Buka hatene Santo no Santa sira Santa Zita

Festa - 27 de Abril

Zita hosi rai Lucca, Italia nian, hosi familia agricultor, nebe kiak maibe exemplar. Hosi ki’ik Zita hakarak deit halo diak ba Jesus, ho liafuan hirak ne’e: “Hau nia hahalok ida ne’e Jesus gosta ka lae?” Liahusu ne’e belit iha nia an, to’o loron ida nia inan haruka nia ba mercado fa’an sasan. Iha mercado Sr. Fatinelli hasouro nia hodi koalia ho nia nebe atrai Senhor ne’e nia atenção hodi ikus mai ba hasouro Zita nia aman-inan, hodi husu nia ba serbisu iha nia Palacio. Zita ba duni serbisu maibe ho condição ida atu nia patrão fo licença nia atu dader-dader ba rona missa. Nia serbisu mak hamos han fatin no simu pão dadersan nian nebe ema lori ba.

Loron ida Zita ba missa, no tuir nia costume missa hotu tiha, nia sei reza uituan iha Santíssimo. Maibe iha loron ne’e tan deit hamout-an demais iha oração nia haluha tiha katak oras atu simu pão no tau mesa liu tiha ona. Nia hakfodak, halai ba uma ho fuan tuku-tuku, hodi hanoin saida los mak Senhora sei halo ba nia. Maibe wainhira nia tama iha han fatin nia hare katak pão iha tiha mesa leten no sasan iha han fatin tau tuir nia fatin lolos no diak liu fali baibain nia tau. Nia husu informação ba empregado sira seluk sé mak tau mesa dadersan ne’e. Resposta hosi nia maluk sira mak ne’e: “Ó duni mak tau, sé fali mak tau”. Ikus mai nia hatene katak ne’e graça Maromak nian ida ba nia.

Zita mos simu ordem hosi nia patrão fahe sasan nebe nia patrão fó ba kiak sira. Dala ruma nia lori barak liu fali buat nebe nia Patrão haruka. Empregado sira seluk kesar ba Senhor Fatinelli. Loron ida, Zita sai ba atu fahe sasan sira, wainhira nia sai daudaun ba liur nia hasouro ho Sr. Fatinelli nebe husu nia: “Zita, ó lori saida mak iha ó nia avental laran?”. Zita hatan: “Aifunan no aitahan”. Dehan ida ne’e nia loke nia avental no teki-teki monu ba rai, aifunan rosa no aitahan nebe matak lós. Sa tan iha tempo Inverno. Halo Senhor Fatinelli hafodak tebtebes.

Zita serbisu ho Senhor Fatinelli iha tinan 66 nia laran, no durante loron lima nia monu ba moras no iha dia 27 de Abril nia i’is kotu iha Senhor Fatinelli ho nia familia tomak nebe hakneak haleu nia hodi reza. Dom Nor

Programa celebração festa Padroeiro Diocese Maliana

Dia 12 to’o 15 de Junho Dia 12 - To’o Câmara Eclesiástica. 13 - Avaliação kona ba actividades Ano

Pastoral 2012. 13 - Noite Cultural. 14 - Seminário kona ba devoção ba

Sagrado Coração de Jesus. 14 - Loraik- Adoração no Procissão

hahu hosi Ex-Kodim, Maliana. 15 - Dader- Missa Solene. Tuir mai,

Jogo final Taça Sacrojes 2012.

Pedido Husu ba Coordenador sira ECO nian, Párocos, comunidade Religiosos/as no leitor sira atu haruka mai imi nia contribuições ba ECO. Favor, haré conta ECO nian tuir mai.

