1

Pidato AdaikOleh

Musra Dahrizal Katik Jo Mangkuto

Kaganti siriah nan sakapuaUmpamo rokok nan sabatangKa rang banyak salam tatabuaKa nan tuo sambah mandatang

Di awa kalam nan sapatah, ulasan suri dari ambo, bacinto dawaik kakarateh, pado manjadi angan juo, nan takanduang dalam ikara, niaik jo nazadalam hati, cinto manulih ka karateh, ka untuak bajawek tangan, jo diridunsanak nan basamo, kok untuang pambari Allah, kajadi si tawa jo si dingin,tulisan nan ambo buek ko, sabab kan ba’a dek baitu, aluran badan diri ambo,tantangan tulih manulih, aka singkek pandapek kurang, ilimu di tuhantasimpan nyo, tapi samantang pun baitu, dek ujuik manantang bana, hakikaikpaham indak kacau, sadang nyo buleh di pikiran, pangana haram bacabang,hati lah tunggang bagai tabiang, walau manulih kurang pandai, jan kalahsabalun parang, di pabulek alu panggali, indak nan labiah dari puntuang, dipabulek hati nurani, indak nan labiah dari untuang, walau ka angok angokikan, bogo ka nyawo nyawo patuang, patah kapak batungkek paruah, tatagakpucuak nan balingka, ba silang dahan kayo aro, namun nan niek dalam hati,mungkasuik tatap basampaian, di cubo manulih bagulambek, molah di ansuabak bajalan, kok untuang sampai ka tujuan, hanyo nan harapan dari ambo,kapado dunsanak bakuliliang, kok basuo kalimaik nan tak jaleh, titiak jo komanan salah latak, bahaso minang nyo basalemak, tapakai bahaso Indonesia,anggap lah bahaso minang moderen, usah di cacek langkah sumbang, sababbaitu kato ambo, dalam diri ambo lah yakin, sado nyo dunsanak nan datangko, tantu bakandak tabu nan manih, kok tabu tibarau nan tasuo, hanyo itu adodi ambo, pado manjadi upek puji, nan bedo jatuah di himpok janjang, nak janmambarek ka akiraik, ambo nak mintak di ma’afkan.

Barieh balabeh minangkabau, sanitiak tiado hilang, sabarih bapantang lipua,nan salilik gunuang marapi, saedaran sago jo singgalang, salingka talang jokurinci, sampai ka lauik nan sabideh, lapeh ka pasisia nan panjang, banamobanda nan sapuluah, warih nan samo kito jawek, kato pusako nan di ganggam,sampai kini baitu juo, ka ateh ta ambun jantan, ka bawah takasik bulan, niniakmoyang punyo hulayaik, hak nyato bapu nyo, nan ganggam nyato ba untuak.Salaruik salamo nangko, namo nyo kito urang minang, kito caliak di masokini, lah banyak lungga pangganggaman, dek ketek kurang pangana, lahgadang aka pailang, kan banyak urang bakato, jalan lah di aliah urang lalu,cupak di papek rang panggaleh, dek elok kilek loyang datang, intan tasangkokilek kaco, tando nyo ilimu mangupalang, adaik di sinan binaso nyo, disangko bulek daun nipah, kiro nyo picak bapasagi, di liek lipek tak barubah, dikambang tabuak tiok ragi.

Pado wakatu iko kini, lalok sakalok barasian, pikia nan palito hati,nanang nan baribu aka, dalam tanang bana mandatang, paham tibo aka baranti,bana lah timbua sandiri nyo, asah kamudi di samoan, jikok padoman di batua

Vollyn

@uin

2

an, samo mancinto kanan baiak, kok indak tajajak tanah tapi, indak kudaraikdari kito, hanyo kuaso dari tuhan, sasek suruik talangkah kumbali, pulang nyoka balabeh juo, baitu adaik nan bapakai, kok sasek di ujuang jalan, babaliakkapangka jalan, kito pilin aka nan tigo, suatu nan jahia janyo aka, kaduomustahia janyo aka, katigo nan wajib janyo aka, kudaraik sahabih tulang,pikiran sahabih aka, sa ukua kito nan basamo, sapakaik ninik jo mamak, baiakpun ‘alim jo ulama, sarato imam jo tuanku, baiyo sagalo cadiak pandai, bundokanduang samo di dalam, kito babaliak banagari.

Di dalam adaik ba nagari, jalan nan duo nan di turuik, kato nan duonan di pakai, nan di kato kan jalan nan duo, mulo partamo jalan syarak, nankaduo jalan adaik, nan di kato kan jalan syarak, mangucapkan kulimah nanduo, asshadu alla…..............Wa ashadu anna…..…..…hakikaik nyo iman joisilam, tauhit jo makripattullah, nan di katokan jalan adaik, di ateh rumah jotanggo, di hadapan niniak jo mamak, tadiri di koroang kampuang, di dalamkoto jo nagari, nan di sabuik kato nan duo, nan partamo kato pusako, nankaduo kato buek, nan di katoan kato pusako, sandi nyo hadih jo alkur’an, dibarih adaik kan basuo, apo bilo syarak lah mangato, nan adaik tinggamamakai, nan di katoan kato buek, buek nan bakalian dalam satia nanbagantuang tinggi, ikara samo di mulia kan, nan janji samo di tapati.

Saraik nyo kito ba nagari, ado balabuah batapian, bajirek ba balaibalai, barumah jo batanggo, baranak ba kamanakan, basurau jo bamusajik,basawah baladang, tantu basasok bajarami, bapandam bapakuburan. Di dalamadaik ba nagari, iyolah tabagi ampek, partamo adaik di pakai, nan ka duoundang di pamenan, ka tigo pusako di ronggohi, ka ampek limbago nan dituang, jalan nan pasa nan di turuik, labuah nan goloang nan di tampuah, aiataganang nan di sauak, suri tarantang nan di tanun, warih nan samo kito jawek,pusako samo kito toloang, di dalam adaik nan ampek, iyolah anam parakaro,partamo cupak usali, jikok di bubuik inyo layua, jikok di asak inyo mati, indaknyo lakang dek paneh, indak nyo lapuak dek hujan. Ka duo cupak buatan, katigo kato pusako, ka ampek kato mupakaik, ka limo kato daulu batapati, kaanam kato kudian kato bacari, iko lah adaik adaik ba buhua sentak, di bubuikindak nyo layua, di asak indak nyo mati.

