raban gelumu sambiang bahá'í ke sarawak · pdf filepenyakit malaria, pedis...
TRANSCRIPT
Raban Gelumu Sambiang Bahá'í ke Sarawak
BE 169 ’Izzat / Might Issue 10 8 September 2012
Tabi bala pangan dikerindu,
Lebuh ngintu Gawai Bulan ‘Izzat, retinya Pengering dalam jaku Arab, kami arapka bala pangan
ingatka pemerat tanggungjawap bala ti arapka Bahá'u'lláh ngerembaika ajar Pengarap Petara.
Lebuh kitai kiruh menyalaika empat iti batang pengawa tu, kadang-kadang kitai nyau enda ingatka
pengawa bekunsika ajar Bahá'u'lláh enggau orang ti bedau nerima ajar Iya. Pekara tu nyata dipeda ba
antara sida ti rebak baru diatu laban sida enda kala tauka jarang enggau orang bejalai ngajar munyi ku
jaku kitai dulu suba.
"Ajar ulih kita Pengarap Petara, O orang Bahá," ku Iya Ti Ngemunka Pengarap tu, lalu Iyaempu
mega nangkan bala ti nitihka Iya munyi tu, "...laban Petara udah netapka tanggungjawap siku-siku
nerantangka Pesan Iya, lalu madahka nya meh pengawa dikereja ti pemadu ia bulih pemanah... Enti
sebarang orang angkat ngulihka pemenang ke Pengarap Kami, Petara endang deka nentuka iya mujur
tajapen bepuluh-puluh ribu iku munsuh begumpul ngelaban iya.” “Sida ti udah ninggalka menua diri
ketegal ti keran deka ngerembaika Pengarap Kami -- sida tu mih deka dikeringka Ruh Ti Taluk ngena
kuasa ia… Pengawa iya nya endang, tetap, diangku baka putera ka semua pengawa ti manah, lalu dikena
ngias tiap iti pengawa ti manah.”
Lebuh kitai bejaku ngenang pengawa ngajar Pengarap, dia reti jaku kitai nya tadi bekunsika Ajar
Bahá'u'lláh enggau semua mensia. Mayuh chara kitai ulih ngereja pengawa tu.
Ketrubah ianya ninggalka rumah kitai bejalai ngajar ngagai kampung, rumahpanjai, pasar enggau
nengeri ti besai lalu bekunsika Pesan tu enggau sebarang orang ti bisi enggau berandau. Bisi sekali
`Abdu'l-Bahá nyebut munyi tu, “O enti Aku ulih mindah, tajapen bedarat ngena kaki serata dalam
pemerinsa, ngagai menua tu, lalu nerantangka kangau ‘Yá Bahá’u’l-Abhá’ dalam nengeri, kampung,
bukit, gurun enggau tasik, ngerembaika ajar kudus tu!” Bahá'u'lláh madah ngajar Pengarap Iya ianya
mih pengawa ansak ti udah diletak ba tiap iku orang ti arapka Iya. Ngajar ianya jaku-tangkan diberi
Bahá'u'lláh lalu patut dititihka kitai nyentukka Dunya Petara ulih didudukka ba dunya tu.
Kedua, ianya nengah batang pengawa ti dipejalaika kitai. Lebuh kitai menyalaika pengawa tu dia
kitai matih diri nyadi pengajar ti ngasi. Batang pengawa tu muka peluang endur kitai bekunsika ajar
Pengarap Bahá'u'lláh enggau orang ti bedau nemu pasal ajar ia lalu ulih nerima ia. Ari nya Pengarap
Bahá'u'lláh ulih ngerembai nengah jalai ti berurun.
Ketiga, ianya enti kitaiempu enda ulih bejalai ngajar ngagai menua ti jauh, kitai patut nambahka
pemeri kitai ngagai duitpan Bahá'í. Meri ngagai duitpan ianya ukai semina pengawa ansak tang ia meri
orang bukai peluang ngajar ngarika kitai. Pengibun Pengarap ti dikerindu bisi sekali nyebut: “Enti sida
ngasaika diri ngambi peluang ti naka ia jarang sereta kudus, awakka sida, ingatka jaku Bahá'u'lláh, keran,
nitihka pemisi diri, maduka orang ngarika diri, angkat ngereja pengawa ti naka-ia pemanah tu.“ Tang
taja pia, kitai enda patut semina meri ngagai duitpan aja lalu enggai ngajar Pengarap nyepi diri ti bisi
meri ngagai duitpan.
