página informativo di sekshon di edukashon pa enseñansa … · 2015-09-01 · ariba den su...

Bayena i dòlfeinCARMABI foundation

Página informativo di sekshon di edukashon pa Enseñansa Avansá

Sponsored by:

2

Kontenido- Mamífero, mes kos ku nos... 2- Klasifikashon... 2- Anatomia... 2- Stail di kome... 4- Stail di bida... 5- Bida sosial... 6- Migrashon... 6- Peligernan... 7- Protekshon... 8- Dòlfein i bayena den laman rondó di Kòrsou.... 10- Bo ke sa mas... 12

- Bo ta sa ku... 3 - Leyenda i mitonan (sirena)... 5 - Echolokashon... 6 - E bestia di mas grandi na mundu... 7- Hinka un skelèt di bayena den otro... 13- Poster... 15/16

Tuma kontakto:Tur nos informashon di kontakto riba

un rei:

CARMABI sectie NMEPiscaderabaai z/n

Postbus 2090Willemstad

Nederlandse Antillen

Tel nr. 462-4242 (ext.11)Fax. Nr. 462-7680

Email: [email protected] Website: www.carmabi.org

Nos ta spera ku e página informativo akí a kontribuí na un charla i/o trabou eksitoso. Kon-seho i sugerensianan naturalmente ta bon biní! Djis mail nos na e adrès ariba menshoná òf yama nos. Pa mas informashon tambe bo por tuma kontakto libremente ku nos.

CARMABI su meta ta pa traha riba un desaroyo duradero. Esaki e ke logra, hasiendo investigashon sientífiko, ku kuido di naturalesa

i edukashon ambiental!

Potrètnan:Michelle da Costa Gomez

Leon Pors

Diseño gráfiko:Michelle da Costa Gomez

Eskritor:Michelle da Costa Gomez

Tradukshon Papiamentu: Sylvienne Martina

Finansiamentu:Banco di Caribe

Mamífero, mes kos ku nos!

Bayena i dòlfeinnan ya ba basta tempu kaba ta hunga un papel importante den kuentanan, mito i leyenda rònt mundu. E kuentanan di dòlfeinnan ku ta salba nóufragonan ta e kuentanan mas konosí. Ken ta kòrda ‘Flipper’ ainda? Òf e orka for di e pelíkula ‘Free Willy’?Bayena i dòlfeinnan ta bestianan masha partikular. Kon partikular nan ta, lo bo bai lesa den e página informativo aki.

Bayena i dòlfeinnan ta pèrtenesé, meskos ku kachó, pushi, kabai, zjiraf i hende na e grupo di mamífero. Nan ta e úniko mamífero ku ta biba henter nan bida den laman. E nòmber sientífiko pa e grupo di mamífero aki ta Cetacea. A saka e nòmber for di e palabra Latino cetus ku ta nifiká mònster di laman.

KlasifikashonDòlfein i bayena ta pertenesé na e grupo di Cetacea. E grupo aki e grupo di bayena i dòlfeinnan ta partí den dos sup-grupo basa riba e kriterio si e animalnan tin djente òf nò.E promé grupo ta e grupo di e ‘baardwalvissen’ òf su nòmber latino, e grupo di mystococetacea (mistokosetasia). E bayenanan aki no tin djente den nan boka pero ‘balein’. Esakinan ta manera kabuyanan ku ta hopi pega riba otro den boka di e bayena. Ku esakinan e ta filtra su kuminda saka for di awa. Na total tin mas o ménos 11 diferente sorto di bayena ku ta pèrtenesé na e grupo aki. Un bon ehèmpel di esaki ta e bayena blou, e animal di mas grandi ku a yega di biba na mundu. E di dos grupo ta e grupo di e bayenanan ku djente òf odontocetacea (odontosetasia). E nòmber mes ta bisa kaba, esakinan ta bayenanan ku tin djente den nan boka ku nan ta usa pa yag riba nan víktima. Den e grupo aki tin mas o ménos 70 diferente sorto di bayena i dòlfein.Ehèmpelnan di mamíferonan den e grupo aki ta dòlfeinnan, orka i e bènskòp.

AnatomiaKada un di e gruponan tin nan mes karakterístikanan ora ta trata nan kurpa. Riba e pinturanan aki bou bo por mira bon kla kiko ta e dife-rensia entre en bayena ku ‘balein’ (‘baardwalvis’) i un ku djente. E diferensia mas grandi ta e ‘balein’nan serka e ‘baardwalvis’ ku no tei serka e bayena ku djente i e echo ku nan tin sea dos òf un buraku ku kua nan ta spùit. Bayena ku balein tin dos buraku pa spùit i bayena ku djente tin unu so. E buraku aki ta e nanishi di e bayena. Ku esaki e ta hala rosea. Ora e animal bai bou di awa e ta tapa e buraku aki. Bayena ku balein ta sera e burakunan ku un tipo di tapa ku e por hala lihe na momentu ku e saka su kabes for di awa pa hala rosea.E nanishi di bayena ku djente ta mas kompliká ya ku e ta adaptá na e posibilidat di hasi sonidonan.