Pasambahan ka makan ko, bisa juo kito pakai, untuak pasambahan kaminum kawa, baiak di dalam alek jamu, batagak gala pangulu, jo alek jamunikah kawin, anak daro jo marapulai, dan juo bisa kito pakai, dalam alekmanaiak ki rumah, atau mamulai bacacak pahek, sarato babagai alek nan lain,asah tujuan nyo lai samo, yaitu pasambahan untuak kamakan, atau untuak kaminum kawa. Untuak ragam pidato adaik, atau bantuak pasambahan adaik,tantu ado batang tubuah nyo, nan indak buliah kito tingga kan, sabab kan ba’adek baitu, kalau kito lah mulai bapidato, sarupo ibaraik batang tubuah, kalaulah mulai dari kapalo, paralu kito baco urutan nyo, sampai ka ujuang jari kaki,kalau kapalo nan daulu kito baco, sudah tu kito baco lutuik, babaliak katehmambaco pinggang, itu nan salah batang tubuah nyo, karano malompeklompek, nan indak manuruik alua. Kalau nan manuruik alua, ba urutan sampaikabawah, ibaraik urang baretoang, dari satu sampai sapuluah, nak jaleh batangtubuah nyo, kito agiah contoh di bawah ko, pakai nomor buliah nak jaleh, ikolah contoh batang tubuah nyo, pasambahan untuak ka makan, kito agiah tando

Vollyn

@uin

3

jo nomor (1) satu, (2) duo (3) tigo (4) ampek jo (5) limo, mungkin sampaibanyak nomor nyo, asah nan ado dalam kuruang, itu lah tando nan di pakai,kok nomor nan di lua kuruang, manunjuak an barih pidato adaik, kito mulaidari nomor (1) satu, banamo pangka balabeh, atau kapalo sambah, barih nyosatu sampai limo 1 - 5, kok hanyo nan nomor (2) duo, iyolah puji ka pangulu,sarato jo niniak mamak, alim ulama jo cadiak pandai, di sambuang jo puji kaurang banyak, barih ka anam sampai ampek baleh 6 – 18, jikalau nan nomor(3) tigo, manarangan sa’at jo kutiko, nan sadang kito karajoan, barih nyo iyolah limo baleh, sampai barih duo puluah satu 19 – 25, kalau di caliak nomor(4) ampek, langgam adaik nanlah bapakai, mangko sarupo iko bana, nansadang kito karajoan, barih nyo duo puluah anam, sampai ka barih ampekpuluah ampek 26 - 44, kalau di singkok nomor (5) limo, iyo lah isipanyambahan, nan jadi niaik jo mungkasuik, barupo hidangan nan katangah,barih nyo ampek puluah limo, sampai kabarih limo anam 45 - 56, jikok nyonan nomor (6) anam, niaik dek silang nan bapangka, jumalah karajo nanbajunjuang, barih nyo limo puluah tujuah, sampai ka barih limo lapan 57 – 62,kok hanyo nan nomor (7) tujuah, kato panutuik panyambahan, mamintakkapado sagalo alek jamu, untuak makan basamo samo, panyambahan nandisampaian, kato nak mintak dijawek, kandak nak mintak di bari, dek si aleknan basamo, barih nyo anam puluah tigo, sampai ka barih anam lapan 63 – 72.Nan di bawah ko lah contoh nyo, panyambahan untuak ka makan, iyo lahbatang pidato adaik.

“Batang Pidato Kamakan “

Ket : Dari silang nan bapangka kapado si alek

Angku ……………....………………….. 1

Iyo ambo

Ka angku………..… sambah di tiboan 1

Manitah lah / Lalukan lah / Palalu lah 2

1. Tantangan sambah jo ma nyambah2. Kok kurang taratik jo mujilih3. Kok kurang lelo jo sopan4. Rila jo ma’af di mintak5. Jo bana angku……...…... ambo jalang

6. Sungguah pun angku surang nan di tuntuik7. Batin nyo bakeh nan basamo8. Samego tumpuan puntiang9. Sariaik adaik nan bapakai10. Naza kapado nan basamo

11. Niniak mamak kunjuangan salam12. Sarato ‘alim jo ulama13. Cukuik jo nan tuo cadiak pandai14. Karik baik samo di cinto

Vollyn

@uin

4

15. Nan mudo arih budiman16. Bundokanduang samo di dalam17. Dalam imbauan ambo juo18. Salam di sinan di tiboan

19. Ado pun salam nan ka ambo tiboan20. Mahadok kapado angku………………21. Mahukum di ateh kato22. Ma ukua di ateh kayu23. Manyiang tampek nan tumbuah24. Manimbang tampek nan ado25. Tumbuah sarupo iko kini

26. Tasabuik adaik ka badiri27. Mulo limbago ka di tuang28. Lah sudah cupak jo gantang29. Cupak adaik labuahan kato

30. Pakaian syarak nan lazim31. Siang malam jadi anjuran32. Patang pagi samo di cinto33. Dunia sah langgam badiri

34. Habih hari babilang pakan35. Habih pakan babilang bulan36. Habih bulan tahun batuka37. Adaik bapakai salamo nyo

38. Rumah gadang rangkiang lancang39. Nan sasak dek alua patuik40. Cupak adaik labuahan kato41. Nareco lautan budi42. Dalam hibo rusuah mandatang43. Tak anggak batapuak tangan44. Mancaliak dunia lah takambang

45. Pihak hidangan nan katangah46. Lah tibo di hadapan angku………………47. Tibo di hadapan nan basamo48. Basusun di ruang tangah49. Balampih piriang di dalam50. Bamacam rupo ragi piriang

51. Piriang haluih buatan japang52. Balilih jo aia ameh53. Basalo jo bungo inai54. Bungo kiambang dalam kolam55. Babagai rupo isi piriang56. Banamo ragam bungo adaik

Vollyn

@uin

5

57. Tak guno di sabuik bana58. Sadang lah nan sado itu59. Sadundun cibuak jo galeh60. Sa iriang tadah jo cangkia61. Lah kandak adaik jo limbago62. Antaro ambo jo angku………………….

63. Kilek baliuang lah ka kaki64. Kilek camin alah ka muko65. Parahu lah lamo dek basuah66. Lai lah lamo dek baguluang67. Parahu nak mintak di layia an68. Laia baguluang nak ba kambang69. Kilek jo bayang kito pakai70. Sakitu sambah dari ambo71. Di harok bunyi nak kumbali72. Pulang ma ‘alum pado angku……………

Kalau manuruik biaso nyo, nan mandatangan panyambahan, baiak punurang nan mamulai, pakolahan untuak ka makan, tantu manembak ba alamaik,dari pado silang bapangka, kapado alek nan datang, paralu kito mamahami,untuak satangah nagari kito, di dalam alam minangkabau, mamakai ganggamba untuak, mungkin juo bisa di sabuik, jo adaik salingka nagari, kalau di bagidaerah nyo, mulo di padang ujuang karang, kini di sabuik padang kota, lapehka pasisia nan panjang, kalau untuak pakolahan makan, urang sumando manyampai kan, walau banyak urang sumando, nan ado di ateh rumah, makobarundiang labiah dulu, dari kalompok urang sumando, hanyo surang nanmampasampai, kalau untuak luak nan tigo, buliah sajo sumarang urang, asahkalompok urang pangka, buliah dari mamak rumah, buliah dari mamak kapalowarih, buliah pulo urang sumando, tantu sajo nan kamanjawek, baliau lahmahia dalam bakolah, jikok tak ado urang nan pandai, bisa batenggang ka nanlain, buliah mancari urang pandai, sabalun alek di lansuangan, urang pandaicari daulu, walau urang nagari lain, sarupo nan banyak maso kini, isti lah nankito danga, lah banyak niniak mamak rental.