Aram mih kitai ngereja ungkup diriempu. Baka titik ai, mimit-mimit tau bejantil nyadi sungai ti
besai. Enggau jaku tu kami meri selamat ngintu gawai.
Enggau pengerindu,
Raban Gelumu Sambiang Bahá'í ke Sarawak
Page 2
Below is what Miss Pliny Neilson, 16, in her regular presentation on significant events, gave at the
Nineteen Day Feast of Azmá’ in her community of Kuching City North on 19 August 2012, based on
information she gathered from the internet.
PENATAI BAHÁ'U'LLÁH DI AKKA
Kena 31hb Lapan 1868, bala sida ti dibuai nengeri
nyau kelama-lama baru sangkai semak pintu-
penama ari tasik ba nengeri ‘Akká. Pintu tu siti ari
semina dua iti aja pintu ti ulih ditengah masuk
ngagai nengeri nya. Ia ke siti agi ianya pintu nengah
jalai darat.
Tajapen sida berasai lelak bendar bekau ti belayar
nengah tasik lalu penatai sida disambut bepuluh-
puluh iku orang ti diau ba nengeri nya enggau jaku
sumpah enggau jaku kelese ti ngumbai Bahá'u'lláh
nya "Petara orang Parsi," dia Bahá'u'lláh bisi nulis
dalam papantulis Iya ngenang maya penatai sida ba nengeri ‘Akká madahka: “Lebuh Kami
datai, Kami dilalu ngena bendera penampak, lalu Suara Ruh nyarih didinga madahka “Enda
lama agi semua mensia ti diau di dunya tu deka dipasuk di baruh bendera tu.”
Nengeri ‘Akká dikelinggi dua iti timbuk tanah ti tinggi lalu orang ti diau dia dikumbai
Bahá'u'lláh “bala anak ular bisa”; dalam nengeri nya nadai penatai ai, tempat endur sida diau
penuh indu-utai baka kretum enggau teka, jalai alun sempit, petang, bebelit-belit.” Dalam surat
Bahá'u'lláh nuju Sultan menua Turkey dia Iya nulis madahka ‘Akká ianya "nengeri ti pemadu ia
rosak di dunya tu, ia ti pemadu ia jai dipeda, ai ba nengeri nya ti pemadu kamah, enda nyamai
diirup, angin enda manah bawu. Nengeri nya baka nengeri burung antu.”
Lebuh maya musin panas nya meh Bahá'u'lláh sereta bala ti nitihka Iya dibai ngagai rumah jil tu.
Ba jalai nuju rumah jil tu dia sida mansa Masjid Al-Jazzar, ti endur jaku-tesau perintah dibacha
madahka sida ti dibuai ngagai nengeri nya ukai semina dijil seumur idup tang sida mega
ditagang begaul enggau orang ti endang udah lama diau ba nengeri nya.
Udah nengah jalai alun ti sempit sereta kamah di nengeri ‘Akká, Bahá'u'lláh enggau sida ke
bukai niki tangga masuk ke dalam jil. Semua pemayuh sida ti dijil dia lebih-kurang 70 iku lalu
sida diau ba jil nya pengelama lebih ari dua taun. Bilik dalam jil nya semua kamah bendar laban
latak. Pengangat cuaca enggau angin ti jai bawu nyau enda ulih tatka sida lalu ngujungka
Bahíyyih Khánum luput lebuh baru datai dia.
Ai di dalam telaga ba tengah laman rumah jil kamah bendar sereta enda tau diirup. Sida semina
diberi roti paun ti chelum sereta masin ke pemakai sida. Nyau kelama sida dikemendar keluar
ari jil, disimpulang orang ti nyaga pintu rumah jil sida ngambika sida ulih nukar tiga iti roti tu
enggau dua iti roti ti manah mimit ari nya ba kedai di luar jil. Nyau pemuas-ia udah nya sida
nadai agi diberi roti tang diberi duit mimit aja dikena sida meli pemakai ke diriempu. Semua
sida nyau sakit magang, semina dua iku aja enda sakit. Penyakit malaria, pedis perut bira chirit
lalu cuaca ti kelalu angat mega ngasuh pengidup sida balat agi pedis.
Lebuh ti ngenang pemedis pengidup sida sebuat dalam rumah jil di ‘Akká, Bahá'u'lláh nulis ,
"Nadai orang nemu nama penusah ti ninggang Kami, kelimpah ari Petara, Ti Kering, Ti Nemu-
Semua...Berengkah ari pun dunya tu nyentukka kemaya hari tu pemedis ti asai tu enda kala
diasaika.”