Conta hosi Jan to’o Maio 2012 Total gasto (papel no toner).. .... 1375.70 Contribuições nebe simu.............. 339.05 Sei debe hela ba Diocese........... 1036.65

Pároco - Bobonaro 39.00; Pároco, Atabae 30.00; Zumalai-sarani sira 10.00; Lebos - Mestre Simão 5.00; Pe. Sebastião, Maliana 25.00; Hauba - Mestre José 40.05; Maubara-sarani sira 10.00; Liquiça-Sr. Julio A.100.00; Ritabou-Canossianas 30.00; Cailaco-Sra. Yuditha Falo 50.00; Total 339.05. Obrigado barak ba imi nia colaboração. Dir. Exec.

Requiescat in pace Maromak iha Nia laran luak bolu fila hikas Pe. Primus SVD (ho idade tinan 50) iha loron 5 de Maio 2012. Pe. Primus SVD hala’o kna’ar iha Radio Timor Kmanek, Diocese Dili. Diocese Maliana hato’o sentidas Pesamês ba Pe. Primus SVD nia família no mos ba Região SVD, Timor Leste.

Fulan Maio, fulan nebe dedicado ba Inan Virgem Maria. Fulan ne-e nu’udar fulan ida nebe especial iha moris sarani Timor Lorosae nian.Tanba iha fulan ne’e sarani sira hotu halai ba buka Maria hodi halibur malu atu reza hamutuk. Rame liu tan se Pároco iha iniciativa atu tuir eh forma grupo atu bele acompanha libur malu ne’e hodi fó netik orientação ruma. Ne’e eh tok rame liu tan no sarani mos haksolok tebes, sa tan uma nain oferece tan pisang goreng eh donat ruma ho chá. Maibe hakarak eh lakohi hahalok ida ne’e atu hatudo deit katak sarani nia domin ba Inan Virgem Maria nu’udar Crsito nia Inan

Boletim da diocese de Maliana, Timor Leste Ano II – No.11 - Maio de 2012 “O eco da glória de Deus ressoou por toda a terra.” Slm.18:5

ECO-Boletim da Diocese de Maliana, Publicação mensal. Proprietário: Diocese de Maliana, Timor Leste. Administra-ção:Departamento da Comunicação Social. Director e Redactor: Dom Norberto do Amaral. Director Executivo: Pe. Peter Puthenkandam cmf. E-mail: malianadiocese@gmail.com, Preço - 10 centimos Americanos.

no ema tomak nia Inan, bo’ot tebes. Nu’udar oan certamente hahalok ida ne’e soi duni atu hahi Nia, basá hosi Nia mak mundo hetan naroman, dalan atu lao didiak iha mundo hodi hakat ba Nia Oan Doben Jesus Cristo.

Hahalok hatudo domin ba Maria ne’e tan deit hosi Maria ne’e mos sarani bele hetan tulun ba nia moris atu ida-idak bele badinas buka harico nia an ne’e, nune’e bele halao didiak ninia moris tuir hanorin sira nebe Jesus hato’o hodi hetan ksolok hamutuk ho Aman Maromak. Eh ho liafuan seluk, Maria nu’udar Inan sei la husik nia oan sira moris iha sala, maibe tulun sira atu buka lao didiak iha mundo ne’e atu bele ba hela hamutuk ho Aman nia gloria. Ba nune’e, hahalok hahi Maria Virgem sai nu’udar meio ida atu sarani ida-idak badinas buka buat nebe diak nu’udar osamean no mutin nebe rai hela atu goza iha loron ida iha Aman Maromak nia glória. Ba ida ne’e, Maria nia naran ne’e hatudo lolos se ita hare ba liafuan sira nebe hamutuk hodi forma naran Maria: M-moris; A-atu; R-rico; I-iha; no A-Aman, tau hamutuk sai: moris atu rico iha Aman. Neduni moris harico didiak an ba, atu loron ida bele goza ho ó nia rico soin sira iha Aman Maromak nia glória.

Dom Norberto do Amaral

MARIA

9 Maio 2012. Nuncio Apostólico ba Timor Leste, Msgr. Lepoldo Girelli visita Diocese Maliana no preside Missa hamutuk ho Amo Bispo no Padre sira.

