamtu hran awm lova lo inher chhuaka kan ngaih tlatna hi, asiamtu hriat lohna tura thawktu sual bumna tih loh rual a ni lovang le.

Siamtu Pathian awm ring lo, scientist ropui, Isaac Asimov(Professor of Biochemistry, Boston University ni \hin) khan,Mihring thluak kg. 2 zeta rit hi, kan hriat chinah chuan khawvela

thil siam ruahman fel leh rem khawm uluk ber a ni awm e, a ti.Mihring thluak chu chuti taka ruahman fel leh rem khawm uluk a nih chuan, ruahmana, uluk taka rem feltu awm lova inher remvel mai a ni lo tih chu pawm loh chi a ni dawn em ni le! Tunlaikhawl-thluak-nei (Computer) ropui leh mak taka siamtu chutihpalh thila lo awm mai chu a ni hauh lo vang le!

Siamtu Pathian awm ring lo scientist-te pawh hian thilsiamte hi hun leh thil thlengin a her chhuahpui mai a nih chu anring hlei thei lo chu a ni. Entir nan, Kristianah pawh inchhal lo,Dr. Michael Denton-a, doctor thiam hmingthang chuan heti hiana sawi: Eng anga zau leh thuka han zir bing pawh hian, leimihring leh khawvela thil awmin an din theih loh \hatna(transcending quality) hlir a ni kan hmuh ni! Chungte churuahmanna leh tumna awm lem lova hun leh thil thlengin a rawnher chhuahpui anga ngaih ngawt chi chu a ni lo. Heng thil lo


9/39


awm tawh kan han hmuhchhuah ve chauh han thlir hian, kanhmasawnna leh thiamna sang kan tih vete hi chu engmahlo maia ni a. Nunna leh thil nung indin dan zawng zawng ngaihtuah

chuan, tuna kan hriat thiam ve chin hi chu awmze nei phak tham pawh a ni lo. Chutiang chhui sen loh thil mak leh ropui chutihpalh thila lo awm ang maia ngaih chu atthlak tak a ni, tiin.

Dr. Richard Dawkins-a, siamtu Pathian awm ring lo,khawvela theory of evolution \antu hmingthang pawhin, Mawitak leh awmze nei taka thil nung chi tinreng zia han thlir hian,tawnsabawpa lo awm mai atan chuan a ropuiin a mawi lutuk

chu a ni, a ti a. Tawnsabawpa awm ni theia a ngaih lohva, asiamtu Pathian awm a rin bawk si loh chuan thil siamte chuengtia lo awm nge ni ta ang le?

Thil siama Pathian inpuanna hai rual loh hi sualthiltihtheihna chuan thup bo tum mah se, hai lanin a awm zeldawn a ni.

3. Ramhuaiteah : Ramhuaite leh thlarau sualte hian Pathiana awm tih an puang chhuak thin. Lal Isua hun lai pawhin Isua,Pathian Fapa chu an hria a, a nihna an puang chhuak thin.Ramhuai tam tak paitu chuan Lal Isua a hmuhin, Isu, Pathianchungnungbera fapa...min nghaisa lul lo turin Pathian hminginka ngen chiam a che, a ti a (Mk. 5:7). Ramhuaite chuan a tak lo pawh an hre thei tih kan hre bawk. Skeuva fapate khan Paulate tih entawnin Isua hmingin ramhuaite an lo vau ve a. Ramhuaichuan, Isua ka awih e, Paula pawh ka hria e, nangni erawhchu tu nge maw in nih le? tiin a bei let a, a hneh a, a ngam tazawk tih kan hmu (Tirh. 19:13-16). Hmanah chauh ni lovin, tunthleng pawhin sual leh a tirhkohte hian Pathian hming leh achhinchhiahnate leh a chanchin ziahna Bible te an \ih a, an hlauva, an ngam lo \hin. Ramhuai pai an tihte hian Bible hi eng nasatak angin an hmu \hin a, an en ngam lo va, an hlau \hin. A chhungthu chhiar chhuah khumin a hneh thei bawk \hin. Isua hming an


10/39


lam ngam lo va, lam luihtir chuan an khur a, hnehin an awm\hin bawk. Pathian hnena \awng\aia hneh theih an ni \hin (Mk.9:29). Chu chuan - Pathian hi a awm ngei a, do leh beih tham a

ni a, a hmelmate tana hlauhawm leh hnehtu a ni tih a puangchhuak a ni.

4. Bible-ah : Bible, Pathian Lehkhabu Thianghlim hi lehkhabumak tak leh thiltithei a ni a. A chhunga a chanchin ziahin Pathianthiltihtheihna a puang chhuak \hin. Kan sawi tawh ang khan,ramhuaite hmaah thiltitheiin a thawk \hin a. Chu mai ni lovin,mihring nun tidanglam turin thiltihtheihna a nei bawk. PathianLehkhabu hnathawh mak sawi tur tam tak a awm. Bible hi miina chhiarin, tu ma hrilhfiah loh pawha mihring nun a tidanglamvek thei \hin hi thil mak, Pathian inpuanna a ni. Mi pakhat, ahming Jackson-a, sumdawnna bawlhhlawha sumdawng \hin, anupui pahnih that tawh, dam chhunga lung ina tang tura tih chuantan in chhunga Bible a chhiar a\angin Lal Isua hmangaihna leha chhandamna a lo hmu a, International Prisons Ministry dinturopui a lo ni ta.

5. Hmuh leh khawih theih bak thil a awm em? : Pathianawm hnial tlattute chuan matter is reality tiin, Kan hmuh lehkhawih theih piah lamah eng mah a awm lo, rin thu mai mai vek a ni e, an lo ti \hin a. Communist-ho pawh hian chu chu an rindan a ni. Mahse, mihringah pawh hian kan hmuh theih leh khawih

theih chin chu kan taksa leh a peng hrang hrangte a ni mai a, chu bak chu awm ta lo se, rilru leh ngaihtuahna nei kan awm lovang. Rilru leh ngaihtuahna kan neih ngeite hi hmuh leh khawihtheih chu a ni lo na a, kan neihzia leh a awmzia kan hre chiang sia nih hi.

6. Mihring chunga roreltu a awm em? : Hla phuahtuin,

Duh vang rengin kan piang si lo, a tih angin, kan pian turahduh kan thlang thei lo ang bawkin kan duh chen chen kan dam


11/39


thei lo bawk. Ka pa dam chen kan dam teh ang, tiin tu mahinkan nunah thuneihna kan nei lo va, Ka nung peih tawh lo, tiintu mah awmlaiin kan thi mai thei hek lo. Kan nun leh kan chan

(fate)-ah thuneihna kan nei lo em em hian, kan chunga thuneituleh roreltu a awm tih a lantir hle bawk a ni.

Mihringin a tawh tur, amah leh a mamawh siama dintuPathian chu a lo awm ngei mai. Pathian hnen ata lak bo tuma, atir ata bumtu sual chuan mihringin a hnaiha a tawh tur Pathianchu thup bo leh hliah a tum fo \hin a. Finna lem hmangin Pathianreng a awm lo tiin fing ang takin takin a lo sawi \hin a ni(Sam 14:1).

SAWI HO TUR :

1. Pathian a awm a ni tih kan ringhlel \hin em?

2. Engtin nge Pathian a awm ngei a ni tih keimahniah a lochian \hin?

3. Mi dangte hnenah Pathian a awm ngei tih engtin nge kanhrilhfiah theih ang?


12/39


THUPUI 2-NA

KAN TAWH TUR PATHIANChhiar tur : Ex 3:1-14

Mihringte chunga thuneitu, mihring tih theih bak ti theitu aawm a ni tih leh, mihring leh thil nung dangte leh thil siam tinrengte siama dintu leh, an chunga roreltu a awm ngei a ni tih thu kanzir tawh a. Tunah chuan, chu Pathian chu eng ang Pathian nge anih, tih lo zir leh dawn ila. Zawlnei Amosan, An inrem chauhloh chuan mi pahnih an kal dun ang em ni? a lo tih angin,

Pathian chu tawka, zuia, len dunpui tur chuan Amah kan hriatchiana, a nihna leh duh zawngte kan rempui a ngai dawn a ni.