Página informativo Bayena i dòlfein, CARMABI

2 3

Bo ta sa ku?

Si bo lo saka un portrèt di rontgen di un bayena, bo ta mira ku bou di su repchinan, tin algun wesu chikí lòs ku no ta pegá na niun otro wesu di su kurpa. Esakinan ta su órganonan rudimentario (‘rudimentaire organen’). Nan ta restunan di kosnan ku un dia tabata pata. Ta kasi sigur ku bayenanan a bin di un mamífero ku hopi tempu pasá a kana riba tera. Segun ku nan a evolushoná, e animalnan aki a drenta awa i tiki tiki nan a pèrdè nan patanan i nan lugá di esakinan nan a haña ‘vin’ i un rabu. E proseso aki a duru hopi miónes di aña.

Figura 1:E bayena ku balein (ariba) tin manera kabuya den su boka ku kua e animal te filtra kuminda for di awa di laman. Bayena ku djente tin djentenan opvio den nan boka. (Plachi for di internet)

Figura 2:Na e skeletonan tambe bo por mira e diferenshanan entre bayena ku balein i bayena ku djente. (Plachi saká for di e buki: “Walvissen, Dolfijnen & Bruinvissen door M. Carwardine et al.”)

Página informativo Bayena i dòlfein, CARMABI Página informativo Bayena i dòlfein, CARMABI

4

Kuminda di e bayenanan ku djenteTur dòlfein i un parti grandi di bayenanan ta kai den e grupo aki.E kuminda di e bayenanan ku djente ta konsistí mayoria bia di piská, bestianan ku ta biba den kokolishi, sekat, sekat buladó, kabaron i ‘krill’ (un sorto di kabaron chikí) i asina nos por sigui. Pa nan por haña e sorto di kuminda aki den laman hundu, nan ta hasi uso di eko lokashon (‘echolocatie). Kiko esaki ta i kon e ta traha bo por lesa bou di e kabes eko lokashon.Ta hopi interesante pa wak e diferente djentenan ku e bayenanan tin. Asina bo ta mira ku e djentenan di un bènskòp p.e tin un forma di e kaska di un papurèshi i esnan di dòlfeinnan tin yen di ploi aden. Esaki tin di haber ku e sorto di kuminda ku nan ta kome.E bènskòp, e bayena ku un kabes kuadrangular, tin djente den su kakunbein parti abou ku ta pas presis den e burakunan den su kakunbein di ariba ora ku e sera su boka. E tin algun djente chikí den su boka parti ariba, órganonan rudimentario, ku pa motibu ku e no ta usa nan, nan a pèrdè nan funshon. Esaki tambe ta un proseso ku a tarda míles i míles di aña. Bènskòpnan ta bai den profundidatnan basta grandi pa nan yag. Esei ta nifiká ku nan por sambuyá masha bon mes. Den e profundidatnan aki nan ta buska sekatnan gigantesko pa nan kome, un animal ku por tin un brasa ku ta midi mas di 10 meter. Aparentemente e bènskòp ta lam su víktima promé ku un zonido ku e ta saka i despues e ta chupa e sekat manda paden sin ku e tin mester di hasi uso di su djentenan. Esaki ta un motibu pa kua e djentenan ariba den su kakunbein ya no tin funshon mas.

Stail di komeKuminda di e ‘baardwalvis’.E bayenanan di mas grandi na mundu ta pèrtenesé na e grupo di ‘baardwalvissen’. E kos grasioso ta ku e animalnan gigantesko aki ta alimentá nan mes ku e animal i matanan mas chikí den laman, manera entre otro planktòn. Nan ta filtra e kuminda aki ku yudansa di nan ‘balein’ òf barbanan.For di e parti ariba di su boka e ‘balein’nan ta kologá, flaku, hanchu i largu. E base di e ‘balein’nan ta krese for di ariba den su boka. E ‘balein’nan ta traha di un material manera ‘hoorn’ ku ta kasi meskos ku esun ku nos uña òf kabei ta trahá di dje. Nan no ta djente. Bo por bisa ku e baleinnan ta manera un sorto di plachi ku ta konsistí di yen di pipa chikí ku ta parse kabuya. Tur ‘baardwalvis’ tin mas ku un ‘balein’ pues mas sèt di e kabuyanan aki tambe. Kada sorto tin diferente tipo di balein, loke bo por ripara na e koló i kantidat.Ora ku un ‘baardwalvis’ ke kome e ta buska un lugá kaminda e por haña hopi kuminda i e ta djis hap hopi awa ku ta kontené kuminda den su boka. E animalnan aki tin un tipo di ploi den nan garganta ku ta sòru ku asina ku e habri su boka tin un saku ta kologá. Asina e por tuma mas awa ku kuminda paden. E awa ku el’á guli e ta bolbe laga sali anto e kuminda den forma di planktòn i tin bia asta piská ta keda pegá den e ‘balein’nan. Asina ku e awa sali for di su boka e ta guli e su kuminda. Kemen e no ta saka e awa for di e buraku riba su kabes.