Kalau buliah kito namoan, urang nan mandatangan pakolahan, adolahurang nan partamo, kito ambiak contoh pakolahan, panyambahan untuakkamakan, tantu datang nyo sambah itu, dari pado silang nan bapangka, tantulah bisa di pahami, kito manjadi urang kaduo, nan dari pihak si alek, sahabihbatang panyambahan, dari pihak silang nan bapangka, dari barih nan partamu,(1) sampai barih tujuah puluah duo,(72) mako dari pihak si alek, lansuang sajoinyo manjawek, kito contohan di bawah ko, hanyo untuak sakali sajo,padoman kapado nan partamu, untuak di pakai sataruih nyo.

Lah sampai dek angku…………………………..2

Lansuang di jawek baliak dek silang nan bapangka, (buliah salah ciek)

Sakiro alah / Di bilang alah / Sado itu dulu angku….1

Vollyn

@uin

6

Dan di jawek lo baliak dek pihak si alek, (buliah ciek)

Bakeh angku lai / ka angku lai………………….2

Nan di ateh tu juo di jawek baliak dek silang nan bapangka,

Manitahlah / Palalulah / Lalukanl……………...1

Salasai manjawek nan di ateh tu, baru manitah pihak si alek, sarupocontoh di bawah ko, diri barih tujuah puluah tigo, (73) sampai ka barih lapanduo, (82) itu lah batang partamo, (1) kapalo sambah itu namo nyo, ado juonamo nan lain, banamo pangka balabeh, dari barih lapan puluah tigo, (83)sampai ka barih lapan tujuah, (87) iko batang tubuah nan ka duo, (2) pujikapado isi sambah, dari barih lapan lapan, (88) sampai barih sambilan limo,(95) iko lah batang nan ka tigo, (3) isi jawek pihak si alek, mamintak duduakbaiyo, karano duduak di nan rapek.

Contoh pidato nan di bawah : “pakolahan mancari kato baiyo“ atauado juo namo lain, “pakolahan ma ambiak duduak baiyo“ pitua nyo dalambarih adaik, tibo tampak muko, pai tampak pungguang

Ket : Jawek Si Alek :

73. Pihak di sambah nan mandatang74. Takilek bagai caramin75. Tabayang umpamo paneh76. Tatabua di muko rapek77. Di danga lah baiak bunyi78. Di pandang lah rancak rupo79. Kurang tak ado ka panukuak80. Senteang tak ado ka pambilai81. Boneh bak padi nan satangkai82. Sabuah indak ba nan ampo

83. Manarah aluran garih84. Bakato di alua bana85. Barih balabeh lah sasuai86. Ukua jo jangko lah takanak87. Tapi samantang pun baitu

88. Rancak gandang dek batingkah89. Elok talempong dek batalun90. Pihak di gandang ka maningkah91. Di talempoang nan ka panalun92. Kok pipik indak sa ikua93. Kok jaguang indak sa incek94. Nak sabondong samo lalu95. Pulang ma’alun pado angku

Vollyn

@uin

7

Lah sampai di angku...…………...1

Di bilang alah ………………..……2

Ka angku ……...……….lai……….1

Manitahlah………………………...2

Ket : Jawek silang Nan Bapangka :

“malapeh urang pai baiyo“ dalam pitua nyo pai tampak pungguang

96. Pihak di sambah nan mandatang97. Takilek barih jo balabeh98. Kiro nyo alua bapatutan99. Rola jo ma’af ambo mintak

100. Jo bana angku………ambo jalang

101. Arati nyo nan jadi buah bana di angku…102. Tahadok kapado diri ambo103. Buni lah samo kito danga104. Rupo lah samo kito pandang

105. Sapihak ka diri angku……...106. Lurah nan dalam nak ba turuni107. Alam nan leba nak bapadang108. Bukik nan tinggi nak badaki109. Mancari bijo nan sa incek110. Bijo di tanam musim kini111. Patuik di siang kito sisik112. Jikok babuah jo babungo113. Buah nak samo kito makan114. Bungo nak samo di pa suntiang115. Pulang ma’alum pado ambo116. Bana baitu nan nyo angku

117. Iyo bana…………………..…...…..2

118. Sapanjang buah kabanaran angku119. Lah dalam barih jo balabeh120. Di lingkuang adaik jo pusako121. Nyato di dalam barih adaik122. Bana nyo di bao lalu

123. Lalu nyo kaji nan sado itu124. Sapihak ka diri ambo125. kapeh sa incek jadi banang126. Pilinan jo mamak127. Buatan ayah jo bundo128. Tacinto dek kapa nak balaia

Vollyn

@uin

8

129. Pelang mananti di muaro130. Pulang ma’alum pado angku

Lah sampai di angku…….……….2

Dibilang alah……………..……….1

Bakeh angku lai……..………...….2

Manitahlah……………..………....1

Ket : Jawek Si Alek :

sambuangan dari pakolahan duduak baiyo.

131. Daulu kato basitina132. Kudian rundiang ba si capek133. Ba si capek ambo jo angku

134. Di buni nan ambo danga135. Di rupo nan di pandang136. Kandak buliah pintak balaku137. Cincin di mintak galang buliah138. Sumua di kali aia datang139. Manyanang di dalam hati140. Insya Allah ambo laluan

Ket : Jawek si pangka

141. Insya Allah ambo nanti ………....…..1

Ket : Jawek si alek

142. Insya Allah ambo laluan…………….2

Ket : Pakolahan mampaiyoan dari si alek ka si alek : (alek 2)

“mancari siapo nan kamanjawek“ nan di sabuik “Pakolahan“

Angku………………………….……...2

Iyo ambo ……………………………..3

Ka angku………..sambah ditiboan....2

Manitahlah…………………..……….3

143. Tantangan sambah jo titah nyo144. Ketek nan di amba gadang145. Randah nan di anjuang tinggi146. Rila jo ma’af ambo mintak

Vollyn

@uin

9

147. Jo bana angku…………ambo jalang

148. Arati nyo bana nan ka di tiboan149. Mahadok kapado angku……………150. Buni lah samo kito danga151. Rupo nan samo kito pandang152. Lah manitah baliau silang nan bapangka153. Jumalah karajo nan ba junjuang154. Kapado kito sakalian alek155. Buah titah baliau nantun156. Bisiak lah samo ka dangaran157. Imbau lah samo ka lampauan

158. Didalam nantun159. Kok gayuang mangandaki sambuik160. Kok kato mangandaki jawek161. Ba’a nan kini nangko162. Di gayuang nan ka manyambuik163. Di kato nan kamanjawek164. Iko lah bana nan ka di pulangan165. Mahadok kapado angku…………….