4 Maio 2012. Me. Gelyn FSSH, (Hahu hosi ita nia liman karuk) hamutuk ho Irmãs Mercy, Smithamol, Nunzia (Superiora Geral), Elisa no Jincy hosi Pequenos Apóstolos da Redenção visita Bispo. Sira hahu ona comunidade ida iha Liquiça.

April 2012. Nu’udar preparação atu hari residência Bispo nian no Cãmara Eclesiática, bispo ba haré fatin nebe ema prepara daudaun iha rai Colégio nian.

Aconteceu...

24,25 Abril 2012. Halo celebração simples 2º Aniversário Ordenação Episcopal no tomada de posse Dom Norberto nian hodi hasa’e Missa no han almoço hamutuk ho família, Padres no Madres iha Maliana.

4 Maio 2012. Pe. Aniceto O.Carm no Frei António O.Carm hamutuk ho Pe. Bruce Clark O.Carm ho (hosi ita nia liman karuk) Irmãs Mailyn Batocabe, Gina Yabo no Elizabeth Fitzpatrick (Superiora Geral) hosi Ordo Carmelitas (O.Carm) visita Amo Bispo. Sira atu loke convento ida iha Zumalai.

Ameu confessa ba amolulik hodi dehan:

Ameu: Amo, ha’u tolok, ha’u hotar, ha’u na’ok manu tolun hosi manu luhan.

Hafoin, Ameu nonok tiha. Amo: Hotu ona ka? Ameu: Sei iha Amo. Amo

hakarak karik hau ba foti mai.

Hosi Dom Norberto do Amaral

Hamnasa uitoan

Halo favor, perguntas bele haruka tuir SMS mai No. 7237338.

Pergunta... Resposta Pergunta: Iha ECO edição no. 10 koalia kona ba Jesus nia moris hi’as. Hau hakarak hatene istoria kona ba Ita na’in feto no São José nia mate to’o sa’e ba lalehan. (Hosi Cidalia da Cruz) Resposta: Cidalia, obrigado ba ita nia pergunta. Ita hatene kona ba Jesus nia moris hi’as ne’e hosi Evangelho sira no hosi Actos dos Apóstolos. Tan ne’e, ita tenki buka mos Istoria kona ba Na’in Feto no São José iha livro hirak ne’e. Evangelho sira no Actos dos Apóstolos la koalia kona ba Ita Na’in Feto no São José sira nia mate. Tan ne’e, ita la hatene lós. Ita lê iha Actos dos Apostolos 1:14 katak ita Na’in Feto presente iha loron Pentecostes hamutuk ho Apóstolo sira. Ida ne’e mak dala ikus ita hetan Ita Na’in Feto iha Bíblia. Tuir Santa Kreda nia hanourin, Maromak hasa’e Ita Na’in Feto ba Lalehan ho isin no klamar. Ita lê kona ba São José dala ikus iha Lc. 2:48. Ita Na’in Feto no S. José hetan fali Jesus iha Templo. Evangelista sira la koalia tan kona ba S. José. Iha festa casamento iha Cana, ita hetan Jesus nia inan, maibe S. José la hetan. Tan ne’e, ita bele hola conclusão ida katak antes Jesus hahu nia ministério público, S. José mate ona. Hosi Avo Padre.

24.5.2012. Amo Bispo ho Economo hare hela construção uma iha Centro formação nian iha Maliana.

14 Maio 2012. Halao reunião hodi harii Co-missão Organizadora ba festa Padroeiro dio-cese nian iha 12-15 de Junho.

21.5.2012. Celebra loron Padroeiro diocese nian, Comissão Juventude Diocese Maliana (FOCADIOMA) Pe. P.S. Marques nuudar Presidente, organiza jogo futebol ho naran Taça de SACROJES 2012. Pe. Lucio loke jogo ne’e.

16.5.2012. Fundação SCJ fo formação ba Directores/as, Inspectores no staff secretariado escolas Catolicas iha Diocese Maliana.