Rumah Jil di ‘Akká ti endur Bahá’u’lláh diau lebuh
Iya datai dia Bulan Lapan 1868.
Cherita pekara ti nyadi dalam Bulan Lapan
Page 3
Aum di Kuching Tu meh siti aum ti mujur, ku orang ti nulis berita tu. Endang amat enti kitai ngira ari pemayuh
orang ti datai ngulu ia—bisi 145 iku nyengkaum orang tuai, biak enggau anakmit. Semua sida
datai mai ati gagit ukai semina ngulu aum tu aja tang mega ngulu aum ninjau ke klaster Kuching
ti diatur serimbai enggau aum tu. Aum ninjau tu endur sida berundingka nama pengawa ti deka
dipejalaika dalam pusin ti nangkanka pusin program pemansang ke diatu.
Komiti Pemansang Klaster Kuching ti ngatur aum milih tempat endur nagtur ia ba Kompleks
Belia dan Sukan (Youth and Sports Complex) ba Jalan Tun Ahmad Zaidi Adruce di Kuching.
Berengkah pukul 1 ngalihhari kena Hari Enam 11hb Lapan 2012, aum tu abis pukul 1.30
ngalihhari hari siti.
Bala pangan ari Kuching Utara enggau Selatan, Kota Padawan, Kota Samarahan, Kampung Atas,
Betong Kanowit enggau Bintawa Lama, ngulu aum maya ujung minggu tu. Aum tu berengkah
enggau jaku pengelalu ari siku kaban Raban Gelumu Sambiang Bahá'í ke Sarawak. Semua sida
lapan iku ti diau di Kuching mega bisi ngulu aum tu.
Semua ia bisi tujuh iku orang bejaku maya aum tu. Sida tu ianya Mr. K C Yong (chairman Raban
Gelumu Sambiang Bansa), Kaban Penyanding Mr. Kalong Katik enggau Dr. Shehab Phung, Mr.
Bunsie Tunton (kaban Raban Gelumu Sambiang Bansa), Mrs. Maria Jemeni (Penulung
Pengerijista Tikah Bahá'í), Mr. Dajai Mancha (tukang wang Raban Gelumu Sambiang Bansa)
enggau Mdm. Kong Ah Fah (secretary Raban Gelumu Sambiang Bansa). Lalu pekara ti disebut
dalam jaku sida nyengkaum “Atur Pengawa enggau Pemansang Pengarap”, “Tanggungjawap
Kitai Dalam Lumpar Pengawa Lima Taun”, “Pesan ari Rumah Pengelurus Serata Dunya kena
28hb Duabelas 2010”, “Raban Gelumu Sambiang Menua, Gawai 19 Hari enggau Serumpu
Sambiang”, “Tikah Bahá'í”, “Darah Pengidup Pengarap”, enggau“`Abdu'l-Bahá, Teladan Ti
Nadai Penimpang”. Nambahka nya Dr. Vishnu Muthusamy, siku kaban Komiti Pemansang
Klaster bisi mandangka wayang bisu tauka slide show pasal Tempat Kudus Bahá'í di Tanah
Kudus.
Ba pengujung aum dia aum ninjau ke-37 ke klaster tu diatur lalu betuaika Ms. Pemila Joseph, ti
nyadi cluster development facilitator, lalu dibantu Dr. Shehab Phung. Nangkanka riput iya pasal
pengawa ti bisi dikereja dalam pusin ke diatu, dia bala pangan ti bisi ngulu aum semua dibagi
nitihka tumpuk diriempu lalu ngaga plan aktivit ke pusin ke-26 ti deka datai. Dikena ngujungka
aum dia pengari ari grup siti-siti dipinta mantaika pemutus ti udah digaga sida ke tumpuk diri.
Page 4 of 6
Program Pemansang di Mukah
Pengarang-Riput tu ditulis institiut
kordinator Sarawak tengah sereta
Kaban Penyanding Ms. Geriti Katik,
pasal pengawa ngelancharka pusin
program pemansang ke-5 di klaster
Mukah.
Kena 4/8/12, Klaster Mukah bisi
ngelancarka Program Pemansang
Dedat bagi pusin ke-5 ba Rumah
Amoi (dalam gambar) Bisi 18 iku
bala bisi datai lalu mayuh agi ari
sida nya bala nembiak. AGC
Mukah meri tumpu perati ngagai
kawasan Bukit Ambun dikena
ngepunka program pemansang.