Lah sampai di angku………..……3

Di bilang alah…………..………….2

Bakeh angku…………..lai…...…...3

Manitahlah…………………...…....2

Ket : Jawek dari alek ka 3 ka alek ka 2 :

166. Pihak di sambah nan mandatang167. Nan taserak kanan rami168. Tatabua di tangah rapek169. Lah asah siang bak hari170. Lah nyato tarang bak bulan171. Rila jo ma’af ambo mintak172. Jo bana angku……..ambo jalang

173. Arati nyo nan jadi bana di angku174. Taradok kapado ambo175. Tatabua intan ateh pelang176. Panuah batatah mutiaro177. Kiriman rajo dari ruhun

178. Bayang malatuih dari lauik179. Mangilek mangalimantang180. Ba bunyi guruah di udaro181. Manggaga sampai kadaratan182. Mamutiah bungo kambang api

Vollyn

@uin

10

183. Ragu nangkodo baraik timua184. Apo lah sabab dek baitu

185. Ketek nan balun bapangasuah186. Gadang nan balun baparintang187. Lagak jo langgam nak jan tingga188. Lelo jo patuik nak tabao189. Karok sugiro agiah banang190. Tantu salasai jalan turak191. Sinan banamo kain sudah192. Tarang limbago kito buek193. Asah sakato manyudahan194. Pulang ma’alum pado ambo195. Bana baitu kato angku…..............

196. Iyo bana…………………………....2

197. Di bana angku…….nan katangah198. Nyato lah luruih batujuan199. Di lingkuang adaik jo pusako200. Di dalam cupak jo gantang201. Tapi samantang pun baitu

202. Di ateh duduak nan baropok203. Di tagak nan bapusu204. Kalau di lengoang suok kida205. Bukik jo gunuang bajajaran206. Dek bukik tumpuan angin207. Dek gunuang tapatan kabuik208. Ka sungai jalo ba main209. Ka padang ma rantang tali210. Di tungkek tabiang jo janji211. Rimbo di olah jo mupakaik212. Sabab dek duduak di nan rapek213. Supayo lenggang nak sarayun214. Supayo rantak nak sadagam215. Suto jo banang nak saiyo216. Nak samo tibo di tumbuak an217. Pulang ma’alum pado angku……….

Lah sampai di angku…………...…2

Umpamo alah……………………...3

Ka angku…………..lai……………2

Lalukanlah………………………...3

Ket : Jawek dari alek ka 2 ka alek ka 3 :

218. Alua patuik jalan batampuah

Vollyn

@uin

11

219. Suri banang tuladan kain220. Cupak panuah pusako tatap221. Gantang lah duduak jo enggeran222. Manuruik adaik cupak gantang223. Rila jo ma’af ambo mintak224. Jo bana angku……Ambo jalang

225. Di kabanaran angku…..nan katangah226. Sambah tatumpah balimbago227. Lah nyato batampuak adaik228. Dek taruih pandangan mato229. Padoman lah tibo di nan tarang230. Lukisan agak lah jo jangko231. Kayu ba ukua jo balabeh232. Di ambo lah tantu alamaik nyo

233. Nan bak papatah kato adaik234. Patitih cupak jo gantang235. Cewang jo rupo ba mungkasuik236. Malantiang ma hadang tampuak237. Tantu ka buah alamaik nyo

238. Supayo buah nak nyo masak239. Nak jan gugua di timpo ribuik240. Angku……ba tenggang pado adaik241. Sabab pakaian dek pangulu242. Sipaik ma nanti malah ambo.

Lah sampai di angku……………….3

Umpamo alah……….………...…….2

Kapado angku …….…….lai...……..3

Palalu lah…………….……….…..….2

Ket : Jawek dari alek ka 3 ka alek ka 2 :

243. Da ulu kato basitina244. Kudian rundiang basicapek245. Basicapek ambo jo angku…......

246. Di bunyi nan ambo danga247. Di rupo nan ambo pandang248. Kandak buliah pintak balaku249. Manyanang di dalam hati250. Lah suni dalam kiro kiro251. Insya Allah ambo laluan.

Ket : Jawek dari alek ka 2 ka alek ka 3 :

Vollyn

@uin

12

252. Insya Allah ambo nanti

Ket : Pakolahan dari alek ka 3 ka alek ka 4 :

Angku………………………...……...3

Ka angku…….. sambah di tiboan…3

Manitahlah…………..………………4

253. Cupak panuah gantang balanjuang254. Jatuah ka alam tigo luak255. Pusako di manangkabau256. Jo salam sambah di anjuang257. Rila jo ma’af banyak banyak258. Ukua jo jangko kok talampau259. Jo bana nagku…..Ambo jalang

260. Arati nyo bana nan ka ambo tiboan261. Mahadok kapado angku………..262. Di ateh taluak nan baliku263. Di antaro pulau nan bajorok

264. Lah ba dantuang guruah di hulu265. Babunyi gaga di lautan266. Kalam kabuik ruponyo hari267. Bagumpa gabak ka timua268. Turun lah hujan sakutiko269. Turun bak suto di ampaian270. Jimek sado nyo tanah basah271. Taganang aia di daratan272. Taganang nan alun ba iliran273. Ilia nan balun ba muaro274. Muaro nan balun ba sudahi

275. Ba’a nan kini nangko276. Di taganang nan ka ma iliran277. Di muaro nan ka manyudahi278. Dima ka tumbuah ibaraik bijo279. Dima katabik nan bak padi280. Iko lah bana nan ambo tiboan281. Mahadok kapado angku……

Lah sampai di angku……….…….4

Di bilang alah…………………..…3

Bakeh angku….…….lai………….4

Manitah lah…….…………………3

Vollyn

@uin

13

Ket : Jawek dari alek ka 4 ka alek ka 3 :

282. Sambah talayang tantang alua283. Titah tatabua di nan rapek284. Adaik limbago ba pancalang285. Niaik jo naza ba labuah an286. Tiok suatu kan ba pangka287. Tapi samantang pun baitu

288. Alua jo patuik nak jan tingga289. Lelo jo tampan nak tabao290. Angkatan sambah di pa tinggi291. Salam jo ma’af basarato

292. Nan jadi bana di angku………293. Mahadok kapado ambo294. Badantuang guruah di baraik295. Babunyi gaga di lautan296. Katimua cahayo kilek297. Mangguluang awan ateh gunuang298. Bakumpa gabak di udaro299. Kalam kabuik rupo nyo hari300. Turun lah hujan dari langik301. Labek nan bukan alang alang302. Turun bak suto di ampai an

303. Padang panuah danau ma limpah304. Taganang aia di daratan305. Jimek sado nyo tanah basah306. Taganang nan balun ba iliran307. Ilia nan balun ba muaro308. Muaro nan balun ba sudahi

309. Ba’a nan kini nangko310. Di tanang nan ka ma ilian311. Di muaro nan ka manyudahi312. Dima ka tumbuah ibaraik bijo313. Dima ka tabik nan bak padi314. Pulang ma’alum pado ambo315. Bana baitu kato angku…….

316. Iyo bana…………………..

317. Di bana angku…… nan katangah318. Di danga lah baiak bunyi319. Di pandang lah baiak rupo320. Kurang tak ado ka panukuak321. Senteang tak ado ka pambilai322. Tapi samantangpun baitu

Vollyn

@uin

14

323. Nan batua di tanah makah324. Daratan bagunuang tinggi325. Lauik basa bapulau banyak326. Di cari pulau kabasauah327. Ba eko parahu di layiakan328. Pulang ma’alum pado angku…..