1. Pathian dang an awm em? : Pathiana inchhal ve dang hian tam tih hai rual a ni lo. Lalpa tia kohva lo eih ve mai theitehi an tam awm ngawt mai. Tunlai hian Setana be pawl (Satanic)te pawh an lo awm ta a, a hnenah \awng\aiin, an bia a, an inthawi\hin a ni awm e. Chuvangin, kan \awng\ai min chhangtu hi eng

pathian ber nge tih ngaihtuah chian leh, pathian ka bia kan tihhian eng pathian nge ka biak tih pawh kan ngaihtuah fo a ngai taa ni. Pathian tak biakna hmuna awm reng si hian, Pathian tak be

pawp lovin a lo tal ve mai mai theih ang tih pawh a rinawm!Pathian taka ngei pawh chuan a thupekah, Keimah lo chu

pathian dang reng reng i nei tur a ni lo, (Ex 20:3) a lo tih ve

avangin pathian dang an awm ve ngei ni tur a ni. Kan tawh tur Pathian taka chu kan hriat chian a pawimawh takzet a ni.

2. Abrahama Pathian... : Mosian Pathian a tawk a, thingbuk alh a\angin a rawn inpuang a. Pathian dang ni lovin, amahthlahtute Pathian ngei a nih thu a puang a, Abrahama Pathian,

Isaaka Pathian, Jakoba Pathian ka ni, tiin. Pathiante Pathian,thil zawng zawng bul leh tawpna, mihringin a tawh ngei tur Pathian chu Abrahama Pathian, Isaaka Pathian, Jakoba Pathian


13/39


hi a ni. Pa pakhat chuan, Aw Lalpa han tih mai te hian Pathiantak lo zawk hian min lo chhawn mai ang tih te ka hlau \hin a;chuvangin, ka \awng\ai hian, Aw Lalpa, Abrahama Pathian,

Isaaka Pathian, Jakoba Pathian, min chhandamtu Lal Isua Paleh Pathian, ka ti \hin e, a ti a. Biak fuh loh a hlauh hmelkhawp mai! Pathian tawk tura inpeih tura kan insawm pawhhian Pathian dik tak kan inkawhhmuh a pawimawh hle ang.Thlan lung ziakah hian A Lalpa hnenah a chawl ta tih ka hmu\hin a, a dik hmel hle. A lalpa chu tu pawh ni se, Setana a niemaw, Pathian a ni emaw, a kalna tur lam hre lo mah ila, mahnilalpa hnenah \heuh kan kal dawn a ni a. Pathian kan thlan dik,Pathian dik kan thlana, kan zui a pawimawh takzet a ni. PathianinMosia hnenah, Kei hi i pa Pathian, Abrahama Pathian, Isaaka

Pathian, Jakoba Pathian chu ka nih hi, a tih hian, Mosia chuaneng ang Pathian nge a nih leh rin tlak Pathian a nihzia a chiangnghal ang. Pathian thianghlim leh zahawm a ni tih pawh a hrenghal a ni ang. Mosia chuan chu Pathian chu a tawk ta tih a hriatchuan a hmai a khuh ta tih kan hria a ni. Mosia, a pu Jethroa beram vengtu hi a beram venna lamah hian Pathian tawk turin ainringin a inpeih hauh lo vang tih a rin theih. Thingbuka meialha va hmuh pawh khan Pathian tawk turin a pan lo va, Ka va enteh reng ang...he thil mak tak hi ka va en teh ang e, tiin thilmak en tura kal mai a ni. Amaherawhchu, chutah chuan Pathian

a lo awm si a, inpeih lo takin Pathian a tawk a, A kohna a dawngta a ni. Tunah ngei pawh hian mi tam tak chu, he lai hmun kanrawn pan hian Pathian tawk tura lo kal kan ni tih pawh inhrelovin eng eng emawin a hip luh mai te pawh kan awm a ni thei.Bialnu, bialpa te vanga rawn inkhawm te pawh ka awm theiang. Programme kan thlir a, kan hmuh chak zawng leh ngaihthlak chak zawng tak a awm avanga lo kal te pawh kan ni thei. Mahse,

hetah hian Pathian a awm a, a rawngbawl turin a ko che a, a awi hre thei a ni. Pathian tawk turin inpeih rawh le. Chu Pathian


14/39


15/39


reng thin Pathian a ni. Tu kawhhmuh emaw, hrilh emaw ngailovin Amah kan Pathian hi hrehawm tuarte tuarna Amaha hmuthin Pathian a ni. Pathian dangte chuan mit an nei a, an hmu thei

si lo va (Sam 135:16b). Kan Pathian erawh chu Pathian nung,engkim Amaha hmu \hin Pathian a ni. Hrehawm tuar mektetuar lai a hmu a, nang leh keia tuarna pawh min hmuhpui a,hnehchhiah tuartute tuarna hmu rengtu Pathian a ni. Amah tawkalen dunpui tur chuan Pathian mit fukna lama kan mit kan lenleh, A mit hmuh hmuhpuia \awmpui tura kan inbuatsaih a ngaingei ang le!

5. Engkim hretu Pathian : Mosia hnena a inpuan zelnaahPathian chuan, Anmahni vengtute avanga an au thawm te chuka lo hria a... a ti leh a. Kan Pathian chu hrehawm leh na tuar au thawmte hre \hin Pathian a nih thu kan hmu leh a ni. Pathiandangte chuan beng te nei ve mah sela, an hre thei si lo va (Sam135:17). Kan tawh tur Pathian erawh chu mangang leh hrehawm

tuar au thawm hriaa ngaihven \hin Pathian a ni. Pathian tawk tura i inbuatsaih dawn chuan, a bengchhitna lam leh a ngaihvenlam chu manganna ruama na tuar au thawm te, hnehchhiahaawm chiau vawng vawngte chu an ni. Pathian tawk turin i inpeihem le?

6. Tuarte tuarpuitu Pathian : Pathian chuan, An

lungngaihnate chu ka hre reng si a, a ti leh a. A mite hrehawmnaa hmu a (I have surely seen the affliction of my people), anauthawmte a hria a (I have heard their cry), an lungngaihna ahriatpui/tuarpui bawk (I know their sorrows) a nih chu. Kamite, ka fanu natnaah chuan ka na ve si a, (Jer 8:21) tih ang khaa ni awm e. Kan Pathian chuan a hmu a, a hria a ni mai lo va, ahmuh leh hriatah chuan a awm ve \hin. Isaia chuan, Ani chuankan natnate phurin, kan lungngaihnate pawh a phur ngei a...kan


16/39


bawhchhiatnate avangin hliamin a awm a, kan khawlohnateavangin vuak thi tlinin a awm a, a lo ti a ni (Isa 53:4-5). A mitetuarna leh chan chhiat dan hmuin, an zingah an bawhchhiatna

zawng zawngte chanpuiin Amah leh Amah a intitlawm ta a ni.He Pathian hi i tawha, i zui chuan tuarte tuarpui turin a hruai\hin dawn che a: Pathian tawk turin i inpeih em le?

7. Che \hin Pathian : Pathian vek chuan, Tichuan...chhanhimtur leh...hnutetui leh khawizu luanna rama hruai lut turin ka lochhuak ta a ni, a ti leh a. Kan Pathian hi hnathawk \hin Pathian

(God of actions) a ni a; a hmu a, a hria a, a tuar ve mai a ni lo va,chhandamna hna thawkin, harsatna leh boralna ruam ata a mitea hruai chhuak \hin. Tuarte tuarna hmua, mangang au thawmtehriaa, an tuarnate hriatpuitu chu a hmuh leh hriat harsatna chingfel tur leh chhanchhuahna hna thawk turin a lo chhuak ta a, a vathlamuanthlak em! Tuarte tuarpuitu Pathian chuan a tuarpui maini lovin, tihdam hna leh chhanchhuah hna thawkin a che chhuak

ta a ni. Chu Pathian chu tawka, zuia, thurualpui turin i inpeihem le?

8. Mihringte hmang duh Pathian a ni : PathianEngkimtitheia chuan a duh zawng thawk chhuak turinthiltihtheihna a nei ang tih chu a chiang a. Mahse, chu Pathianchuan Mosia hnenah, Chuvangin, hawh teh, ka mi Israela

thlahte chu Aigupta ram ata hruai chhuak turin Pharaoa hnenahka tir ang che, a ti a. Pathian Engkimtitheian amah thawhpuitura min duha min ko \hin hi a hluin a va ropui em! R. Stanley-a chuan, Without God we cannot, and without us God will not (Pathian tel lovin eng mah kan ti thei lo va; kan tel lovin Pathianineng mah tih a tum lo) a lo ti a, a dik hmel khawp mai. A theih lohvang ni lovin, nang leh kei hian Pathian thawhpuitu chanvo ropuitak kan lo chan ve theih nan amah thawhpui turin min ko/sawm


17/39


\hin a lo ni. Mosia chu pha nasa hle mah se, Ani chuan, I hnenahka awm dawn alawm, a ti a. Amah a lanna apianga ropuia langve turin Pathianin a ko a ni. Kan Pathian chu mihring chak lote

thawhpuia hmang \angkai \hin Pathian a nih avangin, amahthawhpuia, a tana \angkai turin: Pathian tawk turin i inpeih emle?

