Jerita Batang Mandaiyadi menua ti dikumbai Batang Mandai tu kena pegai menua Kalimantan, Indonesia ke diatu. Batang Mandai tu bepati ba Batang Kapuas. Kenu ku jerita tuai kitai bansa Iban, menua tu mih alai semengat kitai Iban pulai enti kitai udah mati. Nambah ke nya, bukit siti ke dikumbai Bukit Mandai nya mega tempat semengat Iban ke udah mati diau nitihka pengarap bansa kitai Iban. Agi kelia kenu ku jerita, jalai ti nuju ngagai Bukit Mandai ngenjing ngeruang tuntun pala patung penalam iya empa penyuah jalai nya ditengah orang. Lalu jalai tu mih jalai orang ti udah mati nuju Bukit Mandai. Ba kaki Bukit Mandai nya bisi kayu malam sepun ke alai orang nanchangka tali perau. Laban ke selalu endur orang nanchangka tali perau, nya alai batang kayu malam nya nyau genting. Taja pia, kayu malam tu sigi enda ditebang orang ambika bisi dipeda sereta ke tanda pengingat sida uchu-ambu, ichit-wit kitai Iban ke jemah ila. Kenu ku jerita tuai, Bukit Mandai tu kelia tau alai orang madi. Chara orang madi di Bukit Mandai nya kelia iya nya baka tu. Orang ti datai madi enda tau enda mai lanji siti sereta enggau pinggai sesingkap ke disimpan dalam lanji nya. Enti baka kitai kemaya hari tu, pinggai sesingkap nya tadi tau diganti kitai ngena duit tang kelia kitai Iban em pai nemu utai ke dikumbai duit. Udah nya lanji nya tadi engkah ba bukit nya. Seraya ke nganti lanji kitai nya tadi diisi orang enggau padi, kitai rari dulu ari endur nya tauka ngaga diri baka ke limpang kemi tauka bira. Kira setengah jam udah nya, kitai tau ngabas lanji kitai nya tadi. Enti sida dia bisi padi, lanji kitai naya tadi lalu diisika sida ngena padi datai ke meruap tang enti sema semina seku disimpan sida dalam lanji kitai nya, reti nya sida dia nadai padi. Di Bukit Mandai nya kelia mega bisi chabi (kachang) sepun ke besai bendar. Empa pemesai pun chabi nya kelia, batang iya tau ditiki kitai mensia kenu ku jerita. Di Bukit Mandai nya mega bisi danau ke dikumbai orang ke tuai Danau Alai. Danau nya mayuh ikan baka belau enggau keli tang mih ikan dia enda tau diempa kitai mensia ke agi idup tu laban belau enggau keli tu endang bansa ikan ke dikumbai kitai semah Sebayan. Nya alai, ikan ba Danau Alai tu nyangka ikan ke endang udah ungkup sida udah mati aja. Kelimpah ari tau alai madi, bisi chabi ke besai, bisi Danau Alai, Bukit Mandai tu mega bisi pun buluh pengerindu. Dulu kelia, bisi orang siku batu penyumpit benama Anggi. Nyau abis endur alai iya nyumpit, dia dih Anggi tu lalu tetemuka pun buluh pengerindu. Kebuah iya nyau ngelala nya pun buluh pengerindu laban iya meda karak tulang semua utai idup di dunya tu nadai bejumbuh ba pun buluh nya. Kenu ku jerita, semua bansa utai enseput sigi balat beraie, rindu sereta seilu-ilu entiudah meda buluh pengerindu nya laban buluh nya nemu bemunyi sering -sering baka munyi gerunung pelat. Nya ti ngasuh semau utai enseput chukup rindu ati sereta enda tepulaika diri ti ngujungka sida mati nyenggai hari, parai nyenggai lemai laban ti kelalu beraie, rindu diumbaka seilu-ilu. Orang ke udah ngambi buluh pengerind u nya menya 1