Lah sampai di angku……………..3

Sakiro alah…………….………….4

Bakeh angku………………lai……3

Manitah lah…………….…………4

Ket : Jawek dari alek ka 3 ka alek ka 4 :

329. Daulu kato basitina330. Kudian rundiang basicapek331. Basicapek ambo jo angku……..

332. Di bunyi nan ambo danga333. Di rupo nan ambo pandang334. Di ateh duduak sa amparan335. Di tagak nan sapamatang336. Lamak siriah lega carano337. Lamak kato di lega bunyi338. Jalan tarantang kabaturuik339. Cupak tatagak ka ba isi340. Insya Allah ambo nantian.

Ket : Jawek dari alek ka 4 ka alek ka 3 :

341. Insya Allah Ambo laluan

Sasudah dipaiyoan ka urang lain, walau indak jo pakolahan, aratinyo jokato biaso sajo, atau balengoangan sajo suok jo kida, buliah juo jo panitahanduo jo tigo barih sajo, sudahtu kato dikumbalian ka alek ka 3, tantu sajomamulaitu tatap sajo manuruik alua pasambahan nan punyo batang tubuahpidato, kalau indak tantu salah jadinyo. Namo pasambahan nan di bawahkoadolah : “ lamo jo lambek “

Ket : Kato di kumbalian sudah baiyo dari alek ka 4 ka alek ka 3 :

Angku……………..…………….………4

Ka angku…………kato dikumbalian…4

Manitah lah…..…………………………3

Vollyn

@uin

15

342. Tantangan sambah jo ma nyambah343. Kok kurang taratik jo mu jilih344. Kok kurang lelo jo sopan345. Rila jo ma’af ambo mintak346. Jo bana angku …….ambo jalang

347. Arati nyo bana nan ka di tiboan348. Mahadok kapado angku…………349. Sapihak parundiangan kito tadi350. Talalai kumbang dek bungo351. Mancari madu nan satitiak352. Talambek pulang di tapian353. Tarago manyerak jalo354. Di cubo marantang tali355. Mancari bulek nan sagolek356. Mancari pipiah nan salicak

357. Jikok di ambo lah tu kini358. Tali nan panjang lah ba rantang359. Jalo nan kambang ba serak an360. Lah dapek bulek nan sagoloang361. Dapek lah picak nan salayang362. Manyuruik an pinang katampuak363. Mamulangan siriah ka gagang nyo364. Di angku……….tarabik nyo365. Jo mupakaik ambo samoi366. Pulang ma’alum pado angku.

Lah sampai di angku………………3

Umpamo alah………………………4

Bakeh angku…………..lai…………3

Manitah lah…………………………4

Ket : Jawek dari alek ka 3 ka alek ka 4 :

367. Di tiliak takadin sambah368. Di timbang nareco adaik369. Tabayang cupak jo gantang370. Manuruik alua jo patuik371. Rila jo ma’af ambo mintak372. Jo bana angku……ambo jalang

373. Nan jadi bana di angku……….374. Mahadok kapado ambo375. Pihak ka parundiangan kito tadi376. Talalai kumbang dek bungo377. Mancari madu nan satitiak378. Samantaro angku…. marantang tali

Vollyn

@uin

16

379. Tarago manyerak jalo

380. Di panjang tali nan tarantang381. Di dalam jalo nan taserak382. Lah dapek bulek nan sagoloang383. Buliah lah picak nan salayang384. Manyuruik an gayuang ka balabeh385. Mamulangan kato ka pangka nyo386. Nak di ambo tarabik nyo387. Jo mupakaik angku…….samoi388. Bana baitu kato angku………..

389. Iyo bana……….

390. Sapanjang buah kabanaran angku….391. Tareh lah labiah bak di indang392. Janiah lah labiah bak di basuah393. Elok bak paneh sudah hujan394. Tarang bak bulan ampek baleh

395. Antaro ambo jo angku………..396. Di mudiak nan sa bula’an397. Di ilia nan samuaro398. Di ateh atok nan bagisia399. Di bawah bandua nan ba di guih400. Di halaman nan salalu401. Tando nyo urang ba dunsanak402. Tuah ka samo kito cari403. Malu nak samo kito japuik

404. Insya Allah405. Di suruik an gayuang ka balabeh406. Di pulangan kato ka pangkanyo407. Tapi samantang pun baitu

408. Alam nan basipaik gawa409. Manusia basipaik kilaf410. Nuri katabang ka udaro411. Eten ka langik nan katujuah412. Mamutuih kan undang jo bidaran413. Kok tadabok jatuah katanah414. Rusuah jo gamang dalam hati415. Pulang ma’alum pado angku……

Lah sampai di angku……..…….….4

Sakiro alah…………………………3

Bakeh angku………….lai…………4

Vollyn

@uin

17

Manitah lah………………………...3

Ket : Jawek dari alek ka 4 ka alek ka 3 :

416. Alua patuik jalan batampuah417. Suri banang tuladan kain418. Cupak panuah pusako tatab419. Manuruik barih jo balabeh420. Rila jo ma’af di ambo mintak421. Jo bana angku…….ambo jalang

422. Sapanjang buah kabanaran angku….423. Rundiang sabuah ambo pacik424. Kato sapatah ambo ganggam425. Karano gayuang alah ka basambuik426. Kato nan alah ka bajawab427. Tapi samantangpun baitu

428. Nan jadi bana di angku………..429. Kapa kalaia ka lautan430. Lauik sati rantau batuah431. Riak manatiang suok kida432. Di ambuang ombak jo galombang433. Kok tasakam kapa tangah lauik434. Di kayuah ka muko nyo tak lansuang435. Di galah suruik nyo tak namuah436. Karam biduak mati di tangah437. Dandang si apo ma laiakan438. Parahu siapo ma ngamudi439. Pulang ma’alum pado ambo440. Bana baitu kato angku…….

441. Iyo bana……………………

442. Nan jadi bana di angku……..443. Taradok kapado ambo444. Nuri katabang ka udaro445. Eten ka langik nan katujuah446. Mamutuih kan undang jo bidaran447. Alam nan basipaik gawa448. Manusia basipaik kilaf449. Kok tadabok jatuah katanah450. Dukun sadio manantian451. Alah ka sanang hati angku…..