9. Pathian Awma : Mosian chu Pathian chu a hming a zawta, ani chuan, AWMA KA NI tiin a chhang a. Nangin Israelathlahte hnenah chuan, Awma chuan in hnenah mi rawn tir a ni

e, i ti tur a ni, a ti a. Kan Pathian hi Awma a ni a, khawihmunah pawh eng lai pawhin a awm a ni. Hmun tina eng lai pawha awm Pathian hi, i mi mal nun leh thiltih tinreng hriatpuivektu che a ni a. Pawisa ziak fel lai te, Bialnu/Bialpate nena afala awm dun lai te, tu ma hriatpui lohva sual hmachhawn lai pawha Awma Pathian a ni. Amah chu hriaa, eng lai pawhin i bulah a awm reng tih hriatna nung nen nun kawng zawh turin:

Pathian tawk turin i inpeih em le?Tichuan, kan tawh tur Pathian chu Abrahama Pathian, Isaaka

Pathian, Jakoba Pathian: tihduhdah tuarte leh hnehchhiahte lama\ang \hin, tuartute tuarna hmua, hrehawm tuar au thawm te hriaa,tuarpuia, a mite hmanga chhanchhuak \hin, AWMA chu a ni a.Chu Pathian chu tawk turin amah nen inrema, thinlung hmun

khat put a ngai tih hriain Pathian tawk turin i inbuatsaih ang u.

SAWI HO TUR :

1. Kristiante Pathian ni lo pathian dang engte nge kan hriat?

2. Pathian dangte aia Kristiante Pathian danglamnate eng nge ni?

3. Kan Pathian ziaa kan hriat tur pawimawh engte nge ni ang?


18/39


THUPUI 3-NA

PATHIAN TAWK TURA INPEIH - IChhiar tur : Amosa 4:12

Pathian tawk tura inpeih tih chu Bible-a a lan dan a\anginlo zir dawn ila.

1. Pathian tawk tih Bible-a kan hmuh dan : Israel-tezingah chuan Pathian tawk tih hian awmze pahnih a nei thei a.

Pakhatah chuan, Pathian Biakbuk (Temple)-a Pathian betura kal a kawk a. Pathian tawk tura inpeih tih pawh hian PathianBiakbuka Amah be tura inpeih, inbuatsaih tihna a ni thei ang.Pathian Biakbuk chu an Pathian tawhna hmun ber a ni a, Pathian

pawl tur leh a thu ngaithla tur te, a hnena thilpek hlana lawm thusawi tur tea inpeih sawina a ni a, hlauhawm leh invauna lehinrikrapna a lang lo.

Pahnihnaah chuan, Pathian inlarna ropui leh rapthlak hmachhawn tihna a ni a. Chutianga Pathian inlarna, theophany an tih chu mihring chunga thil \ha lo thlen tura Pathian inlarnarapthlak tak sawina a ni. A mite hrem tura Pathian lo kal tur sawina a ni a, hetianga Pathian inlarna hi miin Pathian an tawhnahmunah ngaih a ni.

Amosa 4:12-ah chuan, Aw Israel, i Pathian tawk turininpeih rawh, tiin zawlnei hmangin Pathianin Israel fate a auva. Heta Pathian tawk tura inpeih tura sawmna pawh hitheologian \henkhat chuan Israel faten an Pathian hawisana, ansual bosan mek laia sima Pathian lam hawia, Biakbuk lamaPathian biaa, hnaih leh tura inpeih/ inbuatsaih tura kohnaah anngai a ni. Inpeih rawh (get-ready) tia Mizo \awnga kan dah hiinbuatsaih (prepare) tia dah theih tho a ni a, hriat thiam a awl


19/39


zawk mai thei e. Pathian mite chu Pathian thianghlim hmaa dingtur chuan intihthianghlim a ngai a, dikna Pathian hmaa ding tur chuan dik leh fel nih a ngai a ni. Thianghlim leh dikna nun nei

tura inbuatsaih a ngai a, chu nun nen chuan Pathian be tura A biakbuk lam pan tura sawmna a ni thei ang.

Amaherawhchu, Amosa lehkhabu pum pui kan en erawhchuan, Pathian biakbuka Pathian an biakna chu thinlung tel loleh tih dan phung pangngaia neih mai an nih avanga Pathianin a pawm loh thu kan hmu tam hle si! An biak dan te, an thil hlan

te, an rimawi te nen lam ka lak ata la bo rawh a ti (Amos 5:21-23). Chuvangin, Amosa hian Israel fate Pathian tawk tura a kohhian biakbuka Pathian hmaa lang tura kohna aiin an sual hremnadawng tura Pathian tawk tura inring/inbuatsaih/inpeih turasawmna a ni zawk mai thei e. Chuvangin, Amosan Israel-tePathian tawk tura a auhna hi chu biakbuka Amah pawl tur leh Amalsawmna dawng tura kohna ni lovin, an chunga rorel tura lokal, Pathian inlarna hlauhawm hmachhawn tura inbuatsaih turakohna a nih hmel zawk mah awm e.

2. Lal Isua zirtirna : Eng pawh chu ni se, engtia tawh tur nge, tih chu tuna kan dinhmun atangin Bible zirtirna lo thlir dawn ila. Pathian thu ka zirpui pakhat, California (USA) nula,Lori Carlson-in a name-card min pek hnung lamah chuan hetihian a inziak a: If you meet me and forget me, you lost nothing;but if you meet Jesus and forget Him, you lost everything. Mintheihnghilh leh a nih pawhin eng mah chan/hloh i nei hran love; mahse, Isua tawka i theihnghilh leh erawh chuan engkim ichan/hloh vek a ni, tihna a ni awm e. Kan Pathian hi hriat zeuhatan a ni lo va, neih hlen atana kan hriat tur a ni ang. Mizo

Kristiante hian Pathian nena intawhna hi tawnhriat (experience)atan emaw kan ti a, Ka piangthar tawh , Ka hmu ve tawh


20/39


tihah hian kan duhtawk viau a ang. Heti hian awm mah ila,nun chu ka nei tawh, ka chhandamna a bo chuang lo, vanramka kai tho vang, tia inthlamuan pawh kan tam awm e. Pian hi

vawi khat thil thu a ni ang hian, pianthar kan ngaih dan pawh hivawi khat thil thleng, neih hlen angah kan ngai a ni mai thei. LalIsuan, I piangthar tur a ni, a tih changchawiin pianthar hikan ngai pawimawh a, a \ha e. Pianthar, thlarauva pian hi a \ula, a pawimawh takzet a ni. Chutih lai chuan, kan pian chhan kanhriat chhunzawm erawh a ngai hle ang. Lal Isuan I piangthar tur a ni tih a sawi hian mipui hmaa sawi a ni lo va, mipui azirtirnaa a sawi a ni hek lo. Nikodema, Juda-te hotu meuh khanthlarauva nun awmzia a man loh em avangin thlarauva nun sawifiah nan I piangthar tur a ni (You must be born again) a ti a.Tisaa pian leh nun hi a tawk lo va, thlarauva pianga thlarauvanun a ngai a ni a tihna ni maw! Pianthar kan uar pawh hi amawh lo ve. A pawimawh reng bawk ang. Mahse, Lal Isua hian

piangthar tih \awngkam hi a hmang zui lo niin a lang. Biblehmun dangah pawh kan hmu tlem khawp mai. Lal Isuan a hnen

pana, chatuan nun nei tura a sawmna tawngkam lar leh tam ber zawk chu, Mi zui rawh/Mi zui rawh u, tih hi a ni. A hnena midang sawm tura min tirh dan pawh, Zirtirah te siam ula, thu ka

pek zawng zawng che u pawm turin zirtir rawh u, a ti. Pian chua \ul ngei mai! Mahse, Lal Isuan piangthar tura min kohna chhanchu amah zui turin a ni a, a thupekte pawma zawm turin min ko.Lal Isua tawka, piangthar inti, mahse zui ta lem lo, pianthar tawhavanga thlamuanga, a zirtir/zuitu nih tum chuang lo, bumna khuratang tlat kan tam ang em le? Pathian tawk turin inpeih rawh.

3. Pathian tawkte hnena Lal Isua thupek : Vawi khat chuLal Isua tawk turin tlangval pakhat a lo tlan a, Isua hmaah\hing\hiin a nun kawng kawhhmuh turin a rawn ngen a. He


21/39


22/39


Amah tawk tura \hahnemngai taka rawn tlan hnena Lal Isuathupek chu, Kawng khat i la bak e; kal la, i neih apiang hralhla, pachhiate hnenah pe rawh; chutichuan, vanah ro i nei ang;

tin, lo kal la, mi zui ang che, tih a ni. Amah tawktu hnena LalIsua thupek hi han sawi zui hlek ila.

