o anak mensia! s a r a w a k · aktiviti ti dipejalaika bala nembiak lepas aum tu. siti hari kudus...
TRANSCRIPT
BE 170 `Ilm / Knowledge Issue 12 16 October 2013
Nuju bala Bahá'í ke Sarawak
Tabi bala pangan,
Lebuh kita macha pesan Gawai Sembilanbelas Hari Bulan `Ilm (Penemu dalam jaku Arabic),
enggau ati ti temegah kami madahka Aum Nembiak di Kuching ti diatur kena 14 - 16hb Sembilan
udah mujur bendar! Sukung penuh bala pangan, tuai enggau biak ianya utai ti mai pemujur
ngagai aum tu. Nya-alai ditu kami ngambi peluang ngenataika terima kasih ngagai semua kita ti
udah bendar mantu ngemujurka aum tu.
Aum tu diatur ba Komplek Belia & Sukan ba Jalan Tun Ahmad Zaidi Adruce, Kuching. Semua
pemayuh orang ti ngulu aum 3-hari tu bisi 665 nembiak; ari Sabah 140 lalu ari Brunei siku aja
enggau ari Sarawak 524 iku. Enti diitung nitihka bengkah menua dia sida ti ari Sarawak ianya 119
ari utara, 68 ari Sarawak tengah lalu 337 ari selatan.
Sepemanjai aum tiga hari nya, dua iku Kaban Pengelalau ngulu aum ngarika Rumah Pengelurus
Serata Dunya. Seduai tu ianya Dr. Lori McLaughlin Noguchi enggau Mr. Ircham Hadi
Sujadmiko. Seduai tu sama-sama kaban Lembaga Pengelalau ke Benua Asia.
Berita ti silik sama enggau gambar sereta video ulih dipeda ba http://news.bahai.org/community-
news/youth-conferences/kuching.html. Ditu kitai semina madahka tungaka pengujung aum tu dia
bala ti ngulu nyau ngasaika diriempu tulihka peransang ari rambai-jaku aum ti nyebut: “Gawa ke
mensia ianya sebaka enggau gawa ke Petara”, enggau rambai-jaku: "Belia, Harapan Dunia”. Sida
ti agi biak diatu, nyau ngelala batang-tuju penatai Bahá'u'lláh ti deka mai penglantang enggau
penyenang ngagai pengidup tubuh sereta enggau pengidup semengat mensia ba dunya tu.
Dipeda sida, aum tu ukai semina siti aum aja tang pengepun proses nirika sereta ngiring raban
nuju batang-tuju nya.
Tajapen aum tu balat endar ngira tanggungjawap bala nembiak, tang ungkup-pengawa raban
enggau institusyen mega sama beguna bendar dikena ngulihka juluk ati ti deka narit raban
mensia semak agi ngagai batang-tuju Bahá'u'lláh. Ungkup-pengawa tu ulih dipeda ba bakani sida
mantu nambahka pemayuh orang ti datai ngintu Gawai 19-Hari; tauka ngatur penemuai ngagai
rumah sereta ngenalamka penemu bala pangan pasal juluk ati Lumpar Pengawa Lima Taun ke
diatu ari ti belajarka pesan enggau surat ari Pusat Dunya Bahá'í; sereta meri sukung penuh ngagai
aktiviti ti dipejalaika bala nembiak lepas aum tu.
Siti Hari Kudus Bahá'í dalam Bulan `Ilm tu, ianya Hari Pengada Nabi Bab kena 20hb Sepuluh.
Kami pechayaka bala pangan ulih begelumu ba tempat ti menyana lalu ngintu Hari Kudus tu
enggau pengerami ti mandangka pemesai reti ia ari segi sejarah Pengarap sereta pengudus
pengawa tu.
Kami arapka kita ngintu gawai 19-hari tu enggau ati ti gaga.
Enggau pengerindu,
Raban Gelumu Sambiang Bahá'í ke Sarawak
Pesan ari Raban
Gelumu Sambiang
Bahá'í ke Sarawak
BERITA BAHÁ’Í
S A R A W A K
O ANAK MENSIA!
Enti pengeraja datai ngagai nuan, anang
andal, lalu enti pemerinsa ninggang nuan,
anang tusah, laban kedua-dua nya deka
lenyau lalu nadai agi.