Lah sampai di angku……….…….3

Dibilang alah………………..…….4

Vollyn

@uin

18

Bakeh angku………….……lai…..3

Manitah lah………….……………4

Ket : Jawek dari alek ka 3 ka alek ka 4 :

452. Da ulu kato ba sitina453. Kamudian rundiang ba sicapek454. Ba sicapek ambo jo angku……

455. Di bunyi nan ambo danga456. Di rupo nan ambo pandang457. Hilang nan lai ka bacari458. Tabanam nan lai ka basalam459. Hanyuik lai ka bapintehi

460. Insya Allah gayuang di sambuik461. Kato di jawab

Jawek dari alek ka 4 ka alek ka 3 :

462. Insya Allah karano lai duduak jo nan tuo463. ambo simak an.

Ket : Kato di kumbalian dari alek ka 3 ka alek ka 2 :

464. Di balah batuang di balah465. Sumbiang baliuang tigo jari466. Di anjuang salam jo sambah467. Barang nan gawa di ampuni468. Rila jo ma’af ambo mintak469. Jo bana angku ambo….. jalang

470. Arati nyo kaji nan ka ambo pulangan471. Taradok kapado angku472. Antaro ambo jo angku…..473. Pihak parundiangan kito tadi474. Panek manjadi parantian475. Patang manjadi pamalaman476. Tarago ambo duduak baiyo477. Tagak bakato jo bamolah478. Mancari gayuang ka panyambuik479. Isi nyo kato kapanjawab

480. Jikok di ambo lah taditu481. Duduak kato bapaiyoan482. Tagak kato bapamolahan483. Lah dapek bulek nan sagiliang484. Basuo pipiah nan salicak485. Di gayuang nan ka manyambuik

Vollyn

@uin

19

486. Limbago kato ka manjawab487. Nak di angku…….tarabik nyo.488. Pulang ma’alum pado angku…..

Lah sampai di angku…….……….2

Sakiro alah………………...………3

Bakeh angku ………..…….lai……2

Manitah lah………….…...………..3

Ket : Jawek dari alek ka 2 ka alek ka 3 :

489. Pihak di sambah nan mandatang490. Takilek barih jo balabeh491. Kiro nyo alua bapatutan492. Rila jo ma’af dimintak493. Jo bana angku……ambo jalang

494. Di bunyi nan ambo danga495. Di rupo nan ambo pandang496. Di hadapan baliau nan basamo497. Antaro kito jo angku….498. Panek nan bakeh baranti499. Patang nan bakeh bamalam500. Tarago angku…… duduak baiyo501. Tagak bakato jo bamolah

502. Ba’a jikok di angku…..lah taditu503. Duduak kato lah ba pamolahan504. Tagak kato lah ba paiyoan505. Lah dapek bulek nan sagiliang506. Basuo pipiah nan salicak507. Di gayuang nan kamanyambuik508. Di kato nan kamanjawab509. Nak di ambo tarabik nyo510. Bana baitu kato angku………

511. Iyo bana……….

512. Di kabanaran angku…… nan katangah513. Jikok di ambo lah tu kini514. Mahadok ka pado angku ........515. Dapek bakandak dinan ado516. Buliah balega di nan lapang517. Dapek batenggang dinan lai518. Sawajah gayuang manyambuik519. Isi nyo kato manjawab520. Nak di angku……. tarabik nyo521. Pulang ma’alum pado angku……..

Vollyn

@uin

20

Lah sampai di angku ……….……3

Di bilang alah……………………..2

Bakeh angku ………..….lai…..….3

Manitah lah………..…………..….2

Ket : Jawek dari alek ka 3 ka alek ka 2 :

522. Ujuik andai buah rundiangan523. Bapalun paham nan haluih524. Lilitan aka jo budi525. Hakikaik manuju bana526. Di dalam alua jo patuik527. Rila jo ma’af di mintak528. Jo bana angku……..ambo jalang

529. Nan jadi bana di angku………..530. Tawalak ka diri ambo531. Nak balega siang jo malam532. Nak baganti patang jo pagi533. Di gayuang nan kamanyambuik534. Isi nyo kato kamanjawab535. Nak di ambo tarabik nyo536. Bana baitu kato angku………..

537. Iyo bana…………….

538. Sapanjang buah kabanaran angku….539. Rundiang sabuah ambo pacik540. Kato sapatah ambo ganggam541. Saketek indak lilih sumbiang542. Boneh satangkai tak nan hampo543. Tapi samantang pun baitu

544. Nan jadi bana di ambo545. Mahadok kadiri angku………..546. Adaik limbago iko kini547. Nan bak papatah kato adaik548. Patitih cupak jo gantang549. Rancak bajalan jo nan tuo550. Elok bakato jo nan pandai

551. Sawajah gayuang manyambuik552. Di kato nan kamanjawab553. Nak di angku……. Tarabik nyo554. Pulang ma’alum pado angku…….

Vollyn

@uin

21

Lah sampai di angku…….…..……..2

Di bilang alah…………....………….3

Bakeh angku …………lai….………2

Manitah lah…………….…….……..3

Ket : Jawek dari alek ka 2 ka alek ka 3 :

555. Loroang di sambah nan mandatang556. Takilek bagai caramin557. Tabayang bagai padoman558. Mambayang kanduangan buek559. Jaleh talago balatak an560. Batang lah tampak ta sanda nyo561. Rila jo ma’af ambo mintak562. Jo bana angku……..ambo jalang

563. Arati nyo nan jadi bana di angku……564. Mahadok kapado ambo565. Rancak bajalan jo nan tuo566. Elok bakato jo nan pandai567. Di gayuang nan kamanyambuik568. Di kato nan kamanjawab569. Nak di ambo tarabik nyo570. Bana baitu kato angku…….

571. Iyo bana…………….

572. Sapanjang buah kabanaraan angku…..573. Bak ukia jatuah ka papan574. Bak minyak lakek ka rambuik575. Ya Allah sanang nyo hati576. Tapi samantang pun baitu

577. Sapihak ka diri ambo578. Umpamo arai jo salodang579. Cabiak nan indak sampai jatuah580. Bungo kok indak jadi putiak581. Putiak kok indak jadi buah

582. Ba’a nan kini nangko583. Sawajah gayuang manyambuik584. Limbago kato manjawab585. Nak di angku………tarabik nyo586. Pulang ma’alum pado angku…..

Lah sampai di angku……..………3

Sakiro alah…….…………..………2

Vollyn

@uin

22

Bakeh angku….………..lai...……..3

Manitah lah………………………..2

Ket : Jawek dari alek ka 3 ka alek ka 2 :

587. Pihak di sambah nan mandatang588. Di agak di dalam hati589. Di timbang dalam itihaik590. Sapakaik hati jo jantuang591. Sakato budi jo aka592. Budi manumpu ka ilimu593. Paham babisiak dalam batin594. Rila jo ma’af ambo mintak595. Jo bana angku……ambo jalang

596. Arati nyo nan jadi bana di angku….597. Taradok kapado ambo598. Di ambo aia agak dalam599. Nak pueh bana bakacimpuang600. Nak pasai bana basisalam601. Di gayuang nan kamanyambuik602. Di kato nan kamanjawab603. Elok lah bunyi dari ambo604. Bana baitu kato angku………..

605. Iyo bana………………

606. Sapanjang buah kabanaran angku607. Boneh bak padi nan satangkai608. Sabuah indak banan hampo609. Tapi samantang pun baitu

610. Sapihak ka diri ambo611. Bak biduak di lauik basa612. Di ambuang ombak jo galombang613. Di pusiang pusiang halimbubu614. Bakayuah kama di adok an615. Padoman putiah bakuliliang616. Alamaik lah hilang dalam hati617. Padoman lah hilang pado mato618. Jan nyo karam tangah lauik619. Nak angku…… bana nangkodo nyo620. Jo mupakaik ambo samoi621. Pulang ma alum pado angku.