Figura 3:Un sekat gigantesko. Plachi di Leon Pors


5

Leyenda i mitonan (sirena)

Bayena i dòlfeinnan a hunga un papel masha importante den e mundu di fantasia di hende for di dia ku nan a bin den kontakto ku nan promé bia. Hopi kuenta ku ta wòrdu kontá den pueblonan, leyendanan, mitonan i na e momentunan aki pelíkulanan ta kontené pidanan kaminda e animalnan aki ta bin dilanti. Un di e mitonan mas konosí ta esnan di e sirenanan. Ken no konosé un kuenta kaminda e figuranan mitar hende, mitar piská aki ta paresé. E chèns ta grandi ku e kuentanan aki ta basá riba e echo ku e hendenan aki a mira un ‘menatee’. Te asta den historianan di beibel, bayena ta aparesé. E kuenta di Jonas i e bayena ta un bon ehèmpel.

Bayena i dòlfeinnan no ta subi tera nunka, i nan ta pasa henter nan bida pues den laman. Nan ta nase den laman, krese eiden, buska kuminda eiden, haña nan yu eiden, hunga den laman i ta muri den laman. Tin algun dòlfein ku ta biba den awa dushi di riunan. Esei ta nifiká kue animalnan aki mester a hasi algun adaptashon pa nan por biba den laman.Hendenan tambe ta mamífero. Pero si nos keda hopi tempu den awa nos kueru ta haña ploi, nos wowonan ta kuminsá hasi doló di e awa salu i nos ta bira kòrá i hinchá ora ku nos sambuyá di mas. Ora ku bo wak òf mishi ku e kueru di un dòlfein bo ta mira òf sinti ku esaki ta lizu i moli. Su kueru ta adaptá pa e biba den laman di manera ku e no ta haña ploi. Tambe ta bin aserka ku bou di e kueru tin un parti basta diki ku vèt, ku ta isolá e animal aki for di e awa friu di laman. Prinsipalmente bayenanan ku ta landa den e lamannan friu di Polo Nort i Sùit, tin e parti ku vèt aki, bou di nan kueru enormemente diki. E parti ku vèt aki, tin e nòmber ‘blubber’ na Ulandes.Ántes hendenan a yag masha hopi mes riba e bayenanan aki pa motibu ku nan por a traha varios kos ku e vèt aki. Nan tabata traha entre otro bela, loke tabata hopi importante pa nan den e temporada ei pa motibu ku no tabatin koriente.Prinsipalmente e bayenanan ku djente tin un kurpa bon formá ku ta pèrmití nan moveshonnan hopi lihé den laman ku por garantisá velosidatnan basta haltu. Nan ta un di e mihó landadónan den laman. Nan velosidat i kapasidat pa landa ta laga nan yag mas fásil riba nan víktima.Tambe e sentidonan di bayena i dòlfeinnan ta adaptá na e bida bou di awa. Hole si nan no por

hole kasi mes tin nan no por asta. Esaki ta pa motibu ku holó no ta transportá su mes bon den awa ku e konsekuensia ku nan no por sirbi pa orientashon. Tòg no ta kla ainda si e animalnan aki por hole si òf nò.E wowonan di e animalnan aki ta protehá ku un sleim basta diki i banda di esaki tin masha hopi múskulo ku ta yuda trèk su wowo manda paden òf pafó, di manera ku e wowo ta adaptá su mes na e temperatura òf preshon di e awa ku ta rondon’é. Nan wowo ta di tal manera adaptá na mira bou di awa ku ora ku animal aki saka su kabes riba awa e ta mira loke ku ta serka so.Bayena i dòlfeinnan no tin orea ku nos por mira pafó di nan kurpa pero si nan kapta zonidonan ku un órgano ku ta pèrmití nan skucha na nan kabes. E lenga di e animal aki por kapta smak aparentemente. For di eksperimentunan hasí ku diferente sorto di dòlfein a bin ripará ku nan tin preferensia pa un tipo di sorto di piská. Esaki a wòrdu asosiá ku e skohementu di esun piská ku ta smak mas dushi.E animalnan aki ta hopi sensibel pa mishimentu. Ora ku nan ta den nan mes ambiente nan ta frega na otro regularmente pa enfatisá e relashon entre nan.For di tur esakinan tin indikashonnan ku ta mustra riba e presensia otro sentidonan ku ta kompletamente diferente, manera mekanismonan pa kompensá e preshon di awa, mekanismonan ku por midi e ‘zwaartkracht’, kambio di velosidat, temperatura i kamponan magnétiko.