Bahá'u'lláh
Page 2
Aum nembiak
di Kuching Ba tebing Sungai
Sarawak adap ke barat
Pulau Borneo, dia mih
Bandaraya Kuching, indu nengeri
menua Sarawak. Kena 14hb
nyentukka 16hb Sembilan, dia bisi
650 nembiak begelumu,
diperansang wawasan Bahá’u’lláh
pasal pengidup di dunya tu ti
berindik ba pengelurus enggau
penyerakup, lalu bejuraika bakani
chara sida ulih ngereja ungkup diri
dikena mai pemansang ngagai
pengidup mensia ba menua diri.
Penatai pengari Rumah Pengelurus
Serata Dunya, Kaban Pengelalau Dr.
Lori McLaughlin Noguchi enggau
Mr. Ircham Hadi Sujadmiko ba
dewan endur aum di sambut sida ti
ngena pekayan bansa asal.
Nangkan sambiang pemuka ti
manah endar didinga sereta enggau
ngelaluka penatai bala pangan
nitihka kumpulan ari bengkah
menua siti-siti, dia bala ti ngulu
aum sama menyanyi lagu thema
aum tu, ianya Belia Harapan Dunia
(Youth, Hope of the World), ti
endang dikarangka aum tu:
“Youth are the hope of the world
Building our communities
Fulfilling God’s wish…
Let’s all come together
To nurture the young”
Sekeda ari pekara ti dipelajarka
maya aum tu ianya ngaduka
pengidup diriempu ari segi
pengidup diri sebilik, gawaka
Pengarap, enggau belajar ba sekula/
kolej baka ti meda tunjuk ba sepiak
jari lalu ukai sebengkah-sebengkah
pekara ti enda bejantil. Bisi siku
indu ari Kota Samarahan bejaku
ngenang bakani pengawa ti dikereja
iya ulih mantu semua segi pengidup
iyaempu. Diatu iya nyau ulih
ngasaika dulu iya ngumbai diri
enda ulih enggau orang cheregas
gawaka Pengarap lebuh agi belajar.
Tang diatu, sekumbang ti udah suah
enggau orang ngiring sida nembiak
ti biak agi ari iyaempu dia iya
ngasai semua aktiviti ti dikereja sida
nadai nanggul pelajar iya ba
universiti lalu iya mega ngasaika
diri majak mansang tuai runding
dalam semua pengawa. “Diatu aku
sedar ianya endang tanggungjawap
kitai mantu tumpuk diriempu.
Tajapen aku agi belajar bakani deka
ngeningkatka pengulih diriempu
tang aku ngasaika diri ulih mantu
orang bukai ti begunaka sukung
lalu ari nya kitai ulih sama-sama
belajar sereta mansang begulai.”
Lebuh bala nembiak bejuraika chara
bakani nirika raban lalu bakani
nembiak rebak sidaempu ulih
bekerja- sama enggau orang bukai ti
sama gawa dalam proses tu, dia iya
nyebut munyi tu: “Aku udah sedar
ianya endang tanggungjawap aku
mantu sida ti biak agi ari akuempu
lalu lebuh aku sama gawa enggau
sida ti sama gawaka tumpuk
kitaiempu dia kitai mega ulih
sama belajar sereta sama
mansang.”
Program lemai nya endur bala
nembiak bekunsika pengelandik
diri sereta endur mandangka
pengaga ati sida ngena main
enggau tanda bansa asal tauka
tanda ti benung dikerinduka
orang mayuh kemaya hari tu.
Sekeda ari tanda ti balat endar
ngerinduka ati ianya tanda
bansa Jawa, ajat bansa kenyah.
Pekakas muzik ti dikena sida
nyengkaum gendang enggau
alat muzik digaga ari buluh.
Semua tu ulih ngeluarka muzik
ti balat endar ngerinduka ati
bala ti sama enggau ngulu
pengerami maya lemai hari nya.
Kaban Pengelalau Lori Noguchi enggau Ircham Sujadmiko, ngarika Rumah pengelurus Serata Dunya diterima enggau basa lebuh seduai datai ba aum.
Sambiang serumpu maya berengkah pagi ulih ngasuh bala pangan sama ngasaika basa enggau pengerindu ke diri sama diri.
Kumpulan bejurai bebala mayuh dulu lalu udah nya dibagi ngagai kumpulan ti mimit agi tubuh ngambika ulih numpuka perati ngagai tumpuk endur diriempu diau.
Bala nembiak benung berunding ngaga riput ti kreatif dikena bekunsika pekara
Sama belagu sereta belajarka lagu baru maya ngetu antara sesi.