Lah sampai di angku..…….………2

Di bilang alah……..………………..3

Vollyn

@uin

23

Bakeh angku……..………lai…..….2

Manitah lah………………………..3

Ket : Jawek dari alek ka 2 ka alek ka 3 :

622. Pihak di sambah nan mandatang623. Takilek intan ateh pelang624. Lagi batatah mutiaro625. Bakarang maniak bakuliliang626. Rila jo ma’af ambo mintak627. Jo bana angku……ambo jalang

628. Nan jadi bana di angku…….tadi629. Mahadok kapado ambo630. Sapihak ka diri angku631. Sapantun jo gariang buto632. Di hulu lukah rang tanam633. Di baruah tikalak lakek634. Di tangah jariang babega635. Mambanam tubo tapuok636. Ambo mambukak kapalo banda

637. Sawajah gayuang manyambuik638. Limbago kato kamanjawab639. Nak di ambo tarabik nyo640. Jo mupakaik angku……samoi641. Pulang ma’alum pado ambo642. Bana baitu kato angku……

643. Iyo bana……………

644. Sapanjang buah kabanaran angku….645. Rundiang sabuah ambo pacik646. Kato sapatah ambo ganggam647. Antaro ambo jo angku….648. Di hulu nan sa bulak ’an649. Di ilia nan samuaro650. Kaba hunyuik hunyuik indak putuih651. Kaba pilin pilin indak sariang652. Indak lah banamo patuik653. Patuik nyo gayuang di sambuik654. Kato sunguah bana di jawek

655. Ba’a nan kini nangko656. Jan lamo baban talatak657. Jan lamo batang tasanda658. Duduak lah angku…. dinan tanang659. Ambo batenggang jo bicaro660. Mamutuihkan undang jo bidaran

Vollyn

@uin

24

661. Tapi samantang pun baitu662. Antaro ambo jo angku…………663. Sabalun gayuang di sambuik664. Isi nyo kato di jawab665. Parahu kalanca kalautan666. Langkok padayuang jo pandarek667. Cukuik kamudi jo padoman

668. Agak jo agiah kok batuka669. Padoman batin kok tagelek670. Angan lanteh makripaik lancuang671. Takuruang parahu di lautan672. Mintak di japuik jo sikoci673. Putuih banang uleh jo suto674. Putuih suto uleh kulindan675. Di harok bunyi nak kumbali676. Pulang ma alum pado angku.

Lah sampai di angku……………..3

Sakiro alah…………………….….2

Bakeh angku…………….lai……..3

Manitah lah……………….………2

Ket : Jawek dari alek ka 3 ka alek ka 2 :

677. Di tiliak takadin kato678. Di timbang nareco sambah679. Cupak papek gantang lah panuah680. Bana badiri dalam itu681. Rila jo ma’af ambo mintak682. Jo bana angku……ambo jalang

683. Arati nyo nan jadi bana di angku….684. Mahadok kapado ambo685. Rundiang saincek ambo pacik686. Kato sapatah ambo ganggam687. Saketek indak lilih sumbiang688. Boneh satangkai tak nan hampo

689. Jikok di angku……lah tu kini690. Jan lamo baban talatak691. Jan lamo batang tasanda692. Kabasuruik an gayuang kabalabeh693. Ka bakumbalian kato ka pangka nyo694. Tapi samantang pun baitu

695. Agak jo agiah kok batuka

Vollyn

@uin

25

696. Padoman batin kok tagelek697. Angan lanteh makripaik lancuang698. Kok tasakam parahu di lautan699. Di galah suruik nyo tak namuah700. Di kayuah kamuko nyo tak lansuang701. Mintak di japuik jo sikoci702. Pulang ma’alum pado ambo703. Bana baitu kato angku……….

704. Iyo bana…………….

705. Di kabanaran angku……nan katangah706. Lah dalam barih jo balabeh707. Di kanduang adaik jo pusako708. Lah dalam cupak jo gantang709. Jikok nan lazim janyo syarak710. Kalau nan kewi janyo adaik711. Adaik rusuah tunai manunai712. Tagamang jawek manjawek713. Hanyuik biaso bapintesi

714. Ba’a nan kini nangko715. Kok tasakam biduak tangah lauik716. Di galah suruik nyo tak namuah717. Di kayuah kamuko nyo tak lansuang718. Pado tarapuang nyo tak hanyuik719. Jan rarak ditimpo badai720. Lai banyak sikoci ma iriangan721. Alah kasanang hati angku……..

Lah sampai di angku……..………2

Di bilang alah……………………..3

Bakeh angku ……………..lai..…..2

Manitah lah………………..……..3

Ket : Jawek dari alek ka 2 ka alek ka 3 :

722. Da ulu kato basitina723. Kudian rundiang basicapek724. Basicapek ambo jo angku…….

725. Di bunyi nan ambo danga

726. Di rupo nan ambo pandang727. Kandak buliah pintak balaku728. Manyanang di dalam hati729. Sunyi di dalam kiro kiro730. Dek sasek lai ka basapo

Vollyn

@uin

26

731. Tadoroang lai ka basintak732. Luluih nan lai ka basalam

733. Insya Allah gayuang di sambuik734. Kato di jawab, rundiang di kumbalian

Ket : Jawek dari alek ka 3 ka alek ka 2 :

735. Insya Allah ambo simak an.

Ket : Kato di kumbalian dari urang ka 2 ka urang ka 1 atau si pangka

736. Tantangan sambah jo manyambah737. Kok kurang taratik jo mujilih738. Kok kurang lelo jo sopan739. Rila jo ma’af ambo mintak740. Jo bana angku……ambo jalang

741. Arati nyo bana nan ka di tiboan742. Mahadok kapado angku………743. Di ateh taluak nan baliku744. Di silau pulau nan bajorok745. Antaro kito jo angku………….

746. Putuih tak kunjuang ta hubuang747. Tingga tak kunjuang ta japuik748. Singkek tak kunjuang ta uleh749. Tarago maninjau lurah jo gunuang750. Maliek taluak nan baliku751. Mancaliak pulau nan bajorok

752. Dek taluak liku baliku753. Dek pulau jorok bajorok754. Dek jalan simpang basapiah755. Talayang sampan katangah756. Sampan tasauah lah tapauik757. Kato tak dapek lah tapikia

758. Dek pikia palito hati759. Nanang nan baribu aka760. Haniang itu hulu bicaro761. Sadang tananang bana datang762. Paham tibo aka baranti763. Katolah putuih sandiri nyo

764. Bagaluik banang ka pungkalan765. Bamain suto ka sikoci766. Punta nan padek bak di simpai767. Santuang nan indak lalu angin768. Hukum takanak pado ambo

Vollyn

@uin

27

769. Sawajah gayuang manyambuik770. Limbago kato manjawab771. Tatumpah ka diri ambo

772. Jikok di ambo lah tu kini773. Karih tasisik pado pinggang774. Padang tasanda pado bahu775. Baban lah tibo di kapalo776. Barek tak dapek di geleang an777. Ringan tak dapek di tingga an

778. Barek rasonyo ka ba pikua779. Ringan rasonyo ka ba jinjiang780. Tapi samantang pun baitu781. Di ka banaran angku…..taditu

782. Kok jajak patuik di tikam783. Kok kato patuik di ulang784. Patuik bana di ulang suruik785. Tapi samantang pun baitu786. Antaro kito jo angku787. Nak bakaji malang jo mujua

788. Jikok di kaji kamujuran nyo789. Nan bak parahu di lautan790. Angin elok laia salasai791. Batang tak ado mamulintang792. Karang tak ado nan manonggok793. Ombak tanang riak pun tanang794. Jalan luruih kapa nyo laju795. Salamaik parahu pulang baliak796. Nan bak pucuak di lanca an797. Bak pasang masuak muaro798. Salamaik tibo di labuahan

799. Jikok di kaji ka malangan nyo800. Balaia biduak ka lautan801. Angin dareh galombang gadang802. Riak mamacah suok kida803. Di liek gunuang lah ba kabuik804. Di pandang lauik lah kumaro805. Hilang alamaik dalam hati806. Padoman hilang pado mato

807. Di titih batang kok galia808. Di tikam jajak kok sipi809. Indak tabeleang bak batanun810. Kurang tapareh bak basukek811. Indak tajombo bak basiang812. Pulang ma’alum pado angku…..