Ba bukit Ambun bisi 13 iti rumah
panjai ti sema enggau pangan
diri. Program pagi nya, kami bisi
belajar pesan Ridvan 2012 enggau
28 Dec 2010, lepas nya AGC bisi
bekunsika pemansang enggau gol
ti deka diulih ba pusin tu. Lepas
makai tengahari bala pangan
dibagi ngagai 4 grup lalu bejalai
ngagai 5 iti rumah panjai ianya
Rh Bansa, Rh Peter, Rh Kumbong,
Rh Neri enggau Rh Ambang.
Kami meri tumpu perati ngagai
kelas anakmit enggau serumpu
sambiang laban 2 iti
pengawa tu dipeda
mujur diatur ba
endur tu. Sida ti
diau ba luar ari
kawasan bukit
Ambun mega
diperansang
ngaturka pengawa
ba endur sida. Ba
Politeknik Mukah bala nembiak
bisi ngatur enggau bejarit
serumpu sambiang ba 3 iti endur
ba asrama sida tang maia ujung
minggu enti bisi awak sida bisi
nurun ngagai bukit Ambun
nulung pemansang ti diatur bala
AGC ditu. Bisi siku nembiak,
umur 14 taun, iya ngepunka
serumpu sambiang enggau 9 iku
bala pangan iya di sekula sida.
Sebedau serumpu sambiang, iya
nyediaka Tulis Kudus dikena sida
ngenalamka penemu. Mayuh bala
sida udah ulih ngeripit Sambiang
Ansak ti pandak nyengkaum sida
ti bedau Bahá'i pun sama ngeripit
sambiang nya. Tiap ujung
minggu iya ngatur kelas anakmit
ba endur iya diau. Mayuh bala
nembiak kitai ulih ngatur
pengawa baka nembiak tu enti
sida di sempulang enggau
diperansang nitihka dipadah
Rumah Pengelurus Serata Dunya
dalam pesan Ridvan 2012 “dalam
pengeras ati ti deka ngereja
aktiviti ba dini-dini raban Bahá'i
ti dikena ngungkakka pengulih
raban baika nya biak enggau tuai,
pia mega bala pangan enggau
bala ti sama gawa, ngereja
pengawa enggau tuju ti sama tau
diaku nyadi kelai bakani raban ti
nyadi ari ajar kudus tau ulih
mansang”.
Klaster Sibu ngelanchar pusin ke-12 Pengarang-Riput tu ditulis institiut kordinator Sarawak tengah sereta Kaban Penyanding Ms. Geriti Katik
Kena malam 28/7/12, bisi 25 iku bala datai sama enggau ngelancarka Program Pemansang Dedat pusin ke
12 bagi klaster Sibu (dalam gambar di baruh tu). Udah ti belajar pesan ari Rumah Pengelurus Serata
dunya, dia kami bisi ninjau pemansang ke udah di ulih kami ba pusin ke 11. Ba pusin ke dulu, kami
dibagi ngagai 3 grup lalu tiap iti grup deka ngepunka pemansang ba Kawasan Sungai Bidut, Rantau
Panjang enggau Sibu Jaya. Bisi 38 iku bala pangan masuk Bahá'i ba pusin ke 11 lalu 23 iku sida ari Sungai
Bidut. Ba Sungai Bidut bala kami bisi nemuai 3 kali lalu ngaga serumpu sambiang enggau ngenalamka
penemu enggau sida. Udah ti ngelancar
pusin ke 12 kami bisi ngelawa sida baru
sida madah sida udah bisi ngatur
serumpu sambiang kediri ari rumah ke
rumah. Kami bisi meri sida iya bup pasal
Pengarap Bahá'i ti ulih dikena sida
ngenalamka penemu maia sida serumpu
sambiang. Kami mega bisi tetemuka 3
iku bala nembiak ti ulih enggau dalam
Latih Pengajar Kelas Anakmit ti deka
diatur kami bulan Lapan tu ngambika
sida ulih nudukka kelas anakmit ba
endur tu. Ba Rantau Panjang bisi 16 iku
Page 6 of 6
Klaster Simunjan ngelanchar program pemansang pusin ke-13
Report from Mr. Sulang
Benta, kordinator institiut
Sarawak selatan
PELANCARAN IPG
YANG KE-13 DI
KLASTER SIMUNJAN
Kira-kira seramai 50
orang yang hadir untuk
pelancaran kitaran yang
ke-13 program
pertumbuhan intensif
bagi klaster Simunjan pada 21
Julai 2012 di Kampung Mengeli
Simunjan. Buat julung kalinya
program pertumbuhan intensif ini
dilancarkan di kampung tersebut,
dan telah dihadiri oleh rakan-
rakan dari beberapa buah
kampung disekitarnya iaitu Kpg.