N

semina Anggi seduai Juyo laban seduai tu sama ari asuh antu. Enti enda ari asuh antu, seduai iya pan tentu mati dia nambahka karak tulang ti sigi udah mayuh bedunjung dia. Kenu ku jerita, ba Bukit Mandai nya menya bisi kayu baung sepun ke besai endar, kira bisi lapan pemerap. Lebuh nya menya sida Keling, Bungai Nuing, Laja, Bunga Jawa, Sempurai Munti Gerai, Kumang Indai Abang, Lulung, Indai Mendung endang agi begulai agi sejalai enggau kitai mensia magang. Nyadi hari siti, dia Keling mai Kumang berumpak. Atur seduai iya baka tu. Keling ngambu diri nebang kayu baung lau Kumang diasuh iya nenun kain sungkit tampung delapan. Keling pan berengkah ga nebang lalu Kumang pan berengkah ga ngirit tenun iya. Enda bangat lama udah nya, dia kain sugkit tampung delapan ti ditenun Kumang pan tembu tang kayu baung ke ditebang Keling nya tadi apin rebah. Meda baka nya Keling lalu bejaku. Enti baka tu menang mih nuan Kumang. Kayu ke ditebang aku apin rebah tang kain sungkit lapan iti betampung ti ditenun n uan dulu agi tembu, pia ku Keling. Nya kebuah kitai Iban kemaya hari tu selalu besema ke Kumang ba pengelandik enggau penyampat ngereja pengawa. Kenu ku tusui sida ke tuai, ba Bukit Mandai nya menya oramg selalu ninga munyi gendang pampat. Enti gendang pampat tu bisi didinga, mesti bisi aja utai nyelai -nyelai baka kudi tauka penyakit. Nyawa orang richah bekumbaika manuk enggau babi mega suah didinga orang ke tuai menya tang mih tubuh enggau rumah orang dia nadai dipeda. Ai Batang Mandai tu panjai bendar ku jerita lalu nebing Batang Mandai tu diatu bisi udah dipumai orang. Kenu ku sida ke tuai, enti mudik ari Pontianak ngulu Batang Mandai, retai kajang kerupuk baru datai di ulu Batang Mandai din empa pemanjai iya. Enti dikira, nyangka enda alah pudik dua bulan Batang Mandai tu ari Pontianak. Rambau nya menya bisi siku tuai kayau kitai Iban di Batang Mandai ke benama Sibat. Iya tebilang agi dikangauka orang Apai Jumau. Sibat tu kelia berani sereta kebal. Nya alai semina duku iya empu ulih nelihka iy a. Nyadi sekali Sibat tu deka nemuai ke Entebah, iya nya siti sungai pati Batang Mandai. Sida ke nemuai sekali tu nya tubuh tiga. Nyadi sida tiga tu tadi diau ba rumah orang. Seninjik bendar ga, lebuh sida diau dia, orang ba rumah panjai nya bisi bulih babi. Laban ke temuai, sida tiga lau dibai orang nunu babi. Nama dih, sida tiga pen lalu nurun enggau orang nunu babi sereta sama mai duku diri empu. Benung sida sebuat kiruh betunuka babi, dia sida bukai ke sama enggau nunu babi nya tadi minta duku ari sida tiga iya laban deka dikena nisil isi babi nya ku orang nya madahka sida tiga. Laban ke enda nemu orang bisi ati jai enggau sida tiga, ari nya sida tiga pan lalu nyuaka duku diri ngagai orang ti minta. Udah orang bulih duku ari sida tiga nya tadi laban ti nadai senyata dikena nanka diri sereta enda sangka ke orang dia bisi ati jai enggau sida. Danjan mih sida tiga nyenggai malam, lesi nengali hari, sulai nengali lemai. Pala sida tiga sama dipumpung orang tang tubuh tauka bukang sida tiga dibuai orang ke ai awakka diempa ikan diempa baya pia ku penemu sida.