Stail di bida


Echolokashon

Bayena i dòlfein ta komuniká ku otro hasiendo uso di sonidonan ku ta krak i flùit. Hende no por tende e sonidonan ultrasonar aki. Echolokashon i ‘sonar tin e mesun prinsipio. Echolokashon ta un sistema ku animalnan ta usa. ‘Sonar’ ta mesun kos pero e ta sali for di un aparato ku hende a traha. Prinsipalmente supmarinonan ta hasi uso di esaki. E animal ta saka un zonido (mayoria bia zonidonan masha haltu mes) ku ta dal den ophetonan i bòns bai bèk. E animal ta kapta e zonido ku bin bèk aki, i e por kalkulá ku yudansa di esaki kuantu e distansia ta pa yega na e opheto, su posishon i tamaño.Bayena i dòlfeinnan ku djente ta hasi uso di método aki.

6

Bida sosialBayena ku balein no ta biba den grupo. Nan ta buska otro su kompania tin biaha. No ta semper ta mesun bayena ta buska otro. E hembranan hopi biaha ta biba huntu den grupo di famia. Sa sosodé ku yuchinan no ta bebe solamente serka nan mama, pero tambe serka famianan fémenino. E bayenanan ku ta biba nan so, ta duna nan yu lechi pa 4 luna largu. Orka i bènskop tin relashon sosial hopi fuerte. Tur miembro di un grupo di Orka ta keda huntu pa henter nan bida. Gruponan por tin un grandura di 40 miembro. Den grupo di Bènskop e kontenido di e grupo ta mas variá, un variashon ku ta dependé di e periodo i e loakalidat. E gruponan por konsistí di solamente hembranan ku nan yu, yunan i adulto yòn. Pero tin grupo tambe ku ta konsistí di machunan yòn i machunan adulto ku ya ta seksualmente aktivo.

MigrashonBayena ta landa distanshanan grandi den nan bida. Nan ta reakshoná riba kambionan den e temperatura di laman i e kantidat di kuminda ku ta mará na esaki. Tin dos sorto di bayena ku tur aña ta biaha bai bin riba e mesun ruta ku ta asina yamá Bultrug i e Bayena Shinishi. Riba e biahe aki nan ta pasa laman habrí i tambe tur aña e mesun kostanan biahando miles di kilometer. Bayena ku balein ta parti nan aña den áreanan ku tin hopi kuminda na parti nort i sùit di mundu. Den e zomer kòrtiku den e zonanan polar tin hopi plankton ku nan por kome. Pa e hembranan ku ta na estado esei kemen ku nan por kome sufisiente pa nan yunan por krese den nan barika. E yunan ta nanse den lamannan kayente. Nan lo no por sobrebibí den e lamannan na e zonanan polar. Un bayena so, e asina yamá Bowhead whale ta duna lus den e lamannan polar. E machunan tambe ta migra pa topa ku e hembranan.E bayenanan ku djente no ta migra manera bayena ku balein. Nan ta biaha di kosta pa osta en buska na kuminda.


7

E bestia di mas grandi na mundu

E bestia di mas grandi ku a yega di biba na mundu tei awe ainda, i e ta un bayena. E bayena blou. E machunan di e sorto aki por yega na un largura di 31 meter i e hembranan ku ta bira un tiki mas grandi ta yega 34 meter. Ku un peso di 190.000 kilo bo no ta yama esaki un yuchi fofo. Un yu ku kaba di nase tin un largura di 6 meter. E sorto aki ta pèrtenesé na e famia di bayena ku ‘balein’. Kemen e tin un dieta ku ta konsistí di organismonan masha chikí manera: planktòn, sekat chikí i kref chikí.

PeligernanBayena i dòlfeinnan, diariamente ta enfrentá un kantidat di peliger. Den pasado, i tambe den nos temporada, e bayena i dòlfeinnan ta sufriendo bou di e echo ku hendenan ku nan rabu. E forma di yag aki, kaminda ku hendenan ta yag riba algun bestia spesífiko ta wòrdu hasí na masha hopi pais. Kasi tur bayena i dòlfein tabatin pèrdida grandi ku e akto aki. Algun sorto ya kasi no ta eksistí mas. E preshon tabata muchu haltu pa e velosidat riba kua nan por a reprodusí nan mes.Awendia ta prohibí pa hendenan piska bayena

na mayoria pais. Pero tòg tin algun pais ku ta buska tur sorto di manera pa ku yudansa di e dunamentu di lei internashonal nan haña un salida i sigui tòg ku e piskamentu di e animalnan aki. Ántes e bayenanan a wòrdu usá pa trahamentu di diferente kosnan pa usa paden i pafó di kas. E zeta ku tin den e vèt bou di nan kueru a wòrdu usá pa traha habon, shampu, kosnan pa limpia, rushi boka, manteka, manteka pa traha bolo, pòtlot etc. Tambe a us’é pa lusa lampi i tambe pa traha bela. E ‘balein’nan a wòrdu usá pa traha skeiru,

Figura 4:E distribishon di e Gervais Beaked Whale, un di e tantu sortonan di bayena. Otro tiponan manera e Bayena Blou i e Bènskop ta biaha distanshanan mas grandi ainda i ta landa di zona polar pa zona polar. Plachi di Leon Pors


8

Fantasia; awa ta sali for di e buraku riba su kabes .