Temiang, Kpg. Batu Mumong,
Kpg. Sg. Lingkau dan Kpg.
Sekendu. Turut hadir bagi
membantu rakan-rakan dalam
perancangan sebelum pelancaran
ialah Ahli Lembaga Pembantu
Mr. Kalong Katik dan Ahli
Regional Bahá'í Council Ms Rosa
Bangal dan beberapa penyelaras
klaster.
Program bermula pada jam 10.00
pagi dengan kata alu-aluan dari
wakil penduduk Kpg. Mengeli,
selepas sesi doa dari para belia
yang hadir. Kemudian diteruskan
dengan kata alu-aluan dari wakil
Area Growth Committee sebelum
memulakan perbincangan
mengenai perjumpaan doa,
apakah kepentingan perjumpaan
doa, bagaimana memulakan atau
menjemput teman-teman ke
perjumpaan doa sehingga
waktu tengah hari. Sebaik saja
sesi pada sebelah tengah hari
bermula, Ahli Lembaga
Pembantu Mr Kalong Katik
membantu rakan-rakan dalam
perancangan untuk
mempertingkatkan dan membuka
rumah-rumah baru untuk
perjumpaan doa bagi kitaran
yang ke-13. Bagi kitaran ini rakan-
rakan bersetuju untuk berfokus
kepada bagaimana membentuk
dan membuka seberapa banyak
perjumpaan doa di komuniti
masing-masing. Hasil dari
perbincangan itu, jumlah
perjumpaan doa yang ketika ini
hanya 39 keluarga yang
membuka rumah mereka, kini
dipertingkatkan kepada 52
keluarga untuk kitaran yang ke-
13.
Apa yang sangat menarik disini
ialah penglibatan belia-belia
dalam perancangan tersebut,
mereka telah membentuk
kumpulan mereka sendiri yang
lebih dari 10 orang belia yang
hadir ketika itu. Mereka
bercadang untuk membuat
perjumpaan doa dikalangan belia
dan ingin menjemput rakan-rakan
mereka yang lain. Pada pendapat
belia-belia tersebut, apabila
mereka mengadakan perjumpaan
doa bersama-sama yang dewasa,
pengelibatan mereka sangatlah
terhad. Program pelancaran yang
diakhiri dengan rakan-rakan
meniup belon dan
memecahkannya, walaupun ada
dikalangan rakan-rakan yang
hadir begitu sukar untuk meniup
belon kerana ada yang tidak
mempunyai gigi lagi namun
mereka tetap berusaha, dan
begitulah usaha dan kegigihan
yang akan ditunjukan rakan-
rakan bagi pusingan yang ke-13
ini.
Bala pangan ti begelumu ba Kampung Mengeli
bala ti baru udah ngepun ke pemansang ba endur tu. Semua sida iya udah bisi enggau dalam program
pemansang. 7 iku orang besai tuai udah enggau bup 1 lalu sida mega bisi enggau bejalai ngajar ba pusin
tu. Sida udah bisi ngatur kelas anakmit enggau serumpu sambiang ba tumpuk tu. Kena 7/8/12 kami bisi
ngatur siti serumpu sambiang ba Rumah Mr. Hus, lalu bala pangan ari Sungai Bidut enggau Rantau
Panjang sama mega bisi datai. Kami bisi mantaika ‘Slide Show’ pasal Pengarap Bahá'i enggau pemansang
sereta pengawa bala Bahá'i ba seluruh dunya. Lebuh ti minum kami bisi berandau ruai sebedau bala ke
diri.
Page 5 of 6
Berita ari Macau (Pengarang - Kena 23hb Tujuh 2012 selatan menua China kena pangka rebut kuat. Siku kaban kitai ti diau di
menua Macau di selatan menua China, ianya Ms. Vera Kho nusui cherita bakani asai lebuh kena puputka rebut ti
kuat bakatu.)