Vollyn

@uin

28

Lah sampai di angku……….…….1

Di bilang alah………………..……2

Bakeh angku………….…….lai….1

Manitah lah……….………………2

Ket : Jawek urang ka 1 ka urang ka 2 atau ka si alek

813. Ujuik andai bah rundiangan814. Bapalun paham nan haluih815. Dalam lilitan aka budi816. Hakikaik manuju bana817. Alua patuik jalan batampuah818. Di dalam cupak jo gantang819. Rila jo ma’af ambo mintak820. Jo bana angku ……ambo jalang

821. Arati nyo nan jadi bana di angku….822. Mahadok kapado ambo823. Antaro ambo jo angku824. Putuih tak kunjuang ta hubuang825. Singkek tak kunjuang ta uleh826. Tingga tak kunjuang tajapuik827. Dek maninjau lurah jo gunuang828. Maliek taluak nan baliku829. Mancaliak pulau nan bajorok

830. Dek taluak liku baliku831. Dek pulau jorok bajorok832. Dek jalan simpang basapiah833. Ibaraik urang bacatua

834. Doroang mandoroang langkah gajah835. Amaik ma amaik buah catua836. Gajah tadoroang pa amaik masuak837. Rajo lah mati sandiri nyo

838. Hukum takanak pado ambo839. Di barek nan ka ma mikua840. Kok ringan nan ka ma nyinjiang841. Di gayuang nan ka manyambuik842. Di kato nan ka manjawab843. Di ambo juo tatumpahnyo

844. Jikok di ambo lah tu kini845. Karih tasisik pado pinggang846. Padang tasanda pado bahu847. Baban lah tibo di kapalo

Vollyn

@uin

29

848. Barek rasonyo ka bapikua849. Ringan rasonyo ka bajinjiang850. Tapi samntang pun baitu

851. Sungguahpun barek ka dipikua852. Walaupun ringan ka dijinjiang853. Antaro kito jo angku854. Bakaji malang jo mujua

855. Jikok di kaji kamujuran nyo856. Bak kacang tumbuah di lereang857. Junjuang tagak akanyo naiak858. Aka bapilin lai manjolai859. Hari hujan bungo mandatang860. Buah mangka manjadi masak

861. Jikok di kaji ka malangan nyo862. Bak kacang tumbuah di lereang863. Junjuang tagak aka tak naiak864. Aka bapilin tak manjolai865. Buah masak manjadi mangka866. Putiak manjadi bungo pulo

867. Tikam sayuik gayuang tak sampai868. Mangulang ameh di sapuah869. Pulang ma’alum pado ambo870. Bana baitu kato angku…………….

871. Iyo bana…………………………...

872. Sapanjang buah kabanaran angku…873. Lah dalam barih jo balabeh874. Di kanduang adaik jo pusako875. Ba’a nan kini nangko876. Antaro ambo jo angku…………….877. Padi sarumpun tak basibak878. Intan samato tak ba campua879. Tandonyo urang ba dunsanak

880. Asah kamudi di samoan881. Asah padoman di batua an882. Kok indak tajajak tanah tapi883. Bukan kudaraik pado kito884. Hanyo kuaso dari tuhan885. Pulang ma alum pado angku……..

Lah sampai di angku ….…………2

Di bilang alah………..……………1

Vollyn

@uin

30

Bakeh angku……….……..lai……2

Manitah lah ……………..………..1

Ket : Jawek urang ka 2 ka urang ka 1 atau ka si pangka

886. Da ulu kato basitina887. Kamudian rundiang basicapek888. Basicapek ambo jo angku……

889. Di bunyi nan ambo danga890. Di rupo nan ambo pandang891. Kandak buliah pintak balaku892. Lah sanang di dalam hati893. Sajuak di dalam kiro kiro894. Insya Allah ambo laluan.

Ket : Jawek urang ka 1 ka urang ka 2 atau ka si alek

895. Insya Allah ambo simak an

Ket : Jawek urang ka 2 ka urang ka 1 atau kan si pangka

896. Insya Allah ambo kumbalian

Sasudah pa kolahannan di ateh, sarupo contoh nan ado, titih batangnyo kamudian, apo lah sabab dek baitu, kalau ado niniak jo mamak, nanduduak di ateh rumah, cando ma anta marapulai, atau alek batagak gadang,kan banyak niniak jo mamak, nan duduak di alek jamu, dek sabab karano itu,biang tabuak gantiang nak putuih, untuak baiyo nan terakir, mamintak sipaikpangabisan, ka niniak mamak lah putuih nyo. Kalau untuak makan biaso, jikoktak ado niniak mamak, nan duduak di dalam alek, buliah sajo bajaweklansuang, sasudah baiyo suok kida, lansuang bajawek pa kolahan, jo matitihbatang tibo, walau bunyi titih balain, kalau hakikaik lai samo, itu nan tinggikaidah nyo, tapi sabaliak dari itu, di dalam nagari lain, ujuik sambah lansuangnyo simpan, nan batang alun ba titih, nan jajak alun batikam, hanyo bajaweksamantaro, karano rundiang alah datang, bamintak rela elok elok, dek sababrundiang nan datang, karano duduak dinan rapek, titih batang nyo saketeksajo, katiko kamanjawek pa kolahan, panyambahan nan tibo pado kito, kalaudi pakai nan sabana nyo, dalam adaik sabatang panjang, adaik pidatopanyambahan, atau ba alua lah namo nyo, pasti ado matitih batang, walau punhanyo limo barih, atau agak salapan barih, panyambahan urang nan tibo,paralu di ulang baliak, kalau dalam bahaso kini, cek silang itu namo nyo, mambatuakan sambah nan tibo, iyokoh itu atau indak, paham lah kito nan basamo.

Ket : Titih batang nan kudian, sudah jawek 896

Vollyn

@uin

31

TANYO JAWEK

Painan :Kurang nyo kuasa kato dalam bahaso minang

Rambatan : dalam sajamba piriang ampek ampek, ado nan balabiah, ba’a caropidato nyo

Piaman : apo usaho kito untuak mamasyarakatkan

Jawek :Baraja lah kosakata ko, cari kama kadicari, ibaraik mancari bareh nan kadisuok.

Vollyn

@uin