4. Kawng khat i la bak e : He tlangval hnenah hian Lal IsuanKawng khat i la bak e a ti a. Kawng khat a la bak hi kawnghnihin han sawi fiah \alh ila. Pakhatnaah chuan, he tlangvalinsakhuana kawnga a thlen chin hi tih loh \hat a ni a. Tualthat

suh, Uire suh, Ru suh, Dawtin hek suh, Bum suh tih te, zu in veloh te, eiruk ve loh te, inngaih ve loh te, dawt sawi ve lohvah techuan kan lo fihlim ve pawh a ni thei e. Lal Isuan chuta \angchuan kawng khat i la bak e min ti a ni. Tih loh \hat hi a \ha e;mahse, Isua chuan, Eng nge i tih tak? tih hi min zawhna a ni.Tualthah loh mai a tawk lo va, nun petu emaw, mi nun tihausaatihlimtu emaw nih a ngai, I ruk loh mai a tawk lo va, Eng nge i

pek? tih hi a pawimawh, Dawta hek loh mai a tawk lo va, thudik \anin i ding dawn em? Kawng khat i la bak e. A pahnihnaahchuan, he tlangval hian heng dante a zawm hian ama lam heknaleh senso a awm hauh lo. Chuti ahnekin ama tana \ha leh awlsamzawk vek a ni. Johanan, A thupekte chu a khirh si lo va, a tihangin, Tual that rawh tih te hi Pathian thupek ni ta zawk sela,

a khirh fe zawkin a rinawm. Tual that suh, tih a lo ni hlauh tehi a lawmawm ngawt a ni. Harsa leh mahni lam hekna awm lo\hatna dan a\ang chuan mahni insengsova mi dangte tana luang chhuak ve turin kawng khat i la bak e a ti a ni. Mahni insengsova,khawvel sum senga rawngbawlna chuan lawmman a ken tlatchu Vanah ro i nei ang tih hi a ni. Lal Isua hian he tlangvalhnenah hian, Ro lem i buaipuina lamah hian ro tak i dawng thei lo palh ang e...i kut sum lema khat kha sum tak dawng turin


23/39


tiruak rawh, a ti a ni ber mai awm asin. Tih loh \hatna dana\angin tih\hat rahbi kai turin, vana ro nei tura lei ro paih ngamtur leh, a him chin leh hek lo tawk duhna ata tuar leh insengso

turin Pathian tawk turin inpeih rawh le . I tawh tur Pathianhian i duh dana i hmachhawn mai a duhtawk dawn lo va, a hnenaintuluta, amah nen inrema a thupek anga nung turin a duh che ani. Kei mi rem duh chuan, ka angchhungah lo tlu lut se, mirem rawh se, (Isa 27:5) a ti. Pathian tawk turin i inpeih em le?

Chutichuan, Pathian tawk tura inpeih tura zawlneiin min

sawm hian amah be tur leh pawl tura a biak in lam pan turainbuatsaihna te, Pathian rorelna hmachhawn tura chona te a huamthei tih hria ila. Tin, Lal Isua zirtirnaah chuan amah tawkaduhtawk mai turin min ti lo va, amah zuia a zirtir ni turin min kozawk tih chhinchhiah thar leh ila. Pathian tawk turin malsawmnadawng tur ni mai lovin, chhandamna chang tur ni mai lovin,tuar leh chan (hek) huama a hnung zui nghal tur leh, lei ro hnawlavan ro chang tura inpeih turin Lal Isuan thu min pe, tih tengaihtuah chungin Pathian tawk turin i inbuatsaih ang u.

SAWI HO TUR :

1. Pathian tawk tura inpeih tih kan rilrua a lan dan sawi ho ni se.

2. Pathian tawh nge pawimawh amah zui?

3. Mahni nunah kawng khat kan la bakte sawi ho ni se.


24/39


THUPUI 4-NA

PATHIAN TAWK TURA INPEIH - IIChhiar tur : Mik 6:8; Phil 1:29; Heb 13:13

Pathian tawk turin inpeih rawh tih han hriat mai hiankawhtir deuh kan nei fur awm e. |henkhat chuan, Thi thut theireng i ni a, Pathian hmachhawn turin inpeih rawh, tih angdeuhvah kan ngai mai thei. |henkhat leh chuan, Lal Isua a lokal \ep tawh a, amah tawk turin inpeih rawh, tih ang pawhinkan lo ngaihtuah mai thei bawk a. A dik thei vek mai.Amaherawhchu, heng zawng zawng huap vek hian tunah lehhetah hian eng lai pawha inpeih a ngai a. Hun leh hmun khatavawi khat Pathian tawk tur ni mai lovin, Pathian nena leng dunturin, Pathian tawk reng tura inpeih hi a pawimawh ber chu a ni.

1. Hlauhna aiah hmangaihna : Eng emaw lai khan Nagalandatangin tute emaw an lo kal a, Aizawl Theological Collegetlangah an \awng\ai a, Mizoram mipuite hian in sim loh chuan

chhiatna rapthlak tak a lo thleng dawn, an rawn ti a ni awm e.Chhiatna rawn thlen dan tur te pawh rapthlak takin an sawi anti. Chu chu chanchin \ha bera neihin mi tam tak chuan an puangchhawng a, a hriate pawhin an rapin an hlau va, inseam \hatduhna an nei a, a \hente phei chuan an \hat phah te pawh a niang e. Lo \hat phah leh sual sim phahte an awm chuan alawmawmah ngai ila. Amaherawhchu, sual kan sim chhan lehPathian tawk tura kan inpeih chhan dik tawk lo a tilang chianghle thung. Hrem hlauh vang te, thi mai dawna inhriat vang teasima inpeih mai hi Pathianin min koh dan ziktluak chu a nihhmel loh khawp mai. Vuak hlauh vanga thu awih mai tura vau

beha koh kan ni lo va, Pa hmangaihna chhang let ve tura kohkan ni zawk ang. Thi mai dawna inhriat avanga inpeih te,chhiatnain a tlakbuak hlauh vanga insum te hian, rin anga thil alo thlen loh chuan kawngro a su thui leh lo fo \hin. Tin, amahkan belhna chhan pawh malsawmna leh vanram kai kan duhvang te pawh a ni nasa awm ngawt mai! Vanram kan kai dawn


25/39


phawt chuan Isua bula awm pawh kan thlahlel chuangin a langlo va, Pathian tel lo pawhin vanram kai chu kan chak tho hialawm asin! Pastor senior pakhat chu nuhovin zawhna an zawt a,

Pastor, vanram kai i inring em? an ti a. An rin loh deuhvinani chuan, Ka hre lo le, a ti ta mai a. Nuho chuan mak an ti a,I va ngaihtuahawm ve aw! Keini chu Isua zarah kan kai dawntih kan hre chiang tawh asin, an ti zui a. Pastor chuan, Vanramkai leh kai loh lam pawh ka lo ngaihtuah lo. Lal Isua hian minhmangaih a, kei pawhin ka hmangaih a, a thu ang zela awmin heileh chen hi hlim taka a rawng bawlin ka zui a, ka inchhir lo mai

pawh ni lovin amah zui hi ka sim thei lo. Ka tana a \hat em avang leh min hmangaihzia ka hriat hian ka thlah phal lo va, ka zui zel mai dawn a ni. Vanrama min hruai leh ka zui ang a, hremhmunamin hruai a nih pawhin ka zui zel tho vang. Ani nen chuan khawiah

pawh ka hlim zel ang tih ka hria a ni, a ti ta daih mai a. Inhrechiang em emho ai khan a kai a rinawm mah mai awm asin!Lalpa kan tawha kan zui hian himna leh malsawmna beisei kannih pawhin a dik tho mai thei. Mahse, kan zui chhan tur tak chuamah kan hmangaih vang a ni tur a ni ang. Min hmangaih avangatuarna tinreng hmachhawntu, kan damna tura tuara, kan nunna turathia, thihna ngei pawh hneha tholeh ta chu hmangaih let vea, a duhzawng ti ve tura a \ul ang ang tuar ve duhna rilru nen Lalpa tawka,amah nena leng dun turin i inpeih em le?

2. Malsawmna aiah tuarna : Tunlai hian ham\hatna beiseiaPathian belh duhna (Prosperity Gospel) a larin, he chanchin \hatheh darh pawl pawh an tam hle. Bru ringthar pakhat chu asakhaw hluiah a kir leh a. Kan tirhkohten a chhan an han zawhchuan, Kum nga Kristian ni tawh, buh ngah thei chuang loalawm le! a lo ti a ni awm e. Buh ngah nan te, exam pass nante, sumdawnna leh mahni hnathawha tluan leh hlawk nan te, mirin kai nan leh fel nih hlawh nan te kan Pathian hi tawh kan tumchuan Judate hotu tlangval hausa ang khan hmel dur khupinlungngai takin kan kal bo leh mai ang tih a rinawm.