Seharitu mua-hari endang chelum sereta beribut ba bengkah menua Zhuhai/Macau/Hong Kong. Siku
kawan aku ari menua Malaysia ngangau ka sekeda bala pangan serumpu merarau sereta bemain
pekakas muzik kena 23hb Tujuh. Enda bedulika ujan ti bangat kami sama ngenataika diri ngagai
rumah kawan aku nya. Iya tu siku orang dagang ti bisi kedai muzik di Macau. Kami sama berami
makai, sama rindu ati ninga muzik ti dimain tuan-rumah kami nya
tadi lalu nadai kiruh meratika ujan ti balat di luar. Kami mega
rindu bendar berandau lalu siku kawan lalu nanya bakani kitai
ulih nentuka diri gaga ati lebuh semampai dituntung penusah.
Aku lalu ingatka ujan ti balat di luar lalu nyebut tiap iku kitai
ianya endang nadai sebaka enggau orang bukai lalu pia mega bisi
penanggul diriempu ti lain ari penanggul orang bukai. Kitai patut
napi penanggul diri enggau ati ti liat sereta ngena chara ti
manusabah.
Enda lama udah nya siku agi kawan ti bisi dia madahka mua aku
tampak dipeda tang aku madahka diri nadai meda mua diri
tampak lebuh merening dalam cheremin. Tang kawan kitai ari
Malaysia madahka nya endang munyi jaku orang ti ngemaruhka
diri. Udah nya kami berandauka pekara enggau utai ti tau mai
pengaga ngagai ati kitai, sekeda ari utai nya ia ti nemu abis baka pengaya reta-tengkira lalu sekeda
nya utai ti ulih meri pengaga ti kudus lalu enda nemu abis lalu ia mega ulih nanka pengeliat ati kitai
lebuh ti dituntung penusah ti ngemediska kitai. Kami mega berandauka ni bagi pemakai ti manah ke
pengerai tubuh kitai. Bekau ti mendingka muzik sehari nya, dua iku kawan kami mulaika diri. Siku
ari kawan kami nya tadi baru bekelala enggau aku lalu kami duai mulaika diri sejam dudi ari seduai
ke dulu tadi. Kami tiga becherita lalu lebuh kami duai mulaika diri, tuan-rumah kami tadi berasai
puas ati. Tang lebuh kami duai pansut ari rumah iya dia dih ujan balat bendar betiup tang aku
madahka kawan aku, aku bisi barang deka dibeli sebedau pulai ke rumah. Iya lalu enggau aku
pengelama dua jam. Kami duai ngelaban ujan lalu kadang-kadang beteduh nisi dinding rumah ti bisi
endur bediri. Kami udah jempuk-puyuk tang kami duai enda beduli. Nyau kelama kami duai
beserara lalu nitihka jalai diriempu. Ribut semakin balat lalu payung aku enda ulih ditanka aku agi,
lalu ditutup aku. Nama dih, aku lalu bejalai kaki ngelaban ujan. Lemai nya menua Hong Kong
dilanda rebut ti pemadu kuat dalam 13 taun. Zhuhai enggau Macau mega bakanya. Pagi hari siti,
ujan lebih bangat agi. Mayuh utai ari rumah ti tinggi-tinggi mengarai labuh ke tanah. Mayuh kayu ti
enda tentu tegap mega tumbang. Berapa hari udah nya agi mayuh kayu lalu bedau dikemas orang.
Dalam runding aku lebuh ti meda utai ngemalat nya, bakanya mih sekeda mensia ti ditanggang
penusah. Pemesai enggau peninggi ukai dikena nyukat penegap kayu ti tumbang-laban bisi sekeda
kayu ti tumbang nya mit lalu sekeda nya besai sereta tinggi. Penegap enggau penyubur tanah ti
endur ia tumbuh nya siti utai ti ngenanka kayu nya lebuh dipuputka rebut. Kayu ti tumbuh ba tanah
enda manah lalu urat ia enda panjai tentu jampat agi tumbang lebuh bisi rebut kuat. Bakanya mega
semengat kitai mensia begunaka pemakai ari Tulis Kudus ngulihka penemu kudus, baka urat kayu
nya tadi ia mesti ngulihka pemakai ti jauh ke dalam tanah. Siti agi utai ti diperatika aku maya nya
ianya kayu ti tumbuh kediri mayuh agi tumbang dibanding enggau kayu ti tumbuh besemak enggau
kayu bukai. Dunya kitai mensia mega bakanya, kitai enda ulih idup kediri laban kitai begunaka
orang bukai lebuh ngereja pengawa. Lalu bakanya mega kitai mensia nyangka enda ulih ngelaungka
pemedis sebedau kitai belajar ni chara ngulihka pemaik enggau penyerakup dunya.
Vera (bediri kiri di belakang) enggau
tuan-rumah (duduk) enggau siku agi
kawan ke bukai.