Hopi hende ta pensa ku e buraku ku tin riba kabes di un bayena òf dòlfein ta pa nan saka e awa ku nan ta guli den nan boka pafó. Esaki no ta bèrdat. E awa ku e animalnan aki guli hinka den nan boka ta sali di nan boka mes pafó. E buraku aki ta saka airu afó. Esun tiki awa ku tin riba e buraku aki ta laga parse ku awa nan ta saka pafó. E animalnan aki tin múskulonan spesial rondó di e buraku ku ta pèrmití nan sera e buraku i na mes momentu nan pulmon ora ku nan ta bou di awa. Ora ku nan sali for di awa, e animal ta saka su rosea for di e buraku promé i despues e ta hala rosea nobo paden. Tur e dos kosnan aki ta sosodé pa medio di e mesun buraku.

wayer, anzue, man pa paraplü, zuip i hopi mas. E karni nan tabata usa pa duna kachó i pushi kome. Tabatin algun grupo manera esun di èskimo ku si tabata kome e karni di bayena. Te asta e wesunan nan tabata usa pa traha muebel, joya i otro artesania mas. E kueru nan tabata usa pa kaft di buki, traha tas i tin bia pa fura e sia di baiskel tambe. Asin’aki nos por sigui menshoná masha hopi kos mas, paso te asta algun órgano den su kurpa ta wòrdu usá pa sierto kosnan.Na e momentunan aki ta prinsipalmente e Hapones i Norwechinan ta esnan ku ainda ta yag riba e bayenanan, pa supuesto metanan sientífiko. Banda di yag riba nan pa e produktonan ku por wòrdu trahá ku nan, nan ta yag riba nan tambe pa

tene nan den kaptividat. E parti delaster aki nan ta hasi pa kumpli ku e demanda gran ku tin di parti di ‘dolfinarium’ i akuarionan ku ke e animalnan aki den nan bakinan. No ta solamente e piskamentu konsiente ta un problema. Hopi bayena i dòlfein ta bira víktima di piskamentu ku ta sosodé na maneranan iresponsabel. E animalnan ku keda pegá den e nètnan aki no por bai ariba mas pa hala rosea i nan ta stek.Tambe e shushamentu di awa ta un problema grandi. Materialnan kímiko no ta solamente dañino pa e salú di e animalnan aki pero ta sòru tambe ku un kantidat di malesanan por kuminsá eksistí serka e animalnan ku ta mas suak.

ProtekshonTe ainda bayenanan no ta totalmente protehá. Algun pais ta prohibí e piskamentu di e bayena i dòlfein den nan awanan teritorial. Otronan ta pèrmití ku un kantidat di bayena por wòrdu piská pa aña.Na 1946 a pone Internationale Walvis Comissie, un komishon ku ta konsistí di personanan ku ta representá gobièrnunan di henter mundu ku regularmente ta atendé nan mes ku e problema tokante bayena. Na 1982 tabatin bon notisia, IWC a sera un kombenio den kua e piskamentu di bayena pa metanan komersial tabata prohibí. Norwega a protestá kontra esaki i p’esei por piska legalmente riba bayena. Esaki nan ta hasi ku masha fervor, pa motibu ku kada aña e kantidat

di bayena ku nan por piská ta bira mas tantu i e piskadónan di bayena ta piská masha hopi bayena einan. Hapon ta piská bayena ku e preteksto ku ta pa metanan sientífiko. Den práktika e mayoria bayena ta kaba komo kuminda pa kachó ku pushi.Na 1996 piskadónan na Norwega a piska no ménos ku 388 bayena. Banda di esaki tin piskadónan ku ta laga registrá nan botonan bou di e bandera Hapones òf Norwechi di manera ku nan por piska bayena tòg. Esaki siendo ku e botonan aki ta di henteramente otro pais. Nan lei ta pèrmití esaki.


Protekshon di dòlfein i bayena na Kòrsou

Kiko mester hasi ora un di e animalnan aki yega morto na kosta?Dòlfein i bayena ta yega regularmente morto na kosta. Sea nan a dal den un barku ku tabata nabegando, nan a bira bieu, nan tin malesa òf nan tin problema ku nan ‘sonar’. Tin bia sa sosodé ku nan ta yega bibu na kosta. E promé kos ku bo tinku hasi ta keda trankil i no aserka e animal aki sin mas. Un bestia ku doló, asta un bayena òf un dòlfein por morde. E mihó kos pa hasi ta pa tuma kontakto mesora ku un instituto sientífiko òf pa protekshon di naturalesa. Na Kòrsou bo por yama CARMABI na telefòn 462 4242 (ekstenshon 11, 15, 17 òf 13). Bisa unda e animal ta i kon grandi e ta.