26/39


Lal Isua hian amah zuitute hi lei malsawmna a sawihmuhngai lo khawp mai. Zirtirtu, i kalna apiangah ka zui ang che,titu hnenah pawh, Sihalten kua an nei a, chungleng savate

pawhin bu an nei a, Mihring Fapa erawh hi chuan a lu nghahnaa nei lo, (Mt 8:20) a ti. Peteran lei malsawmna beisei taka,Ngai teh, keinin engkim kalsanin kan zui ta chia... a tih khan,Lal Isuan amah avanga an kalsan apiang a let tam tak an hmuhleh tur thu a sawi a (Mk 10:29). Mahse, Petera te dam chhungnun kan en zui chuan, lei malsawmna lam chu an dawng lo khawpmai a, vakvaiin an Lalpa tana tuarin an thi ta a ni tih kan hria.

Paula chuan Philippi khuaa mite hnenah, Krista avangaamah in rin chauh ni lovin, amah avanga in tuar pawh phal a ni si a, a ti a. Hebrai ziaktu pawhin, Lalpa Isua tawktute chu amahzui ve tura sawmin, Amah an hmuhsitna chu phurin dai pawnaha hnen lamah i kal chhuak ang u, a lo ti bawk. Lalpa tawktuchuan a zui tur a ni a, amah nen an leng dun tur a ni. Piangthar tura min kohna ai chuan zui tura min kohna a tam zawk tih kansawi tawh a. A zuitute chuan engtia zui tur nge tih pawh kanhriat a \ul ang. Zui awmzia chu - a kawng zawhpui tihna pawh ani thei ang. Pathian tuarna zui turin tuarna kawnga kal a ngai a,dai pawna hmuhsit leh endawng tuara thi ta zui tur pawhin dai

pawn lamah zui chhuah a ngai tihna pawh a ni.Hla siamtuin, Ka vanram in nuam tak kawng chu kraws a

ni, chu lo chu kawng a awm lo, (KHB no. 205) a lo tih anginLal Isua hnung zui tur hian a hniakah, a lo zawh tawh kawngakal a ngai a ni. Chu chu tuarna emaw, tuar huamna kawng emawchu a ni. Amah Lal Isua ngeiin, Zirtir a zirtirtu chungah a awmlo; bawih pawh a pu chungah a awm hek lo. Zirtir chu a zirtirtuanga lo awm leh bawih chu a pu anga lo awm chu a tawk e, (Mt10:24) a ti hmiah mai a. Kan zirtirtu, kan pu Lal Isua anga kanlo awm hi duh tawk loh mai a awl \hin ngawt mai. Kan Pathiantawka a hnung kan zuinaah hian kan pu, kan zirtirtu Lal Isua aianuam deuh leh ropui deuh lo chuan kan kal peih ta mang lo emaw, tih te pawh ngaihtuah a ngai! Kan pianthar rualpui te, kan


27/39


Upatpui te, kan Pastor-pui te, missionary nihpui te leh kohhranakan rawngbawlpuite thlira, tuar bik leh chang tlem bik intih mai pawh awl tak a ni. Kan tawh leh kan zui ber, kan pu, kan zirtirtu

Lal Isua enin, amah anga kan lo awm chuan tawk ti ve mai ilachuan kan lawm zel mai dawn a nih hmel hle mai.Pathian rawngbawltu hratkhawkheng tam tak hi chu

vanneihna leh malsawmna hian a umphak thlawt lo a ni ber mai.Sam 73-naa kan hmuh angin, mi suaksualte hi an vanneiinmalsawmna no zawng zawng an chang ta em maw tih mai tur ani thin. Mizoram chhim lama rawngbawlna kan \an laiin kan

missionary-te hi an hrisel hlei thei lo va. Malaria avang te, tuithianghlim lo in avang te, rawtuai rin rei lutuk avang tein antaksa hriselnain a tuar nasa \hin hle mai a. Pathian hian malsawmachhanchhuah mai awma ka ngaih, tuar tlawk tlawk ka hmu \hin. Ni khat thil thua kan thawktute nupa malaria avanga an han thi phei chu a mak a, a rapthlak bawk. Tirhkohvin, Amah avangain tuar pawh phal a ni si a, a tih hi ngaihtuah tham tak a ni.Amah ringtute chu amah avanga tuar phalsak an ni a. Thil phalsak ngai reng reng chu ham\hatna a ni. Kan Pathianin amah avangatuar min phal hi ham\hatna a ni tih kan hriat a ngai awm e.Khawvelah hian tuarna hi thlasik anga khel lovin mi tin hmaaha awm vek mai a. Tuar lo tura piang reng kan awm lo. Tuar nepdeuh emaw kan tihte pawh hian an lo tuar vek mai. Ramchangkang leh ram hausaa chengte pawh hian an tuar nasa, keininhrehawm kan tih lem loh hi an tan chuan tuar tham fe a lo ni mai bawk a. Natna leh thihna mai bakah, chhungkaw phurrit leh sualavanga tuarna hrang hrang pawh an pumpelh bik lo mai ni lovin,an tuar nasa zawk mah em maw tih theih a ni. A pawimawh ber zawk chu, tuarna reng reng hi kan tuar chhan leh a rah chhuahlam hi a lo ni. Tuar rau rauvah tuar chhan \ha, thih rau rauvahthih chhan \ha, retheih rau rauvah retheih chhan \ha hi a lo pawimawh a ni. Kan missionary-te malaria natna avanga an thiha

kan vui lek lek lai hian, damdawi in hrang hrangah leh hmunhrang hrangah malaria natna avanga thi an tam ve \hin tho mai


28/39


a! A chhan hrang hrang a awm ang, zu nghei theih loh vang te,thosilen zar loh leh ram riah vang te pawh a ni ang e. PathianChanchin |ha hrila chhuah avanga kan lo malaria a nih chuan

ham\hatna a lo ni. Kan retheih chhan te pawh hi a inang awm loviau mai! Pa ber zu heh lutuk vang emaw, pawisa khelh simtheih loh vang emawa retheih ai chuan Lal Isua leh a Chanchin|ha avanga retheih chu retheihna hausa tih mai tur a ni. KanPathian hian kan tuar chhan atan te, kan retheih chhan atan te,kan thih chhan atan te amah leh a Chanchin|ha min lo phalsak ve hi a lawmawm a, a va ropui em! Vawiina Krista avanga tuar ngam lo zawngte hian thil dang avangin kan tuar tho dawn a,Krista avanga rethei ngam lova, sum leh pai ui kir zawng zawngtehian Krista avang ni lem lovin kan la chan vek dawn a, Kristaavanga thi ngam lo zawngte hi thil dang avangin kan la thi vek dawn tho a ni. Chutih laia tuar chhan \ha leh hlu, retheih chhan\ha leh hlu, thih chhan \ha leh hlu Lalpan min phalsak chuanLalpa, ka lawm e ti mai tur kan ni dawn lawm ni?

Kan Pathian hian vau behna leh hlauh em avanga amahtawka, a hnung zui turin min ko lo va, a hmangaihna hriaa chhanglet tura inpekna leh amah duhna nena amah tawka, a hnena chamhlen turin min ko va. Malsawmtu Pathian hian malsawmnafamkim chang turin, amah vanga tuarna leh tuar huamna hmunahamah tawk turin min ko a ni. Amah hmangaih vanga a tana tuarnahmun ngeiah chuan amah tawk tura inpeih turin Lalpan a nghak che a ni. Pathian tawk turin i inpeih em le?

SAWI HO TUR :

1. Pathian \ih (hlauh) tih leh Pathian hmangaih pawimawhdan sawi ho ni se.

2. Pathian kan tawh hian khawvel ham\hatnate kan beisei tel tur a ni em?

3. Ham\hatna Chanchin |ha (Prosperity Gospel) hi eng chenahriat thiam tur nge ni ang?


29/39


THUPUI 5-NA

ZANLAI DAR

Chhiar tur : Sam 90:12; Jak 4:14; Heb 9:27

Hebrai ziaktu chuan, Tin, mihring tan vawi khat thih ruat a ni, chumi hnuah chuan rorelna a awm ang, a ti a. Chu hunchu Pathian kan tawha kan hmachhawn hun tur pawimawh tak a ni a. Chumi hun atan chuan Pathian tawk turin inpeih rawh tih hi lo ngaihtuah leh dawn ila.

