Pelajar 5, ungkup January 30, 2021

Nadai agi pemetang ba Galili. Isaiah 9:1-5

Nembiak Mit ungkup kitai. Isaiah 9:6-7

Tungkat Pengeringat Allah Taala. Isaiah 9:8-10:34

Urat enggau dan beserakup ba siti. Isaiah 11

Nuan Ngaum Aku. Isaiah 12

Mesiah disebut dalam Bup Isaiah ba bagi 9 - 12 lalu mega nyebut pasal orang Judah ngau orang Israel ti ngelaban Allah Taala.

Jesus nya meh Mesiah. Iya datai ke dunya ketegal ka mayar hutang dosa serta mega ngajar kitai mensia. kenya mega, tuju ia deka nerangka dunya, meri pengelantang serta nyelamatka anembiak Iya.

aram kitai bela belajar jalai Isaiah nyebut pasal Jesus dalam 3 bagi ba bup Isaiah.

“orang ke bejalai dalam petang udah meda penampak ti besai. Sida diau ti menua pemetang, tang diatu penampak manchar ngagai sida.” (Isaiah 9:2; Matthew 4:16)

SEBULUN

NAPHTALI

Tasik Galilee

kena nyaut peminta Ahas ti minta tulung, Tiglath-pileser III nyerang menua Israel lalu ngambi menua Naphtali, Zebulun, serta pelilih menua Jordan. Udahnya, Salmanazar V ngalahka semua menua bansa Israel lalu muru bala sida ti agi idup. .

tu meh endur keterubah diambi munsuh lalu endur tu mega dipenuh enggau pengawa ti petang sida ti nyembah engkeramba,(Isa. 8:22). lalu ti mega endur keterubah meda penampak ti dibai Jesus.

Jesus selalu bejalai ke pelilih Galilie ngereja pengawa Iya kelebih agi tasik Galilie(Matthew 4:12-17).

kapernaum

“siku anak mit udah ada ke kitai! siku anak lelaki udah diberi ngagai kitai! lalu Iya deka nyadi raja kitai. Iya deka dikumbai “Penyaup ti Badas,: Allah Taala ti Bekuasa,” “Apai ti Meruan belama iya,” Raja Pemaik”.” (Isaiah 9:6)

nembiak Mit ti ada tu deka dikumbai Mesiah, Jesus:

Meri ajar ti manah. ajar ia ngiring kitai nuju pengidup. sama enggau nama melikat ti ngelawa ruang bilik apai Samson. (Pengulu. 13:18)

Allah Ti bekuasa, Iya Mandangka Allah Taala, Iya penuh kuasa lalu Nyelamatka mensia. (John, 1:1; 1John. 5:20)

Apai ti Meruan belama Iya : Jesus nya meruan, Iya nyadi apai ke semua mensia, laban Iya ti nempa mensia serta meri berkat ka mensia. (Jphn. 1:3; kol. 1:16; 2Peter 3:18)

Raja Damai serta Pemaik : Jesus nyadika Raja Damai ti datai ke dunya mai pemaik(Pemandang. 17:14; John. 14:27; John. 16:33)

TUNGKAT PENGERINGAT ALLAH TAALA

“Tang TUHAN mengkang ringat. Jari Iya agi mengkang dikedarka Iya laban Iya deka ngukum” (Isaiah 9:12, 17, 21; 10:4)

Tuhan mesti ngukum anembiak Iya ngena tungat ia laban anembiak Iya udah ngereja penyalah. (Isaiah. 9:4). tu meri reti ianya Tuhan ngelakka sida ngasaika pemerinsa ngambika sida berubah/bertaubat lalu pulai baru ngagai Tuhan.

Pemerinsa tu datai nengah 4 ringkat. Tiap ringkat deka makin pedis.