Mayoria bia un animal asin’aki no por wòrdu salbá.

Semper ta un kaso tristu ora un bay-ena òf dòlfein subi tera. Riba e plachi ariba na man robes bo ta mira e kurpa di un Gervais Beaked Whale ku a laba bin tera riba nos isla den añanan 90 di siglo pasá.Na man robes parti abou por mira e kurpa di un Bryde Whale ku a laba bin tera banda di Fuik den luna di sèptèmber 2001. Na man drechi por mira un Spinner dolphin ku a subi tera na aña 2002 banda di Marie Pompoen. Portrèt: Leon Pors.

9


Den nos awanan tin masha hopi dòlfein i bayena ta bin dilanti. Mayoria bia ta bestianan ku riba un biahe for di p.e e ‘equator’ pa Estádos Uni òf vice vèrsá. Òf nan por ta bestianan tambe ku ta konsiderá henter e laman Karibe komo nan lugá di biba i ta landa regularmente di esun isla pa e otro. Dòlfeinnan ta keda sigur kaminda nan haña kuminda manera piská na granèl.Informashonnan detayá tokante e animalnan aki, lástimamente no tei ainda. E úniko informashonnan ku tin ta di barkunan ku a yega di topa nan riba laman òf hendenan ku a mira nan for di kantu. Bayenanan ta spùit airu den forma di dam ku un tiki awa aden for di e burakunan riba nan kabes. E forma den kua e nubia aki ta sali ta spesífiko pa kada sorto. Un wowo bon di trein, por mira na e forma di e nubia ta kua bayena a hasié. Pero te asta pa e ekspertonan esaki no ta un trabou masha fásil. Algun bia hendenan a yega di mira e nubianan aki o nos kosta Nort, pero nan wowo no tabata di trein ku e konsekuensia ku nos no sa ta kua bayena a pasa. E informashon mas konfiabel ku nos tin ta esun ku nos a haña for di e barkunan di Warda Kosta, Marina òf otro barkunan ku a topa e animalnan aki durante nan biahe. Tin bia nan ta saka potrètnan. Ku yudansa di esakinan nos por saka afó ta kua bayena nan a mira.Un otro fuente di informashon hopi konfiabel ta e kadavernan ku nos ta haña kantu di laman. Regularmente bayena i dòlfeinnan ta muri riba laman. E motibunan por tabata malesa, aksidente ku un barku òf simplemente paso nan a yega nan edat. Un kadaver asin’aki por wòrdu mandá ku olanan den direkshon di nos kosta. Ora ku algu asina sosodé nos ta tou e animal hiba na un kaminda mas trankil kaminda por hasi investigashonnan nesesario riba dje.Promé ta wak ta di kua sorto ta trata. Nos ta midié pa wak si ta trata di un adulto òf un animal yòn. Nos ta hasi investigashon riba e kontenido di su stoma pa nos por sa asina kiko el’á kome i tambe kue algun mònster di diferente parti di su kurpa ku nos ta manda pa laboratorionan den eksterior pa nan investigá si e animal tabatin algun malesa. Tin bia bo por mira pafó na su kurpa si e animal

a dal den un barku ku tabata nabegando. Despues ta kòrta e bestia na pida pida. Asina nos por konserva e skelèt i tin bia te asta topa ku otro problemanan ku e tabatin ku su salú. Asina nos a topa ku un bayena un bia di kua su wesunan a krese pega na otro. Komo ku e animal no por move bon, e no ta biba largu.Pero manera nos a bisa anteriormente, den nos awanan tin diferente sorto di bayena ta bin dilanti manera entre otro e ‘Bryde walvis, Indische Griend, kleinste potvis, bultrug, Gervais spitssnuitdolfijn, orka, patropical spotted dolphin, stripped dolphin, spinner dolphin, tuimelaar, Goosebeak whale’ i e kachalote.

E ‘Bryde walvis’ ta un sorto di e ‘baardwalvis’ i e por bira entre 14 pa 14,5 meter larga. E hembranan mayoria bia ta bira mas grandi ku e machunan. Un yu ku kaba di nase ta midi 3,5 meter. E bestianan aki ta filtra piská i un kantidat di bestianan sin wesu di lomba ku nan ‘balein’nan. Nan no gusta awa friu niun tiki so i bo por haña nan den laman tropikal i sub tropikal.

E shortfin pilot whale òf Indische Griend E ‘Indische Griend’ ta un bayena ku ta pèrtenesé na grupo di bayena ku djente i e ta basta chikí. E ta bira entre 5,5 pa 4,7 meter. Nan ta kome prinsipalmente sekat buladó i nan ta sambuyá den grupo. Nan ta bestianan masha sosial i nan por bira basta bieu. Sigur 65 aña.