Zirlai zingah zawhna pakhat ka zawt \hin a, He i zirlai i zir zawh hian eng nge tih leh i tum? tih hi. An chhan hnuah, Chumi zawhah eng nge i tih leh ang? ti zelin an dam chhung thiltumtihhlawhtlin an tum dan ngaihnawm leh hriat nuam tak tak minhrilh \hin a. Mahse, he zawhna ngai hi han zawh zel chuan atawpa chhanna ngei ngei, a final answer chu, E le, ka thi ang,tih a ni lo thei lo. Kan dam chhunga kan tih leh nih tum ropuitak tak hi Pathian zarah eng ang pawhin tihlawhtling ila, thihpuitur vek a ni tho tho mai. Thih hnua kan luhna tur chatuan hunnena khaikhin chuan he dam chhung hi a va rei lo tehlul em!

Jakoba chuan, In nunna chu...chhum rei lo te lo langa, ral leh ta mai thin ang hi in ni si a, (Jak 4:14) tiin kan nun reilohzia min hrilh a. A dik hle mai. Nun bul kan \an chauh emawkan tih laiin kan nun chawhnu lam kan lo thleng mai \hin chu ani. He kan khawvel nun piah lama hun rei zawk leh tawp tawhlo tur chatuan pawimawh zawkzia hi kan ngaihtuaha, kan hriatchian a pawimawh takzet a ni.

Pathian mi Mosia chuan hring nun nepzia leh ChatuanPathian ropuizia hre chiangin, \awng\aina hla mawi tak lehawmze th


30/39


thleng pawhin nang chu Pathian i ni... tia bul \anin Pathianchatuan mi ropuizia a sawi a. Mihring erawh chu hlobet angmai, zinga chawra tlaia vuai leh mai \hin ang a nih thu a sawi a.

Chutih mek lain, he hring nun rei lo te hi chatuan atana kaninbuatsaihna hun pawimawh leh Chatuan Pathian hnen thlengve tura kan inhmakhuana tur hun a nih avangin a pawimawhziaa sawi leh a. Kan dam chhung kumte hi thawnthu angin kantitawp \hin, a ti a ni.

1. Thawnthu angin kan titawp \hin : Pathian mi Mosia chuanmihring lo piang zawng zawngte hi thawnthu ziaktu angin a

tehkhin a. Nang leh kei pawh hi thawnthu ziaktu kan lo ni rengmai. Kan nun kum khat chhung hi kan thawnthu ziak bung khatzelah chhutin, ni khat hi phek khat zelah ngai ta ila. Bung khatah

phek 365 awmin, kan duh emaw duh lo emaw kan nun hianthawnthu a ziak a ni. K|P zingah chuan bung 40 aia tlem ziaktekan ni hlawm a, bung eng zatah nge kan thawnthu ziak hi kantihtawp dawn kan hre lo. Eng tikah emaw chuan A tawp ta tiin

he kan thawnthu ziak hi kan la titawp ang a, zanlai dar riinchatuan hmun kan la pan dawn a ni. Chutih hunah chuan hedam lai thawnthu hi chatuan ramah chhuah (publish) a ni ang a,kan dinhmun tur hriltu a la ni dawn a ni. Chuvangin, thih hnuarorelna hmachhawn tura inpeih turin, a hun a lo thlen huna inpeihchawp tur ni lovin, he dam chhung ni thawnthu ziak hi uluk lehfimkhur a ngai zawk a ni. Hun tawp atan a pawimawh bakah hethawnthu ziak hi he khawvelah pawh a pawimawh takzet bawk.Kan chenpuite, kan thawhpuite, kan \henawm khawvengten kanthawnthu ziak hi an chhiar reng a, ngaihnawm an ti ang em le?A tawp ta kan tih ni-ah eng thawnthu nge an rilruah lo langhmasa ber ang le? Chatuan ram kan pan ni-ah kan thawnthuziak lo chhiar tawh thinten a bu an han phet zung zung ang a,chhiar nawn nuam tih lai a awm ang em? Thin \hawng lai te aawm ang em le? Kan nunah zanlai dar a lo rik hnua Pathian

rorelna hmachhawn turin hring nun thawnthu a va pawimawhtehlul em!


31/39


2. Min zirtir ang che : Chuti taka pawimawh a nih avangchuan Pathian mi Mosia chuan a ni tin nun te a han chhut let\hin a, a thawnthu ziak chu Pathian duh dan chu sawi loh, amah

ngei pawhin a duh dan pawh a tling zo lo ve fo a ni ang. Lalpa,ka duh dana ka dam chhung nite ka chhiar (hman) chuan, Chatuan Pathian thin tirim tawk chauh a ni \hin. Chuvangin, kan damchhung nite chhiar dan tur min zirtir ang che, finna thinlung kanneih phah hialna turin, a ti ta a ni. Mi fing nih hlawh tura damchhung nite chhiar tura Mosian Pathian a dil hian, khawvelinfing a tih phahna tur a dil lo. Khawvelin mi fing a tih chu kum25 lo awm leh tur thlir lawk thiam te, kum 100 a liam leh huna\ha tur hmu lawk thiam te an ni fo. A pu a lo fing hmasa a, inhmun lo ram a lo nei thluah a, tu leh faten an chhawr a nih hi,tih te, A pa a lo fing a, a fate lehkha zirtir nachang a lo hrehmasa a, an hlawhtling ta hlawm a nih hi, tih te hi mi fing kan

sawi dan a ni. Kum 25/50 lo awm tur thlir lawk thiamte hi pa fing,nu fing kan ti \hin. Mosia erawh hi chuan kum 50 lo awm tur maini lo, kum 80 emaw kum 100 emaw ni mai lovin, He dam chhung

ni tawi te hi chatuan atan, chatuan daiha chhiar dan min zirtir rawh Lalpa, a ti a ni. Mosia hian, Chatuan hun lo awm tur hmachhuan leh ngai pawimawh chunga ka dam chhung ni chhiar dan min zirtir rawh. Chuti lo chuan, he leia ral leh mai tur thiltengai pawimawh leh, chatuan lungkhamna tel lovin ka hun ka lohmang leh \hin a ni, a ti a ni ber mai. Kan nun hi duhthlannaina khat tih theih a ni. Mihringte hi khawvela awm kan nih avangin

chatuan lam thil hlute kan hre phak lo fo. Thlarau lamah famkimlo leh hmu fiah phak lo kan nih avangin, hun pawimawh zawk chatuan atana thil hlu zawk kan thlang thiam lo fo bawk a ni.Zac Poonen-a chuan hetiang hian tehkhin thu a sawi a, Naupang kum hnih mi chu a thlan turin lehlamah bank cheque Rs. 1,000/ - lak theihna, lehlamah naupang lawm, thinrik Rs. 30/- man vel dah ta ila. Chu naupang chuan tuna thina ri mai thei Rs. 30/-man chu a thlang mai ang. Bank cheque khan thinrik tam tak alei thei tih a ngaihtuah phak lo. Chutiang chuan, keini thlarau


32/39


lama puitling lo leh hriatna famkim nei lote hian a hlu tak tak zawk kan thlang lo fo \hin a ni, a ti. Ni a lo her liam a, zan muthmunah ni khata i hun leh tha leh neih thil i hmannate kha han

ngaihtuah let teh. I hun tam ber i hman dan te, i tha leh tui isenna tam ber leh i neih sum i khawh ralna tam ber te kha he leiaral leh mai tur nge, chatuan thleng tur thil le? Eng zat nge chatuanlungkhamna nena i hmana, chatuana i thlenpui tur ni ang le?Engtia rei nge kan dam dawn kan hre lo va, engtia rei nge thaleh tui kan neih dawn kan hre hek lo, kan rosumte hi engtia reinge kan kuta a awm dawn lah kan hre lo. Kan kutah leh kan thuaa awm lai leh kan duh dana kan hman theih lai hian, chatuanlam lungkhamna nena hman nachang hre turin Pathian zirtirnakan va ngai em! Pathian tawk tura inpeih turin he dam chhunghi kan inbuatsaihna hun a ni a, kan nunah zanlai dar a rik hmaleh, chatuan kan hmachhawn hma ngei hian kan dam chhungnite Pathian Thlarau Thianghlim zirtirna hnuaiah chhiar ila,Chatuan Pathian ngaihah mi fing kan nih phah dawn a nih chu!Mizote hi chatuan lungkhama, vanram ngai tak hnam kan ni tihmai turin, kan hla tuipui leh lampui tam ber hi vanram ngaih hlaleh chatuan thlir lawkna lam hla a ni a. A hlate kan tuipui viaulai hian, a taka kan nun inbuatsaihna lamah chuan thahnem kanngai lem si lo te hi ngaihtuah tham tak chu a ni. Aw! Kanghakhlel... kan ti chul na a, kal hmasak chu kan inchuh lem loa nih hmel si! Hetianga kan rilru ni lo leh kan nunpui loh sa sa lohian kan nun hian a takin lungkham sela, chatuan atana

inbuatsaihna nun nei thei sela a va dik zawk dawn em! Kannunah zanlai dar a lo rika, chatuan kawngkhar kan kik huna kaninchhir lohna tur thilte ngaihtuahin, chutih huna chatuan hlimnakan chan theih nan thahnemngaiin, Pathian tawk turin iinbuatsaih ang u.