Mandangka tanda bansa asal Tambonuo, Sabah
Training matih bala Fasilitator Riput ari Ms. Zenobia Narong
Lebih ari enampuluh iku fasilitator begelumu ngulu kursus
diatur ba Kuching Bahá'í Centre kena 12 - 14hb Lapan 2013.
Kursus tu diatur endur matih sida ngiring belajar bekumpulan
lebuh maya aum nembiak di Kuching kena 14 - 16hb Sembilan
2013.
Sama bisi ngulu kursus tu sereta ngiring bala pangan belajar
ianya Counsellor Ircham enggau Kaban Penyanding Khor Wai
Peng. Berengkah ari pukul 1 ngalihhari ba hari ketrubah lalu abis
pukul 8 lemai ba hari ketiga, dia bala pangan ti ngulu kursus belajar
enggau nenak pesan enggau pekakas ti deka dipelajarka maya aum
nembiak ti deka diatur sebulan nangkanka nya. Bala ti ngulu kursus
dibagi ngagai kumpulan 15 orang lalu tiap kumpulan bisi dua orang
pengiring nguluka sida belajar dalam timpuh tiga hari tu. Tiap iku
bala ti ngulu dilatih ngiring belajarka abis kurang siti genteran ari
pesan ti deka dipelajarka maya aum nembiak. Tiap lemai semua
kumpulan begulai baru lalu bekunsika penemu ti udah dipelajarka sida siang hari nya
tadi. Endang baka selama, kelimpah ari belajar dia sida bisi belagu dikena merindang ati.
Siti ari pesan ti dipelajarka sida maya kursus tu ianya surat ari Rumah Pengelurus Serata
Dunya kena 1hb Tujuh 2013 nuju orang ti ngulu 114 iti aum ti deka diatur. Ari ti
belajarka pesan tu dulu dia sida nemu sapa ti patut dipinta datai ngulu aum. Kitai arapka bala ti ngulu kursus tu
semua nemu nama ti patut dikereja diri dalam timpuh sebulan ti deka datai.
Sulang (mayin guitar) nguluka bala pangan belagu.
Ari kiba: Sheng Jie (Kordinator Nembiaklanjau Sabah), ABM Wai Peng (ari Sabah), ABM Leeandra, Layching, Tze Min (ari Sabah) enggau Lua
Semua bala pangan ti ngulu kursus.
Program lemai nya
mega bisi nyengakum
meda video Frontiers of Learning, siti dokumentari nusui pasal pengawa ti
bisi dikereja dikena ngemansangka empat iti klaster ti dipilih ari lain
bengkah menua di dunya tu.
Siku ari sida ti meda filem tu madahka udah bekau ti meda video tu dia
iya sedar mayuh orang ingin deka sama enggau nirika menua diri ari ti
sama-sama gawa enggau orang bukai. Ari ti sama gawa dia sida ulih sama
belajar sereta ulih mega sama mansang.
Sambung ari Lambar 2
Meda filem ari video Frontiers of Learning
Siti kumpulan belagu ngena pekakas muzik baka gendang, guitar, buluh, tamborine, enggau shakers digaga ngena botol ti udah dikitar semula.
Mending lebuh bala pangan mansutka penemu diri.
Sekeda konsep ti udah dipelajar bisi digaga nyadi leka lagu.
Bala nembiak bejuraika chara sida ulih mantu ngemansangka menua diriempu.
Aum Nembiak tu meri peluang endur sida belajar sereta ninjau bakani sida ulih mantu ngemansangka pengidup semengat sereta enggau pemansang sosial.
Page 3
Page 4
Pengawa munuh orang Bahá'í di Iran di kutuk Jaku tu dipansutka Mr. Walter Feldman, siku sapit menteri perintah besai menua Brazil, ti
ngutuk pengawa munuh siku Bahá'í benama Mr. Attaollah Rezvani, kena 23hb Lapan
2013 di Bandar Abbas, menua Iran.
Tabi Mr President, Kaban Kongres,
Dunya diatu benung begunchang ketegal pengawa ti berebut ke
kuasa ti nyau enda bedulika pemanah kaul enggau diri sama
diri. Perang ti ditesau beterus-terang tauka dikereja belalai;
bebunuhka mensia mayuh ngena chara kasar ti ngenakutka
ati tauka munuh orang ngena chara ngupah pembunuh. Tu
mih gaya pengidup kitai ke diatu. Kati kitai semina idup
enda beduli tauka pengidup kitai bisi reti ti lebih dalam agi ari idup bakanya aja.