E Dwarf sperm whale òf Kleinste Potvis E ‘kleinste potvis’ ta kome prinsipalmente sekat buladó di laman hundu, sekat normal, piská sin wesu di lomba. Nan no ta bira masha grandi, nan ta yega 2,7 meter. Su kabes parse e kabes di un tribon un tiki.

E Humpback Whale òf Bultrug E ‘Bultrug’ ta un ‘baardwalvis’ ku por bira te ku 19 meter. Mayoria bia e machunan ta mas chikí ku e hembra. E machunan ta krese te ku mas o ménos 17,5 meter. Un yu ku kaba di nase ta midi 5 meter. Kemen, e no ta un yuchi. ‘Bultrug’nan ta gusta kome prinsipalmente piská i otro bestianan sin

Dòlfein i bayena den laman rondó di Kòrsou.Nos a pone tiki plachi huntu ku e siguiente deskripshonnan. No tin hopi potrèt riba nos isla di e sortonan ku nos ta deskribí. Riba Internet si bo por haña nan. Bishita e website www.google.nl, sigurá ku bo ta bai en buska di plachi i taip e nòmbernan ingles ku nos a skirbi huntu ku e deskripshonnan.Nos a purb’é i e ta funshoná!

10


wesu di lomba ku nan ta gara na un manera masha ingenioso. Ta traha un sorto di nèt di piská ku blasnan di airu ku nan mes ta supla, ku ta rondoná e bestianan ku nan ke kome. E bestianan ta spanta i na ta bai para huntu. Asina e ‘bultrug’ por kome nan den un hap.

E Killer whale òf Orka E Orka ta un dòlfein. Esun di mas grandi ku ta eksistí. E bestia tan konosí aki tin un nòmber masha dudoso ku ta lagabu pensa ku e ta un bestia agresivo. E machunan por bira te ku 9 meter largu i e hembranan 7,7 meter. Nan tin un menú basta variá ku ta konsistí di piská, sekat buladó, mamíferonan di laman manera kachó di awa i te asta un bayena blou, paranan di laman manera meuchi i pingwin i turtuga. Nan ta aparesé den henter e oséano i ta forma gruponan di famia den kua e individuonan ta hopi pegá ku otro.

E Sperm whale òf Bènskòp. Esaki ta e bayena di mas grandi den su famia, e bayenanan ku djente. E tin un kabes di forma kuadrangular i e por bira te ku 20 meter largu. Su dieta ta konsistí prinsipalmente di e sekat buladó gigantesko ku ta biba den laman hundu. Tambe e ta kome piskánan grandi. E bayena aki ta aparesé den tur e oséanonan di mundu i e ta sambuyá te ku profundidatnan basta grandi pa e por yega na su kuminda faborito. Nan por keda hopi ratu bou di awa i tin dùiknan di mas ku 2000 meter di profundidat registrá pa e animalnan aki. Pero aparentemente nan por sambuyá te ku profundidatnan di 3000 meter. For di e kakunbein ku a yega di haña den stoma di un bènskòp por bisa ku e animalnan aki por kome sekatnan buladó ku tin brasa mas largu ku 10 meter. Mayoria bia bo por mira sikatrisnan lagá patras, ku ta e testigunan silensioso di peleanan entre e bènskòp i su víktima.

E Pan-tropical Spotted Dolphin òf Slanke dolfijn. Piskadónan ta mira e dòlfeinnan aki mayoria bia ora ku nan ta landa pareu ku e boto bulando kada be pafó di awa. Nan por bira te ku 2 meter 60. E hembranan mayoria bia ta keda un tiki mas chikí. Nan dieta ta konsistí prinsipalmente di piská.

E Striped Dolphin òf Gestreepte dolfijn E ‘Gestreepte dolfijn’, por bira te ku 2 meter 60. E hembranan no ta bira mas grandi ku 2 meter 10. E bestianan aki ta traha hopi riba e emoshon

di hende pa medio di nan koló bunita ku ta parse ku ta ku un pènsel nan a pinta riba su kurpa. E Griegonan di pasado tabata traha estatua di nan òf nan tabata pintánan. E dòlfeinnan aki ta kome prinsipalmente piská i bestianan ku ta biba den kokolishi.

E Spinner dolphin òf Langsnuitdolfijn. E dòlfein aki ta mas konosí pa su saltonan altu ku e por hasi. Tan ten e ta hasi e saltonan aki, e ta bira rondó di su as ku ta laga parse ku e por hasi ‘pirouettes’. Tin bia e por drai te ku shete bia rònt.E bestianan aki ta fásil pa rekonosé na e tres kolónan ku e tin. Riba su lomba e ta koló shinishi skur, un tiki mas abou shinishi mas kla i bou di su barika e ta blanku. Banda di esaki nan tin un strepi koló shinishi ku ta kore for di su wowo te na e ‘vin’ na su barika. E ‘langsnuitdolfijn’ tin diferente sorto di piská i sekat buladó den su dieta.