3. Ka tih zia tur ka hre ta : Chanchin |ha Luka 16-ah hianLal Isuan he thupui hi tehkhin thuin a lo sawi a. Sum enkawltufel lo tak hi a puin a hna atangin a ban dawn a. A mangang hle ani ang, ...engtin nge ka tih ang aw! Lei laih ka peih si lo va,


33/39


kutdawh lah chu ka zak si a, tiin a inngaihtuah nasa hle mai a.A tawpah chuan, Sum enkawla mi ban huna an ina mi awmtir nan ka tih zia tur ka hre ta! tiin, hun tlem te a la neih chu a ban

huna duhsak a hlawh theih nan a hmang \angkai ta a, a pu sum batute chu tam tak a ngaidam ta a ni. Lal Isuan amah zuitu engfate zilh leh fuih nan hmangin, Eng fate aiin he khawvel fate hian tunlai kawngah chuan an fing zawk a ni, a ti a ni. Khawvel mite chuan an nakin hun tur thlirin, nakina an tana \ha turin antun hun hman nachang an hria a; nangni erawh chu chatuankawng kawhhmuh in ni chung pawhin, chu lam atana inbuatsaihnachang in hre si lo, a tihna a ni ang. He sum enkawltu anghian, kan dam chhung nite hi rei lo te a nih avangin, kan hunhman leh tur leh rei zawk chatuan atan kan hun kan hman thiama ngai a ni. Kan nunin zanlai hun a tawng a, kir leh tawh lo turakhawvel kan chhuahsan hun a lo thlen hma ngei hian, Kandam chhung nite chhiar dan tur min zirtir ang che, ti chungafinna thuruk chhar ngei turin inbuatsaih ang che.

He khawvelah hian thi turin kan lo piang a, ni tin thihnalam panin kan kal mek zel a ni. Chumi hnuah chuan Pathianrorelna hmaah kan din dawn avangin Pathian tawk tura kaninpeih a ngai. Inpeih chawp theih a ni dawn lo va, tun a\anghian kan inbuatsaih a ngai a ni. He dam chhung thawnthu kanziah mek hi uluk leh fimkhur takin ziak ila. Pathian zirtirnangaichang zelin, Ka tih zia tur ka hre ta! tia, finna thinlungkan neih phah hialna tur kawng dik chu huai leh chhel takin izawh zel ang u.

SAWI HO TUR :

1. Kristianna leh nun dan \ha inzawm dan sawi ho ni se.

2. Engtin nge dam chhung nite kan chhiar thiam theih ang?

3. Kan thih hun atana inbuatsaih dan tur \ha ber eng nge niang le?


34/39


THUPUI 6-NA

A LO KAL LEH DAWN

Chhiar tur : 1 Thes 4:16-18Pathian hi a lo kal leh ngei dawn avangin, Pathian tawk

turin inpeih rawh tih hi i han zir ho leh dawn teh ang.

Lal Isua lo kal lehna hmachhawn tur leh Amah tawk turainpeih hi kan tih makmawh a ni. He thurin tel lo hi chuan kanthurin a kim lo va, Kristian nun a khingbai \hin bawk. He thurin

ring tawh lo Kristian nun chu a thianghlim lo \hin a, beiseinanung an tlachham tel \hin bawk. Pathian tawk tura inpeih turinLal Isua a lo kal leh dawn tih hi hmaih chi a ni lo. Lal Isua a lokal leh dawn tih chu heti hian han sawi ila:

1. Engtin nge kan hriat? : Lal Isua a lo kal leh dawn tih chuengtin nge kan hriat, tih zawhna hi han chhang dawn ila. Pathian

thutiam leh a zawlneite hrilh lawkna chu a lo thleng dik \hin.Lal Isua pian tur te, a pianna hmun tur leh an tlan bopuina tur hmun te, a sei lenna khua tur leh a thih dan tur te, a thih hnua

buaipuitu tur te nen lam a lo thleng dik tawh. Chutiang bawkinamah Lal Isuan Ka lo kal leh dawn a tih hi a lo la thleng dawna ni. Lal Isua chanchin hrilh lawk lo thleng dik tam ber hi chukhawvelin min hriatpui thei. A lo pian te, a rawngbawlna te, a

thih thu leh thlana an zalh thu te hi khawvel hian min hriatpui ani. Heng thil aia ropui leh Lal Isua thuhretuten an hriatpuia antan ber tur chu, thihna hneha a thawhleh thu hi a ni a. Hei ber hidotute pawhin an do leh an awih theih loh fo a ni. Lal Isuanthihna hneha a thawhleh tur thu a sawi lawk a, a lo tholeh ngei

bawk a. Mahse, khawvel chuan chu chu a do va, thup a tum tlatsi a ni. A thawhleh lohzia hre tura thlan vengtute pawh a thawhleh

thu hre chiangtu an lo nih takah chuan, thuneitute chuan puangzar lo tura hrilhin pawisa an pe tih Bible-in a sawi a. A tholeh ta!


35/39


tih aiah, Kan muthilh hlanin a zirtirten an ru bo, tih thu chuan tlangaupui ta a ni. Vengtu sipai, a muthilh hlanin a thil ven ber chu ruk bo ni tak tak ta se hremna a nasa ngawt ang le! Sipai

tan pawh mualphona tawp a ni ngei ang. Mahse, hrem ahnekin pawisa an hlawh a, mualpho ahnekin an muthilh thu leh chumihlana an thil ven ruk bo a nih thu chu an tlangaupui ta a nih chu!Heng thil hian a thawhleh thu dona chu a lem mai, thutak awmlo a ni tih a tichiang khawp mai. A tholeh tih tichiangtu dang lehchu: A tholeh hmua hre chiangtuten thih ngamin an \an! Patlinginan hriat chian chu thih ngamin an \an \hin reng a ni. An mihring

mihrinnaah chuan pa dawihzep ve te te mah ni se, an Lalpa pawh phatsana, Juda-ten an man ve mai ang tih hlauva inkharkhipathaw dep dep \hin kha an ni na a. Lal Isua, thihna chelh hlen ruallohva a tholeh an han hmuha, an hriat chian meuh chuan zirtirtechu thih ngam lu pu, mi huaisen an lo ni a, Lal Isua a tholeh tihchu thih ngamin an lo \an ta a ni. A \hen lungin an deng hlum a,a \hen thingzainain an zai bung a, savun uiha tuam leh tel sovathlak te, hal hlum leh sakawlh seh hlumtir te tawkin thawhlehna\anin mual an liam ta hlawm a ni. Hei hian Lal Isua chu a sawilawk angin a lo tholeh ngei tih a hriattir hle a ni.

Ni thum chinah ka tholeh ang, titu Lal Isua chu a sawilawk ang ngeiin a lo tholeh a, Ka lo kal leh ang, a tih ang ngeihian a lo kal leh ngei dawn a ni tih kan ring a ni.

2. Engtin nge a lo kal ang? : Lal Isua lo kal leh dan tur hisawi dan hrang hrang a awm \hin.

|henkhat chuan, Matthaia 16:28 thu, ...heta dingho a\hente hi, Mihring Fapa a rama lo kal an hmuh hma loh chuanthihna tem tawp lo tur an awm, tia Lal Isua thusawi behchhanin,Pentikos Nia thlarauva a lo kalna kha a lo kal lehna chu a ni

tawh reng a ni an ti. Lal Isua thih atanga ni 50-na vela Penticost


36/39


a lo thlen hnu kum 60 vel zet liam hnu khan Patmos thliarkaraawm Johana hnenah Lal Isuan, Ngai teh, ka lo kal thuai dawne, a la ti tlat mai a. Penticost ni a thlaraua a lo kalna ka lo kal

leh ang a tih hi chu a ni lo tih a hriat theih.|henkhat leh chuan, A hranpaa Lal Isua, a hringhrana lo

kal leh tur a awm lo. Taksaa a lo kal tawhna bakah chuan mihring mi mal nuna a lo kalna hi Lal Isua lo kal lehna chu a ni e, an tithung a. Lal Isua lo kal dawna tawtawrawt lo ri tur tih chu Pathianthuhriltu (Speaker)-te hi Lalpa tawtawrawt chu an ni. Pathianthu kan han hria a, thutlukna siam turin kan thinlungah chhumzing ang maia min bawmtu a lo awm chiai chiai te hi, Chhum

zingah a lo kal dawn, tih hi a ni, te pawh an ti!