[1] Perang ba menua sida (Isaiah 9:8-12)

[2] Raja ti jai dialahka(9:13-17)

[3] Menua dirusak, serta lapar pungkang

(Isaiah 9:18-21)

[4] Hakim ti enda adil dibuai (Isaiah 10:1-4)

enti sida bertaubat(berubah), Pemerinsa nya deka diketuka. (Adat Lewi 26:14-39).

Tuhan meri bangsa Israel bebas milih ka ngasika Iya tauka nulak Iya. Iya mega ngasuh kitai ngaga pemilih ti sebaka saritu mega.

Tuhan ngena Pengelandik Iya nejuka penusah nyadi ketegal kitai ti enda taluk ngagai Iya ngambika kitai mulaika diri ngagai Tuhan.

“Pechara ti berat deka di kereja - Perang, diburu ari

menua, diperinsa, lenyau kuasa, dikemaruhka ari semua

bansa - semua penusah tu deka datai ngambika sida ti

bukai ngelala jari Tuhan ti ngasuh sida bertaubat.

Sepuluh Peturun ba Perintah di Utara deka diachir

tauka diserara, menua sida deka nyadi puang, lalu

munsuh sida deka munaska menua sida. nyentukka

Jerusalem mega runtuh, lalu bansa Judah deka dibai

nyadi ulun, tang menua ti disemaya Tuhan nya enda

deka ditinggalka belama lama ia.”

E.G.W. (Ye Shall Receive Power, September 14)

Peturun Jesse mandangka Jesus nya ada ari peturun David ti anak Jesse. nya kebuah Jesus empu nyebut ia nya “urat enggau dan peturun David”(Pemandang 22:16).

siti ari tuju besai Jesus ke dunya ianya deka munaska dosa, munaska sida ti murtad, ti ngelaban, lalu nuduka Perintah ti Damai didunya. tu berengkah dikereja dalam pengawa iya, pemati Iya, pengangkat Iya, serta lebuh Iya di Serega. Tang pengawa Jesus apin tembu dikereja Iya.

kitai agi nganti timpuh ianya, “ indu sapi enggau beruang deka begulai makai, lalu anak sapi enggau anak beruang deka gali begulai. singa deka ngulam rumput baka sapi. Indah anak mit deh enda bebadi enti iya bemain semak ular bisa.” (Isaiah 11:7-8)

Isaiah 12 lagu ti dikena Isaiah Muji Jesus. Iya meransang kitai “ madahka ngagai serata dunya semua Pengawa udah dikreja Iya”(ayat 4), ngingatka baru lagu pemenang ti dilagu Moses lebuh sida bejalai nengah tasik Mirah.(Pemansut 15).

“Allah Taala endang Juruselamat aku: Aku deka manggaika pengarap aku ba Iya lalu enda takut. TUHAN meri aku kuasa enggau

pengering. Iya endang Juruselamat aku” (Isaiah 12:2 )

melikat bejaku ngagai Joseph seduai Mary ianya Mesiah deka diberi nama “Jesus” ti meri reti, “Tuhan nya nyadika Juruselamat aku”(Mt. 1:21; Lk. 1:31).

Bisi mega lagu Pemenang ba Pemandang 15. ba bup nya, bisi 144,000 ti belagu lagu ti sebaka.

Jesus nyadika Tuhan ti meri selamat ka kitai. kitai deka belaguka Iya enda lama da agi. kitai deka begulai belagu. “lagu Moses, ulun Allah Taala, serta lagu anak Domba.” (Pemandang 15:3)

“Jesus nya Raja Pemaik” (Isaiah 9:6),

Pengawa Iya ba dunya tu ianya ka mulaika

baru pemanah ti udah lenyau laban dosa.

“semina nengah pengarap, kitai bulih

pemaik ari Tuhan nengah Jesus Kristus.”

Rome 5:1. sida ti ngelengka dosa, lalu muka

ati sida nerima pengasih Tuhan, deka bisi

bagi dalam perintah Serega ti penuh

Pemaik” E.G.W. (Thoughts From the Mount of Blessing, cp. 2, p. 27)