E bottlenose dolphin òf tuimelaar.

E ‘tuimelaar’ por bira te ku 3 meter 80 i ta biba rònt mundu. E sorto aki nan a usa pa traha e pelíkula asina konosí ‘Flipper’. I ta p’esei e ta e sorto di dòlfein mas konosí. E bestianan aki ta bula sali konstantemente for di awa, klap ku nan rabu riba awa i hasi masha hopi otro kenshi. Nan kuminda ta konsistí prinsipalmente di piská i bestianan sin wesu di lomba. Nan ta konosí pa dòlfeinnan ke ta landa den besindario di palu di mangel. Algun tempu pasá tabatin un ta landa den Spaanse Water.

E Goosebeak whale òf Cuvier-dolfijn. E dòlfein aki por krese te ku 6 meter 90. E

A spòt e Bottlenose dolphin aki na Mei 2008 gespot serka di Knip Grandi. op Grote Knipbaai. E tabata un bestia basta yòn. Saká pa Michelle da Costa Gomez.

11


12

Literatura usá:- Walvissen, dolfijnen en bruinvissen, de complete gids voor zeezoogdieren, Carwardine M. Et al, uitgave 2000, uitgeverij Könemann

- Additional records and a review of the cetacean fauna on the leeward Dutch Antilles, Debrot,A.O., de Meyer, J.A., and Dezentjé P.J.E., Caribbean Journal of Science Vol. 34, no.3-4, 204-210, 1998

Buska ilustrashon!- Sùrf pa e programa riba Internet www.google.nl- Sigurá ku e programa ta buska plachi dor di klek riba e tab AFBEELDINGEN- Taip e nòmber Inglés di e bayena òf dòlfein ku bo ta buska- Buska den e resultadonan kua plachi bo ke usa- KLEK riba e plachi- SAVE e plachi riba bo harddisk riba bo computer ku un nòmber ku bo ta haña bèk fásilmente. - Semper menshoná di kua website bo a usa e plachi.

Bo ke sa mas?


Sponsored by:

animalnan aki ta kome ‘weekdieren’, piská i bestianan ku ta biba den kokolishi. E sorto aki tin un karakterístika masha partikular. Na su kakunbein di abou e tin dos djente ta krese sali pafó. Ku e djentenan aki e machunan ta bringa

kontra otronan di e mesun sorto. E animalnan aki ta paresé den tur e oséanonan na mundu i nan ta e dòlfein ku su populashon ta konta ku mas tantu individuo.

Hinka un skelèt di bayena den otroSemper bo ke a sa kon ta hinka e wesunan di un bayena den otro? Wak e potrèt-nan i bin wak e skelèt den Parke Kristòf.

Pa haña e skelèt limpi ta nesesario pa kita tur e karni di e kurpa. Si nos bai warda e karni seka for di e kurpa e proseso lo tuma muchu tempu. E promé kos ku nos ta hasi ta prepará nos mes bon dor di bisti hanskun i paña ku ta protehá nos. Despues nos ta kuminsá ku e trabou. Potrèt: Michelle da Costa Gomez

Ta hopi trabou pa kita tur e karni i vèt di e skelèt. Potrèt: Michelle da Costa Gomez i Leon Pors

Ora a kita tur e karni di e wesunan, e wesunan ta bai un lugá kaminda e holo stinki por kita tránkil. Despues di e proseso aki nos ta bai limpia e wesunan ku habón. Potrèt: Michelle da Costa Gomez i Leon Pors

13


Hinka un skelèt di bayena den otro Semper bo ke a sa kon ta hinka e wesunan di un bayena den otro? Wak e potrèt-nan i bin wak e skelèt den Parke Kristòf.

Na momentu ku e wesunan a stòp di hole stinki i nos a limpianan bon, e arte ta bira pa surti nan manera mester ta. Lo ke nos ta hasiendo e ora ei ta hinka henter e skelèt den otro di nobo ku wesunan los pa asina nos sa unda nos tin ku kuminsá pa hinka tur kos den otro. Potrèt: Michelle da Costa Gomez i Leon Pors

Ora nos a surti tur e wesunan, e trabou di mas duru ta kuminsá. Den tur e wesunan di lomba mester bora un buraku pa nos por “kose” nan na otro. E boramentu ta okashoná hopi stof. Pa e kabes pisa mester traha un stellage ku por karga e peso. SI tur kos ta fuerte hinka den otro ta tempu pa e finishing touch. E skelèt di e Bènskòp na Parke Kristòf a haña kopia di su djentenan original traha di geps. Awor e skelèt ta mustra manera riba e potrèt. Potrèt: Michelle da Costa Gomez i Leon Pors

14


15


16


página informativo di sekshon di edukashon pa enseñansa … · 2015-09-01 · ariba den su...

Documents