Matthaia 24:27 kan en chuan Lal Isuan, Kawl, chhak lamaha lo phe chhuak a, thlang lam thleng pawhin a lang \hin a,

Mihring Fapa lo kal lehna chu chutiang chu a ni dawn si a, atih kan hmu a. Mi mal nuna, a hrang hrang leh a pheuh pheuhva

lo kal turin a insawi lo va. Khawvel hian a rualin, khawchhak lama kawlphein khawthlang lam thleng a tilang ang hian kanhmu tlang dawn a ni. Lal Isua lo kal leh hi khawvel hian a rualinkan hmu dawn tih hi Lal Isua tehkhin thuin a sawi chiang khawpmai. Chumi niah chuan lovah mi pahnih an awm ang a...hmeichhe pahnih buh rawt sawmin an awm ang a...khum

pakhatah mi pahnih an mu ang a, tiin pakhat lak bova pakhat

hnutchhiah turin a sawi a (Mt 24:40ff). Lal Isua lo kal hun hi a\hen tan hnathawh hun, a \hen tan buh den hun emaw zingeirawngbawl hun emaw, a \hen tan zanlai, mut hun emaw a nidawn tih a sawina ni ngei tur a ni. Lal Isua khawvela a lo kal laihian lei hi a mum a, a vir a, ni a hel a, India rama zanlai hiAmerica ramah chuan chhun pachang a ni tih te hi tu man an lahre lo. Mahse, Lal Isuan khawvel awm dan hi a hre chiang a. Alo kal hunah chuan hun thuhmunah khawvelin a dawn dawn


37/39


avangin a \hen tan mut hun, a \hen tan hnathawh hun, a \hen tanzing, a \hen tan zan a nih tur hi a lo sawi tawh a ni.

Lal Isua lo kal lehna tur hi, Kha kha a ni ta mai awm mang e, tih mai mai tur angin a lo kal dawn lo va, khawvel pum puihian hai rual lohvin a hre dawn a, hriat loh der chi leh hai chi ani dawn hauh lo tih a chiang a ni.

3. Eng nge a pawimawhna? : Lal Isua lo kal leh hi eng nge a pawimawhna nia, eng nge kan chan tur tih han ngaihtuah leh ila:

1) Engkim chianna tur hun a ni : Lal Isua lo kal leh hunah

chuan thil zawng zawng a chiang tawh ang a, lang lo tura thuhruk reng a awm lo vang. Kan retheih leh sawipuitu kan neih lohavanga thiam loh kan channa te, dawta puh kan nih avangahmingchhiatna leh kan sawi fiah thiam loh avanga mi min hriatthiam lohna zawng zawngte hriat fiah a ni tawh ang.

2) Kan inthlamuanna tur a ni : Lal Isua lo kal lehna hiPaula chuan kan inthlamuanna tur a ni tih min hrilh a (1 Thes4:18). Tunlaiah hian insawi\haih nan kan hmang ta mah mahem maw tih tur a ni. Krista avanga tuara, a hming avanga puhchhiat leh endawng tawkte, chhungkua leh khawtlangin anhnawh chhuahte chuan he hun hi an nghakhlel a, inthlamuannan an hmang \hin. Lal Isua lo kal leh tur nghakhlel lo khawpleh hlau hial khawpin he khawvelah hian zung kan lo kaih mai

palh ang tih a hlauhawm hle a ni. Mahni inchhut chiang ila.Khawvel malsawmna leh hlimnate avang hian Lal Isua lo kaltur hi kan huphurh phah hial em le? Tirhkoh chuan, Chuvangin,heng thu hian inthlamuan tawn rawh u, min ti a ni.

3) Chhandamtu hmel kan hmu ang : Min hmangaiha kantana nun pe, kan vah bosan lai pawha hmangaihna mita minthlir \hintu, a lam kan hawi veleh khawngaihna kuta min lo

kuangkuah \hin Lal Isua hmel kan hmu ang. A hmangaihna lehkhawngaihna chanchin kan hriat ringawt pawha kan hlimpui leh


38/39


thlamuanpui \hin kha, a thua min tidama, a thlarauva minthlamuan \hintu ngei kha a takin, hmaichhanah kan hmu tawhang a. Rinhlelh leh chiang lo awm tawh lovin, hlim leh lawmna

tawp lo leh thlamuanna famkim nen a angchhungah chatuaninkan awm tawh dawn a ni.

4. Engtin nge kan inbuatsaih ang? : Chutianga lo kal tura chutawk tura kan inbuatsaih dan tur zawng zawng sawi seng lo mahila, thil \henkhat han sawi ila:

1) A thupek zawmin inbuatsaih a ngai : Lal Isuan a lo kal

leh hmaa lo ti tura min tih ngaih pawimawh hi inbuatsaih dantur a ni ang. Nu ber hnathawkin a chhuak dawn a, a fate hnenahin lama lo tih tur a hrilh a. Nu lo haw hmaa lo tih zawh tur a ni.

Nu a lo hawa, ngaihzia thu lo hrilha, a lo haw avanga lo lawmchiam ringawt a tawk hauh lo va, nuin a hnathawh hlana lo tihtur a sawi \ha taka hlen chhuah kha a pawimawh chu a ni ngeiang. Lal Isuan a lo kal leh hmaa thawk tura min tih chu Khawvel

zawng zawnga kala Chanchin |ha hril a ni a. A lo kal lehhmain hnam tin zingah a chhandamna Chanchin |ha chu hril zoturin min ti nghe nghe a ni. Chanchin |ha hril hi kan ni tin nunaamah kan tawh theihna pawh a ni. Lal Isuan, Chanchin |ha hihril ula; tichuan, in hnenah ka awm ang, a ti a. Pathianawmpuina hi dil vak vak avanga chan tur ni ber lovin, a hnangaih pawimawh thawh maia chan chi a nih hmel. A duh zawngtitute chu a thlahthlam thei hauh lo zawk a ni si a.

2) Enga awm a ngai : Paula chuan, Muanna leh himna tia an sawi lai takin hmeichhe nau vei angin chawplehchilhaboralna an chungah a thleng ang a, an pumpelh tawp lo vang.

Nimahsela, unaute u, nangni zawng chumi ni chuan rukru angaa nanna tur che uin thimah in awm lo ve; eng fate leh ni fate in

ni vek si a, (1 Thes 5:3,4) a ti a. Lal Isua lo kal lehna hian min


39/39


barakhaih loh nan eng fate nia, engah kan awm a ngai a ni. Thimamite leh thim thiltih rah nei lova tel \hinte chu he ni hian thangawk angin a nang ang a, hmeichhe nau vei anga chawplehchilha

boralna an chungah a lo thleng dawn a ni. Lal Isua khawvel enghi a enga leng \hinte tan hlauhawm leh rapthlak a ni ve ngaidawn lo.

3) |anpui ngaite \anpuia inbuatsaih a ngai : Matthaia25:34-46 kan chhiar chuan, khawvel tawpa rorelna lo awm turatehfung tur Lal Isuan a sawi a. He leia tehna atana kan hmansawma pakhat emaw, martarna leh tuarna dang dangte emaw,missionary leh hun puma rawngbawlna peng hrang hrangteemaw chu tehfung atan a lek chhuak dawn lo a ni mai thei. LalIsua tehfung tur min hrilh chu - ril\am hnena ei tur pek te, tuihalhnena in tur pek te, mikhual thlen te, silhfen nei lo puan pek te,damlo leh tan ina tang tlawh te a ni. Hengte hi mi te ber pawhinkan tih theih vek a ni a, tih loh chhuanlam tur a vang khawpang. Hetianga \anpui ngai leh tlachhamte mamawh phuhruk hikan Pathian rorelna hmachhawn tur leh Amah tawk tura kaninbuatsaih dan tur chu a ni. Lal Isuan, Heng ka mi te berte zinga

pakhat chunga in tih chu ka chunga ti in ni, a ti dawn a ni.

Lal Isua thu min pekte zawmin, a engah leng ila, a kutkeleh Krista aia palai kan nih ang ngeiin, \anpui ngai leh michanhaite ngaihsakin, an mamawhte ngaihtuahsak zelin, Pathian

tawk turin i inbuatsaih ang u.

SAWI HO TUR :

1. Lal Isua a lo kal leh ngeiin kan ring takzet em?

2. Lal Isua lo kal leh tur hi kan thlamuanpuiin kan hria em?

3. A lo kal lehna tura inbuatsaih dan tur sawi belh ni se.

kum puan 2014 -15 booklet

Documents