2

Nyadi bangkai Sibat tu enda anyut taja pan dibuai sida ke ai Batang Mandai tang bangkai kaban iya dua iku nya chapu-chapu dibai ai rarat kili. Meda bangkai Sibat tu lalu enda anyut, tulak sida iya ke lebuh ai ga bangkai tudah Sibat apai Jumau. Anang ke anyut tang ngasuh bangkai iya mudik kulu agi pagi siti. Taja nyau tujuh hari tujuh malam bangkai Sibat nya udah tepanggai ba jelatung sida dia tang bangkai iya lalu enda but sereta nadai ditutu indu utai. Bangkai Sibat tu tadi semina bebali chelum ti ngujung ke iya nadai dipeda orang agi. Lebuh Sibat tu ke dibunuh orangdi Entebah, uchu iya ke tinggal di menua bisi mimpi. Uchu, aku udah mati dibunuh orang Entebah, diakal sida sereta dibunuh sida ngena du ku aku empu. Taja pia uchu, aku deka nyadi baya dikena bebalaska penyai pengawa orang Entebah ngagai aku enggau bakih aku dua iku ti enggau aku nemuai kin suba. Enti kita mansa Nanga Mandai, kita enda tau enda besampi madahka diri uchu aku, Sibat apai Jumau. Udah kita besampi, aku deka pansut tang aku enda nganu kita , pia ku iya madah ke uchu iya. Sebulan udah nya, baya apai Jumau tu selalu dipeda orang ayan ba Nanga Entebah laban deka bebalas. Iya ngipa orang dia. Nadai tan orang ke merau mansa endur nya kelia ditangkap iya enti orang nya enda madahka diri uchu Sibat apai Jumau. Baya apai Jumau tu beberita mangah amat sereta nadai tau ninga utai engkeritik. Ga selal dikesemaka orang, enti orang nya mangah. Balat ga pemangah sanu nya baka baya Nanga Mandai, enda tau ninga rangkang patah. Pemesai belakang iya kenu ku jerita tau endur orang tubuh dua begelih. Orang mega madahka belakang iya nyau tumbuh kemunting tang nya semina jaku sema aja laban dini dih kemunting ulih tumbuh dalam ai. Nyadi sekali, moto perintah mudik ngulu Batang Mandai. Iya mih sida mansa senentang baya apai Jumau, pila moto perintah nya tadi lalu ditangkap iya laban dikumbai iya mensia. Nama dih rang iya pan lalu tebelingkah patah laban pusin pila moto nya tadi kelalu balat lalu moto perintah nya ga pan lalu jai sereta tanggal pila laban ke balat ditangkap apai Jumau. Tu mih pemati baya apai Jumau, mati patah rang nangkap pila moto perintah. Kira sebulan udah apai Jumau mati, dia undur dih bala Kantu ari ulu Batang Mandai ngemai akit tebelian sida ke naka iya pemanjai-manjai. Sida iya enda nemu baya apai Jumau udah mati. Lebuh sida ngelebus mansa Nanga Mandai, sida lalu bejaku enggau sama diri. Selama tu nadai tau dipansa Nanga Mandai tu tang tu nadai ga utai ngachau, pia ku sida. Undur sida ari nya sehari-hari nya. Datai ba Ulak Pelampung ari ulu pasar Jungkung, sepi sida akit tebelian sida tak tepanggai di lebuh ai Batang Mandai. Pemesai Ulak Pelampung tu kenu ku jerita rapas meda tebing sepiak-sepiak. Selama tu ndai kala tekait akit kitai di lubuk tu, pia ku sida bejaku sambil betekalat ngiga akal tauka chara dikena ngulihka akit sida ti tekait nya. Sida nyau enda nemu daya agi laban akit nya tak tekait di benung lubuk. Benung sida begigaka runding, dia sida bisi ninga orang bejaku ngangau ari dalam ai. Aku bisi pesan enggau kita. Kingatka kita pesan aku tu, ku iya madahka tuai Kantu ke benama Bara. Pesan ke asuh iya dikingatka sida nya munyi tu : 3

Bara Oo Bara, Lagi mati nadai guna. Ilang-ilang di batu belang Patah layar di tebing pula. Demong Tangkung di Teluk Lidong Biduk Terpulas pedis rekung di Ulak Lampung Kena kandas orang Iban ari atas. Udah nya iya lalu nanya. Kati bisi ingat kita?. agi, ku iya. Nadai ah, ku Bara. Aku nyebut iya sekali

Bara Oo Bara, Lagi mati nadai guna. Ilang-ilang di batu belang Patah layar di tebing pula. Demong Tangkung di Teluk Lidong Biduk Terpulas pedis rekung di Ulak Lampung Kena kandas orang Iban ari atas. Ney... bisi temu? ku iya. Bisi ga mimit, ku Bara. Udah nya, akit sida lalu berunyut anyut baru. Sida pan lalu undur baru ga ngelawa pasar Pontianak. Sebulan sida undur ngili Batang Mandai. Pengelama ke undur ngili Batang Mandai nya enda temu berapa kali akit tebelian sida tepanggai ba lebuh lubuk. Lebuh akit sida tekait, disebut sida iya ga pesan orang nya tadi. Udah pesan nya tadi disebut sida iya, nya baru akit sida lalu anyut baru. Sida besebutka pesan tu nyentukka sida datai ba pasar Pontianak. Kenu ku tusi sida ke tuai, pesan tu tadi ngasuh sida Bara madahka Demong Tangkung (Remaung Betangkung) di Teluk Lidong awakka ngesah bini iya Biduk Terpulas (Dayang Sekundong) ti pedis rekung di Ulak Lampung laban ke udah kena sempekang tauka alir orang. Lebuh bala Kantu ti ngundur akit iya nya tadi mudik pulai ngagai menua s ida, sida bisi lima kali meda baya nangkap orang. Baya ke selalu nangkap orang nya dialir orang lalu ulih. Pemesai belakang baya nya umbas alai mensia tubuh tiga begelih enda berimbas. Rang baya nya tadi lalu diambi orang ke pemenga baya tang sapa ke nyimpan rang baya nya diatu enda ditemu.

4