Kitai mesti nukuh jalai pengidup ti bebaik enggau diri sama diri.
Aku nyebut pekara tu ketegal pengawa ti bisi nyadi di menua Iran. Kitai enda
patut bepuluk-tubuh aja ngemataka pengawa bebunuhka mensia ketegal ati ti
begedika agama ti dipechayaka orang nya. Ke sekali tu, Mr. Ataollah Rezvani –
siku kaban raban Bahá’í di menua Iran – udah mati dibunuh. Iya dibunuh Hari
Enam minggu dulu nya tadi di nengeri Bandar Abbas, di selatan menua Iran. Dulu
ari nya Mr. Rezvani endang udah suah nerima jaku keremba deka munuh iya ari
sekeda pemesai perintah ti begedi meda orang Bahá’í.
Raban Bahá’í di menua Brazilian bisi 65,000 iku kaban ti sama bela nguji enggau
naka ulih idup dalam penyerakup sereta meri peluang ngagai semua ti ingin
ngerembaika chara pengidup ti likun ari segi pemanah ulah, pemansang semengat
enggau sosial di menua kitai tu. Sida mega meransang pengerata peluang ke semua
orang.
Di Iran, tujuh orang ketuai Bahá’í udah dijil lebih ari lima taun lalu kitai mega
ngenangika sida tu dibunuh. Dalam Bulan Lima tu tadi, pengari ari Gerempung
Bansa ti mansik pasal hak asasi di Iran, Mr. Ahmed Shaheed, ngeluarka jaku dalam
suratkhabar minta semua ketuai perintah di dunya tu – nyengkaum ketuai agama
sama nyukung peminta iya tu. Iya madah: “Perintah menua Iran mesti mandangka
diri ngamatka jaku ti meri peluang ngagai semua agama lalu mesti ngelepaska
semua orang ti dijil ketegal agama sida”.
Kitai mesti ngemendarka pengerembai semua agama di dunya tu. Laban akuempu
orang Judah, nya-alai aku enda ulih nerima pengawa ti ngemediska orang ketegal
agama kalika di menua Iran tauka di menua bukai.
Pemanah kaul, basa enggau kebebasan ke semua. Semina ari nya aja baru mensia
mayuh ulih idup dalam pemaik.
Mr. Ataollah Rezvani
Tikah Bahá'í Tahniah ngagai Margeretha Jumerie enggau
Vijay Arumugam ti baru udah nikah.
Tikah Bahá'í sedua tu diatur di Semenanjung
Malaysia. Di Sarawak bala pangan ti bekelala
enggau seduai sereta kaban-belayan dijamu
makai lemai kena 17hb Lapan 2013 ba dewan
Gerempung Bansa India di Jalan Rock, di
Kuching. Lebih ari 200 iku orang datai sama
merindang ati ba pengerami tu ti betuaika
master of ceremony, Mr. Bunsie Tunton.
Pengantin baru sama enggau apai-
indai enggau kaban-belayan ti semak
ba meja ti diagihka sida.
Kalenda Pengawa
Gawai 19-Hari Bulan
‘Ilm/Penemu 16hb
Sepuluh 2013 (diatur
lemai 15hb)
Ulangtaun Pengada
Nabi Báb 20hb
Sepuluh 2013 (Hari
Kudus tu patut diintu
lemai 19hb tauka siang
hari 20hb. Siang hari
20hb bala pangan enda
patut nurun gawa.)
Gawai 19-Hari Bulan
Qudrat/Kuasa 4 hb
Sebelas 2013 (diatur
lemai 3hb)
Ulangtaun Pengada
Bahá’u’lláh 12hb
Sebelas 2013 (Hari
Kudus tu patut diintu
lemai 11hb tauka siang
hari 12hb. Siang hari
12hb bala pangan enda
patut nurun gawa.)
Gawai 19-Hari Bulan
Qawl/Jaku 23hb
Sebelas 2013 (diatur
lemai 22hb)
Hari Penyanggup
26hb Sebelas 2013
(diatur lemai 25hb.
Endur maya ngingatka
pangkat enggau
tanggungjawap `Abdu’l-
Bahá ti nyadi Pusat
Penyanggup)
Ulangtaun Pemati
`Abdu’l-Bahá 28hb
Sebelas 2013 (patut
diintu pukul 1 dinihari.
Gawai 19-Hari Bulan
Masá’il/Tanya 12hb
Duabelas 2013 (diatur
lemai 11hb)